Kumpirma ng Seoul National University Hospital nitong Huwebes na nakatanggap sila ng 100,000 XRP tokens galing sa isang individual donor na si Kim Geo-seok. Ginawa ang crypto donation noong March 26, at ang halaga nito ay nasa 210 million won o mga $145,000 kung based sa presyo ngayon. ‘To na ang pangalawang beses na may natanggap silang crypto — nung November last year, nag-donate na rin si Kim ng isang Bitcoin.
Bilang bahagi ng tahimik na pagbabago sa paraan ng pagdo-donate sa South Korea, ginagamit ni Kim ang crypto bilang paraan sa kanyang pagtulong.
Mula Ulila sa Giyera Hanggang sa Pagiging Investor
Apat na taong gulang lang si Kim noong pinaghiwa-hiwalay ng Korean War (1950-53) ang family niya. Napunta siya sa isang orphanage sa Jeju Island bitbit ang mga sugat sa mukha galing sa isang partisan attack. Nang nakabalik siya sa Seoul, kung anu-anong trabaho muna ang pinasok niya para lang makaraos.
Noong 19 siya, umakyat siya sa Namsan Tower — ‘yung sikat na landmark sa Seoul na pwedeng nakita mo na sa KPop Demon Hunters sa Netflix — na siyang pinakamataas na spot sa siyudad noon. Tiningnan niya ang mga kumikislap na gusali sa ibaba at pinangarap na balang araw ay magka-bahay siya roon.
Matuto siyang mag-investing dahil sa paulit-ulit niyang pagbasa ng mga financial newspaper, literal cover to cover, taon-taon. Sina Warren Buffett at Peter Lynch ang naging inspirasyon niya.
Hindi naging diretso ang tagumpay ni Kim — minsan, isang sablay na taya sa stocks ang dahilan kung bakit nawala lahat, pati bahay niya. Nagtrabaho muna siya bilang hotel security guard at limang winter siyang nag-ipon ng panibagong puhunan, kahit nagyeyelo ang kanyang mga kamay. Sa huli, na-recover niya ang kanyang portfolio at napabilang siya sa mga successful na individual investors.
Sa isang interview noong May 2025 sa Maeil Business Newspaper, sinabi ni Kim na mas importante kung paano ginagastos ang pera kaysa kung paano ito kinikita. Sabi pa niya, ang tunay na mayaman ay ‘yung marunong magbahagi.
Bagong Paraan ng Pagdo-donate
Nakabigay na si Kim, na isang 79-anyos na retail investor, ng kabuuang 1.27 billion won sa ospital pa lang. Bukod dito, nag-fund na rin siya ng libreng clinic sa Red Cross hospitals at nag-donate din sa Community Chest of Korea.
Taong 2018 siya nag-umpisa ng malalaking donation sa pamamagitan ng Community Chest of Korea. Naging unang individual na miyembro rin siya ng Red Cross “Super High-Value Donors Club” noong nakaraang taon. Umabot sa isang bilyong won ang total na pinangako niya sa Red Cross, para pondohan ang libreng clinics para sa mga walang insurance na workers at multicultural families.
Nung pinayagan ng Financial Services Commission ng South Korea ang mga nonprofits na magli-liquidate ng crypto donations nitong mid-2025, isa sa mga unang sumubok nito si Kim. Yung isang Bitcoin na donation niya sa Red Cross noong August 2025 ang naging kauna-unahang naitalang individual crypto donation sa isang nonprofit sa bansa.
Mula noon, ilang ulit na niyang ni-repeat ang donation na ‘yon, umabot na ng apat na beses sa dalawang iba-ibang institusyon. Parehong kino-convert ng Seoul National University Hospital at ng Red Cross ang crypto donations niya to fiat gamit ang Upbit, base sa internal guidelines nila.
“Sana Maging Normal na Lang ’To”
Sa seremonya noong March 9 para sa huling Red Cross donation niya, simple lang ang wish ni Kim: sana maging normal na lang ang pagdo-donate gamit ang crypto, tipong hindi na ito nagsusulputan sa headline.
Sinabi ng hospital director na si Kim Young-tae na magandang halimbawa ang donation bilang digital-asset philanthropy. Dagdag niya, gagamitin daw ito para sa development ng hospital at medical center para sa mga bata.
Pangarap pa rin ni Kim Geo-seok na maging pinaka-malaking individual donor sa buong Korea. Kahit 79 na siya, mula orphan hanggang maging investor, parang hindi pa rin siya napapagod tumulong.
