Matinding tanggalan ng empleyado ang ginawa ng American tech giant na Oracle nitong Martes — libo-libo raw ang natanggap ng termination email ganing 6 a.m.
I-follow kami sa X para parati kang updated sa mga latest na balita habang nangyayari
Nasa 18% ng global workforce ng Oracle ang naapektuhan ng tanggalan na ‘to. Tinamaan nito ang mga empleyado mula sa Oracle Health, Sales, Cloud, Customer Success, at NetSuite na divisions.
“Matapos pag-isipang mabuti kung ano mga kailangan ng business ngayon ng Oracle, nagdesisyon kami na alisin na ang posisyon mo bilang parte ng mas malawak na pagbabago sa buong kumpanya. Kaya ngayon na mismo ang huling araw mo sa trabaho,” ayon sa kopya ng email na nakuha ng Business Insider dito.
Sinabihan din ang mga natanggal na empleyado na pagkatapos nilang pumirma sa termination documents nila, puwede silang makatanggap ng severance package — depende pa rin sa terms at conditions ng severance plan nila. Basahin pa dito.
Hindi lang Oracle ang gumagawa ng mass layoff ngayon. Madami talagang kumpanya sa tech sector na nagbabawas ng tao habang nagkakaroon ng matinding restructuring sa industry. Noong isang linggo lang, nag-layoff din ang Meta — daan-daang empleyado mula sa limang iba’t ibang division ang natanggal. Basahin dito.
Ngayong taon lang nung January, nagtanggal din ang Amazon ng nasa 16,000 na posisyon. Yung Block ni Jack Dorsey, halos kalahati ng workforce nila na sobra 4,000 na tao ang natanggal nitong February. Basahin ang detalye dito.
Maging sa crypto industry, nararanasan din ang ganito. Binawasan ng Gemini Space Station ng mga 30% ang bilang ng empleyado nila mula simula ng 2026.
Samantala, nagtanggal rin ang Crypto.com ng 12% ng team nila, habang ang Algorand Foundation ay nag-cut ng halos 25% ng workforce nila. Basahin pa dito. Sinasabi rin ng Messari, isang crypto market intelligence platform, na nagpaalam na sila sa madaming miyembro ng team nila dahil sa mga challenges sa market.
