Binuksan ng crypto super PAC na Fairshake ang isang $30 milyon na ad campaign laban kay dating Ohio Senator Sherrod Brown. Nangyari ito isang linggo matapos hindi umusad sa Senado ang CLARITY Act.
Nagbabalik si Brown, isang Democrat, para subukang mabawi ang pwesto niya na natalo siya nitong 2024. Sabi ng Fairshake, susunod pa ang mas maraming gastusin para sa House at Senate races, kabilang na ang suporta para sa mga kandidato mula sa parehong partido.
Balik Opensa Kay Brown: Paboritong Target ni Fairshake
Nabigo ang Senado na umusad ang Digital Asset Market CLARITY Act noong September 15. Nagtapos ang procedural vote sa 49-50, malayo sa kinakailangang 60 votes para sumulong ito.
Malaking dagok ito sa crypto industry. Ang Fairshake, isang super PAC na sinusuportahan ng crypto industry, ngayo’y nakatutok ang pondo sa mga Democratic candidates ngayong papalapit ang midterm elections.
I-follow kami sa X para sa mga pinaka-bagong balita
Isa sa mga hakbang nila ay ang campaign sa Ohio laban kay Brown, na dati na ring naging target ng industry funds.
Bilang top Democrat noon sa Senate Banking Committee, ginastusan siya ng Fairshake ng $41 milyon sa ads para patamaan siya nitong 2024.
Natalo si Brown noong Nobyembre. Sinasabi ng Republicans na isa raw dahilan kaya nanalo ang kalaban ay dahil sa crypto money na pumasok sa laban.
Traders: Llamang ang Democrats sa November
Agad pinasimulan ng Fairshake ang campaign nitong Martes gamit ang ads at direct mail na tutok kay Brown. Tinawag ito ng New York Times na pinaka-agresibong campaign ng crypto industry para sa midterm sa ngayon.
Tinututukan ni Brown ngayon si Republican Senator Jon Husted para sa pwesto sa Ohio. Isa ito sa mga pinaka-mainit na labanan para sa Congressional control ngayong taon.
Sa kabilang banda, may hawak na pondo na $120.4 milyon ang super PAC at dalawang kaalyadong grupo base sa federal filings. Umabot na rin sa $68 milyon ang nagastos ng Fairshake para sa congressional primaries ngayong cycle, ayon sa Times.
Tinatawag ng Fairshake ang sarili nila na bipartisan, at binigyan nila ng pondo ang ilang Democrats nitong 2024. Pero ngayong eleksyon, inaasahang mas malaki ang gastos nila pabor sa Republicans.
Tuloy ang dating ng pondo habang prediction markets nagsi-switch na laban sa Republicans sa national level. Sa Polymarket, 93% na chance para sa Democrats sa House, 65% chance para sa Senate—samantalang 7% at 36% lang sa Republicans.
Ganito rin ang sitwasyon sa Ohio. Nakikita ng mga trader sa Polymarket na may 61% chance si Brown sa US market, kumpara sa 40% para kay Husted. Medyo dikit naman globally sa 55% laban sa 46%.
Pati surveys, nagbago na rin. Bumulusok ang approval rating ni Trump sa record low na 32% ayon sa Reuters/Ipsos survey. Matitesting sa Ohio kung sapat na ba ang $30 milyon para makuha ng crypto industry ang resulta na gusto nila.
Mag-subscribe sa YouTube channel namin para mapanood ang expert insights ng mga leaders at journalists
