Hindi gaya ng ibang crypto ETF ngayong buwan, medyo kakaiba ang galaw ng Solana exchange-traded funds (ETFs). Habang napapansin na medyo humihina ang demand para sa Bitcoin at Ethereum products, tuloy-tuloy pa rin ang pagpasok ng pera sa mga Solana-linked funds.
Nangyayari ito habang mas grabe ang volatility sa digital asset market. Dahil sa dami ng worries sa global economy, parang lumalabas sa ETF flows kung saan linalagay ngayon ng mga malalaking investor ang kanilang pera sa short term.
Solana ETF Nakakaagaw-Pansin Sa Gitna ng Magulong Crypto Market
Ayon sa data mula sa SoSoValue, tuloy-tuloy ang inflow sa mga Solana ETF simula pa noong February 10. Hanggang February 24, tatlong araw lang ang nag-register ng outflow ngayong buwan. Sa kabuuan, nasa $30.33 million na ang pumasok sa mga ETF na ito.
Talagang standout ang trend na ‘to kumpara sa mas pabagu-bagong performance ng mga malalaking crypto ETF sa parehong yugto.
Samantalang ang mga Bitcoin ETF nakakakita ng halo-halong resulta ngayong Pebrero. Pitong trading days lang nagbibigay ng inflow ngayong buwan. Ganyan din ang pattern ng Ethereum ETF, on and off din ang demand imbes na tuloy-tuloy na accumulation.
Kahit na may ilang araw na positive, sobrang negative pa rin ang total na flow. Ngayong buwan, umabot na sa $939.94 million ang net outflow ng mga Bitcoin ETF. Bukod dito, ang mga Ethereum ETF nag-record din ng outflow na $490.58 million.
Kumpara sa mga ibang altcoin funds, mukhang mas malakas talaga ang Solana. Yung mga ETF na konektado sa XRP nakaranas ng outflow ng tatlong araw ngayong buwan at walang galaw naman sa apat na araw.
Kahit halos magkasingdami ang positive sessions, pansin pa rin ang consistency ng Solana simula kalagitnaan ng Pebrero.
Pero dapat ding tingnan ang laki ng numero. Kung titignan ang kabuuang dollar amount, mas maliit pa rin ang pumapasok na pera sa Solana ETF kaysa sa Bitcoin products.
Ngayon, Bitcoin at Ethereum ETF pa rin ang may pinakamaraming inaabot sa institutional crypto exposure at sa kabuuang capital. Pero kapag tuloy-tuloy ang inflow, pwede nitong ipakita na hindi nawawala ang demand sa gitna ng mas malawak na uncertainty.
Yung steady inflow sa Solana products, nagsa-suggest na may mga investor na hindi pa bumibitaw—o baka dinadagdagan pa nila ang exposure nila sa mga mas high-risk na assets kahit di pantay ang demand sa mga top crypto ETF. Pero, baka itong pagkakaiba ay nagpapakita lang ng short term na galaw ng pera, hindi pa tunay na shift ng institusyonal players.
SOL Presyong Naiipit Pa Rin sa Matinding Pressure
Kahit may mga inflow sa ETF, sumusunod ang galaw ng presyo ng Solana sa general market weakness. Kagaya ng ibang malalaking digital asset, bumaba ng 32.8% ang SOL sa nakalipas na buwan.
Nakabawi naman ng konti ang altcoin ngayong araw, tumaas siya ng mahigit 7% kasabay ng pag-angat ng total crypto market cap ng nasa $32 billion. Sa ngayon, nagti-trade ang SOL sa $82.15.
Bilang technical analyst, nagiingat pa rin ang iba sa short term outlook ng asset. Nag-suggest si market commentator Alejandro na baka bumaba pa sa $45 ang susunod na target ng Solana.
Para kay Whale Factor nasa critical “make or break” zone na ang galaw ng SOL sa 4-hour chart. Sabi ng analysis, yung wedge formation ng SOL ay “halos ubos na ang momentum,” na pwedeng magresulta sa sudden volatility ngayong nasa pivot point na siya.
Binigyan ng analyst ng dalawang posibleng senaryo:
“Bull Case: Kapag nabasag at naretest ang $82, puwedeng puntahan ang $97-100 na major resistance. Bear Case: Kapag hindi kinaya yung $78 na support, posible pang bumalik sa $68 area.”
Kung magtutuloy ba ang recovery ng Solana o babagsak ulit, ito ang kailangan pang abangan ng mga trader.
