Ibinaba na ng high-end na car brand na Porsche ang kanilang Web3 project. Wala na silang suportang binibigay para sa Porsche NFT collection at PIONΞERS CIRCLE holder club. Sa ganitong desisyon, tinapos na nila ang isang project na problematic na simula’t sapul ng pag-launch.
Pero hindi mawawala ang mga NFT mismo. Mananatili pa rin sa mga holders ang mga PORSCHΞ 911 NFTs nila, kahit pa iiwan na ni Porsche ang komunidad na ininvestan nila ng halos apat na taon para buuin.
Ano na mangyayari sa mga Porsche NFT holders?
Inanunsyo ng opisyal na account ng project ang tatlong pagbabago sa kanilang farewell post.
Una, lahat ng Porsche NFT ay mananatili sa current owner nito at tuloy pa rin ang existence nila sa blockchain.
Pangalawa, magiging read-only archive na lang ang PIONΞERS Discord server nila. Pwede mo pa rin makita at balikan yung mga taon ng chat at discussions doon, pero hindi na pwede mag-start ng bagong conversation. Sa huli, titigil na sa pag-post ang X (Twitter) account ng project.
Sinasabi ng Porsche na ito ay strategic na change. Ayon sa team, tuloy pa rin ang pag-adapt nila sa mga bagong opportunities on their own terms.
Bakit hindi naging runaway success ang digital 911 ni Porsche?
Problema na agad ang inabot ng project. Nag-launch ang Porsche NFT collection sa Ethereum nung January 2023, may 7,500 tokens sana at bawat isa ay 0.911 ETH ang presyo (or halos $1,400 noon).
Kaso, hindi umabot sa inaasahang demand. Naka-mint lang ng 1,909 tokens ang mga buyers bago pinatigil agad ng Porsche ang bentahan.
Kahit ganun, tuloy pa rin ang project. Ilang taon ding nag-host ang team ng Discord sessions, events, at pati racetrack experiences para sa mga holders.
Hindi sinabi ng Porsche ang eksaktong reason bakit sila nag-exit. Pasok lang siya sa trend ngayong taon ng mga NFT at crypto projects na nagsasara.
Katulad din ito ng nangyari kay Nike dati. Nagsara sila ng RTFKT digital sneaker studio noong January 2025, tapos binenta sa isang taong hindi na-identify.
Nitong taon lang din, sinara ng Gemini ang Nifty Gateway NFT marketplace na dating favorite hub ng curated digital art drops.
Lagpas 20 crypto projects din ang nagsara sa unang quarter ng 2026 dahil lumiit ang pondo ng mga project at bumaba ang trading volume sa market.
Kung tutuusin, yung pag-alis ng Porsche parang hindi na naiiba — mas mukhang parte na siya ng pattern ngayon.
Sa ngayon, mapapanatili ng mga Porsche NFT holders yung asset nila, pero lahat ng events at perks na kaakibat nito nawawala na. Malamang, maka-apekto ito sa diskarte ng ibang luxury brand kung sakaling subukan nilang pumasok ulit sa Web3.
