Patuloy na bumabagsak ang Ethereum at malapit nang umabot sa $2,000 na level. Sa unang tingin, parang nagsa-stabilize na ang pagbaba, pero nakikita sa on-chain data na posibleng hindi pa dito natatapos ang paghina ng ETH.
Habang lumalapit ang ETH sa isang importanteng price level, lumalabas sa mga data na may matinding pressure pa rin na nangyayari sa ilalim. Posible ring mangyari ulit ngayon ang mga pattern ng mga dating market downturn.
Ethereum Pwedeng Ulitin ang Dating Galawan
Bumagsak ang Ethereum sa ilalim ng Realized Price nito noong January. Simula noon, naiipit pa rin ang ETH sa ilalim ng mahalagang on-chain benchmark na ito. Ang Realized Price ay ang average na presyong nabili ang lahat ng coin na nasa sirkulasyon. Kapag bumagsak ang trading price sa baba nito, ibig sabihin madaming HODLer ang nalulugi pa o may unrealized losses.
Kumpirma din ng Market Value to Realized Value (MVRV) ratio ang ganitong pressure. Nasa baba pa rin ng 1.0 ang MVRV ng ETH, ibig sabihin karamihan sa mga may hawak net loss pa sa ngayon. History na, kapag masyadong matagal na nananatili ang ETH sa value na ganyan, malaking chance na matinding market correction ang mangyari.
Gusto mo pa ng ibang insights sa mga token? Mag-subscribe na sa araw-araw na Crypto Newsletter ni Editor Harsh Notariya dito.
Pinapakita ng mga dati nang market cycle na kahit matagal na mababa sa Realized Price ang presyo, nagkakaroon pa rin ng recovery eventually. Pero, lagi itong nangyayari pagkatapos ng matinding pagbagsak o capitulation. Noong mga dating bear market, mas lalo pang bumagsak ang ETH bago ito lumakas at nag-bottom talaga. Sa ngayon, mukhang may posibilidad pang mas bumaba bago mag-stabilize uli ang presyo.
Aktibo ang Bentahan ng ETH
Makikita sa Exchange On-Balance data na dumarami ang supply na nililipat sa mga trading platform. Nitong nakaraang linggo, nasa 445,000 ETH ang nailipat papuntang exchanges. Sa kasalukuyang presyo, more than $887 million ito sa potential na selling pressure.
Kapag tumataas ang ETH na nililipat papuntang exchanges, kadalasang sign ito na plano nang ibenta ng mga holders ang mga token nila. Karaniwan, ginagalaw ng mga investor ang ETH nila papunta sa exchange kapag ready na silang magbenta. Sa laki ng inflow ngayon, mukhang mas nag-iingat at defensive na ang mga may hawak ng ETH.
Kung hindi makaka-recover agad ang presyo, baka mas lalo pang dumami ang panic selling. Sa nakaraan, nangyari na na bago sunod-sunod na bumagsak ang presyo, biglang tumaas muna ang deposits sa exchanges. Kapag sinabayan pa ng dami ng ETH na may unrealized losses at lumalaking supply sa exchanges, mas malaki ang chance ng tuloy-tuloy na pagbaba.
Mukhang Mas Lalong Bumabagsak ang Presyo ng ETH
Nagte-trade ngayon ang Ethereum sa $1,997. Ang $2,000 na level ay sobrang mahalaga dahil psychological support ito para sa madaming trader. Baka may pumick-up na buyers dito sa short term, pero bantayan pa rin dahil malakas pa ang selling pressure kaya maliit din ang chance ng solid bounce pataas. Sa analysis gamit ang CBD Heatmap, sunod na matinding support ay nasa $1,866.
Ang zone na ito ay dating area ng accumulation. Kung mababasag ang $1,866, pwedeng sumadsad ang presyo papunta sa $1,385. Naging bottom na rin noon ang price level na ito tuwing malalaking cycle. Kung aabot dito ang ETH, halos 30% na bagsak mula ngayon. Sunod na support malapit sa $1,231 na ang tinitingnan ng mga trader.
Puwede ring magbago ang sitwasyon kung bababa ang selling at dadami ang magho-HODL. Kapag huminto ang paglipat ng ETH papuntang exchanges at magtuloy-tuloy ang accumulation ulit, may chance mag-stabilize ang ETH sa ibabaw ng $2,000. Kung makabawi agad, possible umabot ng $2,205 sa short term. Tuloy-tuloy na buying o demand puwedeng magdala ng ETH hanggang $2,500 at baliktarin ang bearish outlook ngayon.
