In-indict ng federal grand jury ang 10 executive at empleyado dahil sa paggawa ng pump-and-dump scheme na nanloko ng mga investor sa US at sa iba pang bansa.
Tinarget ng kaso ang mga empleyado mula Gotbit, Vortex, Antier, at Contrarian. Tatlo sa mga akusado, kabilang ang dalawang CEO, ang naaresto at na-extradite mula Singapore. Natikman na rin ng Gotbit ang parusa noong unang phase ng Operation Token Mirrors.
I-follow kami sa X para magka-update ka agad sa mga pinaka-bago naming balita
“Bukod pa sa tatlong na-extradite, may dalawa pang tumanggap na ng guilty plea at nahatulan na ni U.S. District Court Judge Araceli Martínez-Olguín,” sabi ng press release.
Galing ang indictments na ‘to sa joint undercover operation ng FBI at IRS Criminal Investigation (IRS-CI). Gumawa ang mga ahente ng federal ng iba’t ibang crypto token para mahuli ang mga market-making firm na nag-o-offer ng illegal na wash trading services.
Ang wash trading ay isang paraan ng market manipulation kung saan magkakasabwat na trader ang paulit-ulit na nagbebenta at bumibili ng asset para magmukhang mataas ang trading activity. Dahil dito, nadadaya ang mga investor, napapalaki ang perceived demand, at nagkakagulo ang presyo.
Yung sampung akusado ay galing sa iba’t ibang bansa gaya ng Russia, India, Taiwan, at Serbia. Pinapakita nito kung gaano kalawak ang crypto market manipulation at kaya nitong tumawid-tawid ng borders.
Nasa $1 milyon na na-crypto ang nakuha na ng mga awtoridad. Sinabi rin na maaaring umabot ng 20 taon sa kulungan at multang hanggang $250,000 ang harapin ng bawat na-convict.
Mag-subscribe sa YouTube channel namin para mapanood ang insights ng mga leader at journalist tungkol sa crypto
