Apat na buwan na mula nang mangako si Elon Musk na igagawang open-source ang recommendation algorithm ng X at mag-u-update kada apat na linggo, pero isang commit pa lang ang meron sa official xai-org repository. Kaya, maraming crypto users ang nagsasabing parang palabas lang ang release na ‘to, hindi totoong transparency.
Nagsimula ang pangako noong January 10, kung saan sinabi ni Musk na ipo-post ang code sa loob ng isang linggo at magkakaroon ng monthly refresh kasama ng detalyadong developer notes. Nailive ang repository noong January 17, pero simula noon, wala nang pagbabago.
Hindi Dumating ang Pinangakong Monthly Updates
Ang xai-org/x-algorithm repository ay may apat na components, gawa 62.9% sa Rust at 37.1% sa Python. Wala pa ring nadagdag na follow-up commit kahit isa.
Wala din ang mga developer notes na pinangako ni Musk para sa bawat refresh. Ganito rin ang nangyari sa lumang twitter/the-algorithm repo noong 2023 kung saan umani ito ng parehong reklamo bago ito nawalan ng update.
Nangyayari ang katahimikan na ito kasabay ng dumaraming reklamo ng mga crypto users tungkol sa nababawasang reach ng crypto content sa platform.
“Pinakamasama ngayon ang algorithm. Puro politics, rage bait, engagement bait at siguro 10% lang crypto content ang lumalabas sa feed ko. Nawawala na ang communities at parang nagiging Instagram 2.0 na ‘tong app na ‘to. Dati kasi, main feature ng app yung formation ng communities base sa topics, at doon ka lang madalas tumatambay sa feed mo,” kwento ng market watcher na si Ethan sa kanyang observation.
Bago pa lumabas ang repo, tinanong na ng Ethereum co-founder na si Vitalik Buterin kung kaya ba talaga ng X na maging transparent sa ganitong mga standard.
Wala sa Code ang Mismong Numbers Na Nagra-rank ng Posts
Makikita sa nilabas na code yung final score formula pero hindi kasama rito yung actual weights na nilalagay sa bawat predicted action.
Naka-state sa Phoenix module README na “representative of the model used internally with the exception of specific scaling optimizations” ang transformer dito — ibig sabihin, iba pa rin yung mismong system na ginagamit nila kumpara sa pwedeng i-audit ng public.
Pansin din ng mga crypto critics na natututo ang model mula sa negative signals tulad ng reports at blocks, kaya pwede pa ring gamitin ng coordinated bots bilang pang-suppress ng content.
Samantala, yung decentralized na alternatives tulad ng Farcaster ay nagpu-publish ng buo at pwedeng i-fork na protocol, hindi lang sample code na di mo naman ma-verify kung kapareho sa production.
Sa susunod na apat na linggo, makikita talaga kung seryoso si Musk sa transparency—hindi tulad ng unang upload ng repo na parang pa-show lang.
