Inulit ni Ripple CEO Brad Garlinghouse sa harap ng lahat sa Bitcoin 2026 conference na todo pa rin ang suporta ng kumpanya para sa XRP. Direkta niyang sinagot ang mga kumakalat na kwento na parang napabayaan na raw nila ang token nila mismo.
Kasabay nito, inanunsyo rin ng Ripple na todo rin ang expansion nila papuntang Middle East at Africa.
Diretsong Sinagot ng CEO ang mga Pagdududa
Habang nasa Vegas conference, diretsahan na kinausap ni Garlinghouse ang mga kritiko. Sinabi niyang sila pa rin ang pinakamalaking may hawak ng XRP sa buong mundo at tuloy-tuloy ang suporta nila para magtagumpay ang token na ito.
“Todo ang commitment ng Ripple para gawing pinaka-kapaki-pakinabang, pinaka-liquid, at pinaka-pinagkakatiwalaang digital asset ang XRP,” ani Garlinghouse.
Direktang sagot ito sa matagal nang kritisismo na kesyo iniwan na raw ng Ripple ang XRP. May mga nagsa-suggest rin kasi dati na lumipat na raw ang focus ng company papunta sa mga institutional payment solutions tulad ng RippleNet at xCurrent, na hindi naman kailangan ng tokens.
Ang sinabi ni Garlinghouse ay malinaw na nagpapakita na magka-partner lang talaga ang institutional payments at ang adoption ng XRP, hindi sila magkakompetensya.
Bilis ng Expansion ng Ripple sa Middle East
Hindi lang tungkol sa XRP ang usapan — inanunsyo rin ng Ripple na magbubukas sila ng bagong regional headquarters sa Dubai International Financial Centre (DIFC) sa Dubai.
Dahil dito, mas malalawak pa ang galaw ng Ripple sa buong Middle East at Africa. Malaki kasi ang potential sa mga lugar na ito lalo na pagdating sa pag-develop ng payment infrastructure at pag-adopt ng blockchain technology.
Grabe rin ang laki ng galaw ng treasury platform ng Ripple — umaabot sa $12.5 trillion ang payment volume nila kada taon, at konektado sila sa 13,000 na bangko. ‘Pag tuloy ang expansion nila dito sa Middle East, puwedeng madagdagan pa ang volume mula sa mga regional banks at payment providers.
Nakahanap ng Panalo ang XRP Army
Sobrang natuwa ang XRP community sa mga sinabi ng CEO, lalo na yung mga nandon sa event. Matagal na ring may tension sa pagitan ng company at token holders nila dahil may mga nagdududa talaga kung kasing committed pa rin ba ang Ripple sa XRP.
Malinaw na reassuranace na may laman ang pahayag ni Garlinghouse. Pinakita niya na aligned talaga ang interes ng Ripple at ng mga may hawak ng XRP dahil kung magtagumpay ang XRP, panalo rin ang kumpanya mismo.
Iba ito sa kwento na parang pabigat or “legacy” na lang daw ang XRP para sa Ripple, imbes na matatag na asset na tunay na mahalaga sa strategy nila.
Institutional Adoption at Mas Malalim na XRP Integration
Pinakita ng CEO na plano rin nilang i-integrate pa lalo ang XRP sa mga institutional payment flow. Habang dumadami ang gumagamit ng RippleNet, mas dadami rin ang pagkakataon na gamitin ang XRP bilang settlement para sa specific na transactions.
Inemphasize din ni Garlinghouse na gusto niyang maging pinaka-liquid digital asset ang XRP. Ibig sabihin, gusto nilang gawin itong madali para sa mga financial institution na mag-trade at mag-hold ng XRP para sa settlement ng transaksiyon.
Yung tatlong goal na binanggit — pinaka-useful, pinaka-liquid, pinaka-pinagkakatiwalaan — nagbibigay ng solid na vision na baka ito na nga ang maging top choice na settlement token para sa international payments someday.
May Nagdududa Pa Rin
Pero syempre, hindi lahat kumbinsido sa strategy ng Ripple. May ilang nagsasabi na hanggang ngayon, limitado pa rin ang use case, kahit matagal nang dine-develop ang XRP. Meron ding nagsasabi na mas panalo raw ang mga stablecoin tulad ng USDC pagdating sa payments.
Kailangang mapakita talaga ng Ripple ang commitment nila sa XRP sa pamamagitan ng actual na adoption at growth ng transaction volume. Sa huli, ang mga may hawak ng token pa rin ang maghuhusga kung seryoso talaga ang company depende kung gaganda ba ang adoption at transaction numbers matapos ang mga announcement na ‘to.
