May preliminary na deal ang New York Stock Exchange (NYSE) at Blockchain.com kung saan puwedeng makapag-trade ng tokenized na US stocks at exchange-traded funds (ETFs) ang mga user ng crypto platform na ito.
Kapag sinabi nating tokenized stock, ito yung digital version ng shares na naka-record sa blockchain, o isang digital na sistema para i-record ang mga transaksyon. Sabi ng Blockchain.com, meron na silang higit 44 million confirmed accounts.
Ano ang Covered ng NYSE at Blockchain.com Tokenized Stocks Deal?
Inanunsyo ng dalawang kumpanya ang memorandum of understanding (MOU), isang non-binding agreement. Dahil dito, magkakaroon ng plano ang mga user ng Blockchain.com na makapasok sa digital alternative trading system (ATS) ng NYSE, isang regulated na platform pero hindi pa siya full stock exchange.
Magsisimula lang ang trading kapag na-approve na ito ng regulators, ayon sa announcement.
May data-sharing din sa deal na ito. Yung ICE Data Services na bahagi ng Intercontinental Exchange (ICE), owner rin ng NYSE, balak nilang ibenta ang crypto market data mula sa Blockchain.com sa mga kliyente nila. Kapalit nito, magdi-display naman ang Blockchain.com ng live NYSE at ICE stock prices sa loob ng app nila.
“Hindi dapat limitado ang people na magkaroon ng stocks depende lang kung saan sila nakatira o kung anong brokerage at info ang meron sila o wala,” ayon kay Peter Smith, CEO ng Blockchain.com sa release.
Bakit Interesado ang NYSE sa Crypto Users?
Nag-announce ang NYSE ng platform na ito noong January. Sabi nila, 24/7 daw ang trading dito, instant ang paglipat ng shares at cash, puwedeng gumamit ng stablecoins (digital dollars), at pwede ring bumili ng partial shares. Mananatili pa rin sa token holders ang dividends at voting rights, ayon sa NYSE.
Nag-o-operate ang Blockchain.com sa mahigit 70 bansa. Sabi ni Lynn Martin, NYSE Group President, bagay daw talaga sa platform nila yung global reach ng Blockchain.com.
Nangyari din ang deal na ito kasunod ng pag-grant ng US Securities and Exchange Commission (SEC) ng five-year tokenized stock exemption. Dapat pareho ng karapatan ang tokens at regular shares, at bawal ang synthetic copies.
Pati Wall Street, humahabol na rin sa trend na ‘to. Ngayong linggo, nag-flag ang Cantor Fitzgerald ng possible 95% upswing sa Securitize, isang kumpanya na ginagawang tokens ang stocks. Sa hiwalay na prediction ng Citi Institute, puwedeng umabot sa $5.5 trillion ang tokenized assets by 2030.
Wala pang final launch date para dito. Ang susunod na step, maghintay ng go signal mula sa regulators para sa digital platform ng NYSE.
