Tumaas nang halos 15% ang presyo ng Ethereum nitong nakaraang buwan, pero tahimik na nagiging bearish ang galaw ng network. Nababawasan ang mga active users nito – bumaba ng 33% mula sa pinakamataas noong January. Ngayon, nasa pinakamababang level ang average gas sa loob ng dalawang taon.
Pababa ang trading volume kahit tumataas pa ang presyo. Noong May 1, mula sa accumulation biglang naging distribution ang galaw ng mga token sa exchanges. Oo, umaakyat ang presyo — pero mukhang iba ang sinasabi ng stats ng mismong network.
Tahimik na Bumagsak ang Demand sa Ethereum Network?
May tatlong importanteng data na nagpapakita ng lagay ng Ethereum network ngayong papasok ng May.
Gusto mo pa ng insights na ganito? Mag-subscribe sa Daily Crypto Newsletter ni Editor Harsh Notariya, dito.
Umabot sa 15 million ang daily active users ng Ethereum noong January 2026, base sa exclusive Dune dashboard ng BeInCrypto. Pagdating ng April, naging 10 million na lang ‘yan. Yung pagbaba ng 33% sa loob ng tatlong buwan ay importante dahil sa bilis ng paglipat, hindi lang sa kung ilang milyon ang users. Mas mataas pa rin ang 10 million na users kumpara sa baseline na 6 hanggang 7 million noong launch ng spot ETF nuong July 2024. Pero ang tunay na signal dito ay yung biglang pagbagsak ng momentum.
Pangalawang tinitignan na data ay ang gas. Nasa 1 gwei lang ngayon ang average gas prices ng Ethereum — pinakamababa simula early 2024, kung kailan naabot pa nito ang 49 gwei. Hindi laging good news para sa users kapag mababa ang gas; ibig sabihin nito, humihina ang demand para sa block space, at binabawasan nito ang epekto ng EIP-1559 burn mechanism na nagbibigay SUPPLY pressure sa ETH. Kapag konti activity, konti rin ang ETH na nababurn — kaya mas mahina ang deflationary support sa presyo ng Ethereum.
Pangatlong tinitignan ay mismong price chart. Simula February 6, nagte-trade ang Ethereum sa loob ng parallel rising channel. Unti-unting tumataas ang price, pero bumababa ang trading volume. Ang bearish na divergence na ‘to, nangangahulugan na umaakyat ang price kahit humihina na yung buying conviction. Saka, ‘yung ascending channel na ‘to ay nabuo pagkatapos ng halos 50% na pagbagsak mula sa highs ng January. Dahil dito, hindi kasing bullish ng dati ang pattern na ito.
Kapag pinagsama mo itong tatlo, makikita mo na umaakyat ang presyo ng Ethereum — pero hindi sumasabay ang lakas ng mismong network.
Kinumpirma ng Exchange Flows ang Babala ng Network
Pinakamalinaw na confirmation na nararamdaman na ng price action ang network weakness ay sa Glassnode’s Exchange Net Position Change data. Dito makikita ang net flow ng ETH papasok at palabas ng exchange wallets.
Noong April, malalim na negative ang metric na ito. Sunod-sunod na umaalis ang ETH mula exchanges papunta sa sariling wallets — usually, sign na nag-aaccumulate ang holders. Kada red bar, ibig sabihin, withdrawal ‘yan mula exchange wallets. Mula April 1 hanggang 28, average na 300,000 ETH ang lumalabas kada araw.
Pero biglang nagbago ang takbo.
Noong May 1, naging positive ang exchange net position change. Pagsapit ng May 4, may 60,449 ETH na pumasok na sa exchanges. Mula sa tuloy-tuloy na accumulation, naging distribution na. Historically, ganito ang set-up bago humina ang market — kapag nagse-send pabalik sa exchanges ang mga holder, malamang, ibebenta na nila ‘yan.
Pinalakas pa ng kasaysayan ang observation na ito. Huling beses na umakyat ang presyo ng Ethereum sa ganitong fundamental setup ay noong July 2024. Pagkatapos ng pag-launch ng spot ETF, bumagsak agad ng 40% ang ETH sa loob lang ng ilang araw. Pareho ang dahilan noon at ngayon: malakas ang pasok ng institutional funds kaya tumaas ang presyo, pero kulang sa organic network demand. Flat ang active users noon sa 6 hanggang 7 million, gaya ng naunang chart. Mababa rin ang gas. Hindi nagtagal ang rally, at bumagsak din ang market ilang linggo pagkatapos.
Pareho ang setup para sa April 2026 sa pattern na ‘yan. Ang dami ng active users ng Ethereum, biglang bumagsak mula sa peak nitong January. Yung gas fee, sobrang baba na — pinakamura na sa ilang taon. Kita rin sa chart na ang volume, parang nawawala na. Tapos, sa exchange flows, mukhang nagsisimula nang mag-cash out yung mga nag-ho-hold ng ETH.
Nagbigay na ng warning ang network. Ngayon, kinumpirma na rin ito ng mga exchange.
Mga Presyo ng Ethereum: Dito Kailangan Patunayan ng Rally ang Lakas Nya
Nagte-trade ngayon ang Ethereum (ETH) sa $2,383 at nasa loob ng isang parallel rising channel simula pa noong February 6. Itong channel na ‘to, nagsimula pagkatapos ng malupit na drop na 48.81% mula January peak na $3,407 down to $1,747 last February. Kaya itong rally ngayon, parang bounce-back lang — hindi tuloy-tuloy na pag-angat.
Ang unang level na i-test ay yung $2,466. Kapag nag-close ang ETH above dito sa daily candle, mas malapit siyang umabot sa upper trendline ng channel at magkakaroon ng chance na mapatunayang solid yung rally — pero kailangan din ito ay may kasamang volume na matagal na ring ‘di nakikita sa chart. Kung hindi mangyari ‘yung close na ‘yun, mananatiling siksik ang structure at baka mangibabaw pa rin ‘yung mga bearish signal na galing sa kakaunting active users, mababang gas, at outflows sa exchange, na pwedeng humila pababa sa presyo.
Kung bababa ang presyo, sunud-sunod din ang mga support. Dapat mapanatili yung $2,074.57 (0.236 Fibonacci level) para manatili ang ETH sa loob ng channel. Kapag nabasag ang $2,074, pwedeng bumagsak hanggang $1,831 (0.382 Fib level). Kapag lumagpas pa dito pababa, pwedeng bumaba hanggang $1,747 (February low) at $1,635 (0.5 Fib level).
Hindi magkasing-balanse yung paggalaw ng presyo. Para maka-lipad paakyat, kelangan ma-reclaim ang $2,466 na may kasamang volume na matagal na rin nating ‘di nakita. Pero kung bumigay ang channel, pwedeng bumalik sa February lows yung ETH. Daily close above $2,466, mas hihina yung mga bearish na argumento. Pero kapag nag-close below $2,074, mas malaki ang chance na bumagsak pa ang presyo.
