Hinimok ni Michael Saylor ang mga shareholder ng STRC na bumoto sa proposal kung saan imbes na monthly, magiging dalawang beses kada buwan na ang payout ng dividend ng preferred stock. Ang last day para bumoto ay June 8.
Sabay rin sa panawagang ito ang bagong kritisismo ni gold advocate Peter Schiff, kung saan sinasabi niyang mabilis nababawasan ang cash reserves ng Strategy at mas lumalaki ang liquidity problem nito.
Saylor, Nanawagan sa Mga Shareholder na Bumoto
Ang proposed na semi-monthly dividend ng STRC ay hindi magbabago sa annualized yield na 11.5%, pero didoble ang bilis ng payout. Ayon sa Strategy, makakatulong ito para mas mabawasan ang reinvestment lag, mas maging efficient ang market, at mas mag-stabilize ang presyo malapit sa $100 par value ng instrument.
Kailangan pumayag ang parehong may hawak ng MSTR at STRC para maging official ang pagbabago. Kapag na-approve, sa June 30 ang unang record date sa bagong schedule.
Ipinakita ni Saylor na practical ito para sa mga retail shareholder. Nasa 80% ng STRC holders ay retail, kaya malaking impact ang mas madalas na payout sa kung paano nila hinahandle ang income nila.
Nanatili sa 11.5% ang STRC rate simula April, matapos ang pitong sunod-sunod na months na tinaasan ang rate. Separate ang botohan na ito sa proseso ng board para mag-set ng bagong rate.
Schiff, Iginiit ang Liquidity Issue
Tinututukan ni Schiff ang sistema mismo ng Strategy. Sabi niya, nagbebenta ang kumpanya ng STRC shares para magkaroon ng cash at ito ang pinambibili nila ng Bitcoin (BTC). Kailangan nilang mag-issue ng panibagong equity para lang may pambayad sa next dividend dahil ang BTC, wala namang cashflow na nabibigay. Mas pinatibay pa ni Schiff ang kritisismo niya at nagbabala:
“Nauubos na yung cash niyo. Ano pa ang ibebenta niyo para hindi tuluyang tumirik ang operasyon?”
Tinawag na ngang Ponzi scheme ni Schiff ang ganitong structure. Lalong naging relevant ang claim niya matapos ang latest balance sheet move ng Strategy kung saan ginamit ang cash reserve nila para i-retire ang utang, gumastos ng $1.38 billion para bilhin pabalik ang $1.5 billion ng 2029 convertible notes na may 8% na discount.
Dahil dito, nasa $871 milyon na lang ang natira sa USD Reserve ng Strategy — malaki ang binaba mula sa dating nasa $2 billion bago ginawa ang transaction. Inamin ni Saylor sa Q1 2026 earnings na pwedeng magbenta ng BTC ang Strategy para pambayad sa dividends kung kulangin na ang ibang pondo. Ginamit ni Schiff itong statement na ito para patunayan na may basis ang concerns niya.
Nag-pause ng isang linggo sa pagbili ng Bitcoin ang Strategy habang nagaayos ng buyback, pero bago nito, nakabili na sila ng 24,869 BTC gamit ang proceeds mula STRC at ibang equity. Umaabot na sa 843,738 BTC ang total holdings ngayon ng Strategy.
Malalaman sa pagboto ng mga retail STRC holders sa June 8 kung kumpiyansa pa rin ba ang income investors sa yield model ng STRC — na matagal nang kinukwestyon ni Schiff.
