Hindi pinagbigyan ng federal judge ang hiling ni Sam Bankman-Fried para sa panibagong trial nitong Martes, April 28, 2026. Tinanggihan ng korte ang dating FTX CEO sa gusto nitong buksan uli ang criminal case gamit ang mga bagong ebidensya na sinasabi niya ay ngayon lang nahanap.
Si US District Judge Lewis Kaplan naglabas ng desisyon sa New York, kung saan siya rin ang namuno sa trial ni Bankman-Fried noong 2023. Napatunayan sa korte si Bankman-Fried na may kasalanan kaugnay sa pagbagsak ng FTX at hinatulan ng 25 taon sa kulungan.
Gumamit si Bankman-Fried ng Rule 33 para umapela. Ito yung proseso na pwedeng gamitin ng mga nasasakdal para humiling ng bagong trial kapag may lumitaw na bagong ebidensya. Ayon kay Bankman-Fried, hindi daw narinig ng jury ang buong kwento tungkol sa finances ng FTX, kasama na ang hirit niya na may mga asset pa raw ang exchange na pangbayad sana sa mga customer.
Pinunto rin niya na ang ebidensya tungkol sa mga abogado na kasali sa mga desisyon ng FTX ay sana makatulong para patunayan na wala siyang masamang intensyon at ginawa lang niya ang sa tingin niyang tama.
Pero hindi pa rin pinagbigyan ni Judge Kaplan ang hiling, kahit nag-attempt pa si Bankman-Fried na bawiin ito. Sinabi pa nga ni Bankman-Fried na baka hindi daw patas si Judge sa pagdedesisyon ng request niya.
Dahil dito, tanging pag-aapela na lang sa Second Circuit ang natitirang paraan ni Bankman-Fried para subukang baliktarin ang desisyon sa kaso niya.
