Hindi na nakikita ni New York Federal Reserve President John Williams na kailangan pa ng dagdag na rate hike sa 2027. Pero, inaasahan pa rin niyang magtataas pa uli ng rate bago matapos ang taon.
Mas mataas pa ang taya ng mga futures trader, kung saan nasa 93% ang chance na mas mataas ng at least 50 basis points ang rates sa pagtatapos ng 2027. Kung ano man ang piliin ng Fed na direction, ito ang magdidikta kung gaano kalakas ang epekto ng rates sa crypto market.
Bakit Naniniwala si Williams na Pwedeng Huminto Pagkatapos ng Isa Pang Hike
Binigyang paliwanag ni Williams ang pananaw niya sa isang interview sa Bloomberg News. Inaasahan niya na babagsak ang inflation malapit sa target ng Fed na 2% pagdating ng 2027.
“Hindi nagbago ang pananaw ko na baka kailanganin pa ng isa pang rate hike. Pero sa ngayon, wala akong dahilan para isipin na kailangan pa namin magtaas ulit ng sobra,” sabi niya.
Dinagdag pa niya na magdedepende pa rin sa mga bagong datos ang direction sa 2027. Nilinaw ni Williams na nagsisimula nang bumaba ang mga underlying na panukat sa inflation. Nasa 2.3% na ang trend measure ng New York Fed, habang halos pareho din ang Dallas Fed trimmed mean.
Ngayong taon, nananatiling si energy pa rin ang nagpapataas ng inflation, pero sabi ni Williams, baka sa 2027 ay siya na ang magpababa ng presyo. Sa ngayon, ang AI-driven demand para sa energy ang pinakamonitor niya at posibleng maging driver ng inflation.
Vice chair din si Williams ng Federal Open Market Committee (FOMC). Noong nakaraang buwan, sinabi niyang walang kailangang magmadaling magtaas ng rate ang Fed. Mula 70.9%, bumaba sa 47% ang chances ng hike sa October sa loob lang ng isang araw.
Sa kabilang banda, 8 sa 18 na opisyal na nag-project ng rates sa 2027 ay umaasang may isa pang hike maliban pa sa ngayong taon. Sina Cleveland Fed’s Beth Hammack at Dallas Fed’s Lorie Logan ay tingin nila, higit pa sa isang hike ang kakailanganin.
Futures Nag-e-expect ng Mas Malaking Pagtaas Kumpara kay Williams
Ayon sa CME FedWatch, nasa 23.8% ang chance ng rate hike sa October. Pero, inaasahan ng mga trader na ang susunod na galaw ay sa December 9, kung saan halos nasa 89.8% ang chance ng hike.
Ine-expect ng mga trader na magpapatuloy pa ang pagtaas ng rates hanggang 2027, lalo na sa unang kalahati ng taon. Sa FedWatch, ito ang pinaka-possible na range tuwing key meetings:
- January: 4%-4.25% (44.8%)
- March: 4.25%-4.5% (43.6%)
- June: 4.5%-4.75% (35.3%)
- December: 4.5%-4.75% (31.7%)
Pagkatapos ng June, pinaka mataas pa rin ang chance na manatili ang rates sa 4.5%-4.75% hanggang sa matapos ang taon, na 75 basis points na mas mataas kumpara sa ngayon. Ang 6.3% lang ang chance para sa scenario na magka-quarter point hike pa, na magdadala ng rate sa 4%-4.25% sa dulo ng 2027.
I-follow kami sa X para lagi kang updated sa mga balitang crypto
Mas Marami Pang Hike o Magho-hold na? Ano ang Ibig Sabihin Nito Para sa Crypto
Ang Bitcoin (BTC) ay nasa $83,453 ngayon, bagsak ng 0.18% sa nakalipas na 24 oras ayon sa BeInCrypto Markets. Ibig sabihin, nasa 34% pa rin ito sa baba ng all-time high na $126,080 noong October 6, 2025.
Habang tumataas ang rates, mas lumalaki ang kita ng savers sa cash at bonds kaya karamihan ay baka i-pull out muna ang pera nila mula sa mas risky assets tulad ng Bitcoin. Hindi naman nag-ooffer ng interest ang Bitcoin kaya nawawalan ito ng appeal kapag mas mataas ang yields sa iba.
Lalong naiipit ang market dahil sa pressure na ‘to. Dahil sa dami ng mga trader na umaasa na may rate hike pa, napaakyat rin ang US Dollar Index (DXY) hanggang sa 18-month high. Nag-touch din ang 10-year Treasury yield sa 5.35% noong October 8, na pinakamatataas sa loob ng 24 years.
Pero mukhang baliktad ang trajectory na tinuturo ni Williams. Kung magkakaroon pa ng isang rate hike tapos ititigil na, mas mabilis magbabawas ng advantage ang cash at bond market kumpara sa Bitcoin. Pero sa totoo lang, hindi lang rate moves ang nagpapagalaw sa Bitcoin. Tumaas pa nga ng 13% ang presyo ng Bitcoin pagkatapos ng September rate hike dahil bumalik ang mga institutional funds at namili ulit ng BTC.
Sinabi ni Williams na wala siyang specific target para sa September Consumer Price Index (CPI) result, pero syempre, mas gusto niyang mas mababa ang lalabas na number nito.
Kung mas mababa nga ang CPI, pwede nitong pababain ang expectations para sa rate hike at gumaan ang pressure sa crypto market. Ilalabas ang ulat na ito sa Wednesday, at ito na ang huling inflation data bago ang October 28.
Mag-subscribe sa YouTube channel namin para mapanood ang insights ng mga crypto leaders at journalists
