Bagsak ng hanggang 35% ang shares ng SpaceX (SPCX) mula sa post-IPO peak nitong $225.64. Nangyari ‘tong pagbagsak ilang araw lang matapos mapasama ang company sa Nasdaq-100, kung saan malakas ang bentahan at na-offset ang forced buying ng index funds.
Sa July 8, nagsara ang stock sa $148, mas mababa sa debut price nito na $150 para sa ikalawang sunod na trading day. Dahil dito, halos nabura lahat ng gains ng SpaceX mula record listing nito noong June 12.
“Sell-The-News” Pattern para sa SPCX
Dahil sa pagpasok ng SpaceX sa Nasdaq-100, napilitan ang mga index-tracking fund na bumili ng shares kahit maliit lang ang public float ng company. Pero kahit may ganyang buying pressure, marami pa ring nagbenta matapos lumabas ang balita.
Hindi ‘to bago, kasi nangyari din ‘yan dati sa Palantir noong mapasama sila sa Nasdaq-100 sa late 2024 — bumagsak ang shares nila ng halos 25% sa mga sumunod na linggo.
Nababawasan ang Trillion-Dollar Valuation
Kahit bumaba, nasa $1.9 trillion pa rin ang market cap ng SpaceX. Naka-record sila ng $18.7 billion na revenue noong 2025, tumaas ng mga 33% kumpara noong nakaraang taon. Ibig sabihin, halos 100x ng sales ang valuation ng company.
Starlink ang naging major driver ng growth na ‘to. Generete ng Starlink, satellite internet unit ng SpaceX, ng over $11 billion noong 2025, nasa 61% ng total revenue ng company. Sa ngayon, dito pa rin mostly nakaasa ang trillion-dollar valuation ng SpaceX.
Pero kahit may malaki silang kita, talo pa rin ang SpaceX noong nakaraang taon. Umabot sa $4.9 billion ang net loss nila nung 2025, tapos dagdag pa yung $4.3 billion na lugi sa first quarter ng 2026. Patuloy kasing nababawasan ang cash flow dahil sa malalaking gastos nila sa xAI artificial intelligence unit at sa Starship development.
Kahit ganyan, bullish pa rin ang Wall Street mula nung mapasama sa Nasdaq-100 si SpaceX. Naglabas ng buy rating ang Morgan Stanley, Bernstein, RBC, at UBS. Neutral stance ang MoffettNathanson, habang inirerekomenda ng CFRA na magbenta na ang investors.
Pinag-uusapan nga ngayon kung ang tuloy-tuloy na kita ng Starlink ang magdidikta kung hanggang saan pa pwedeng bumaba ang stock price. Malamang, tututukan ng investors kung ma-outperform ng Starlink ang tumataas na gastos ng SpaceX sa AI at rocket-development.
