Bumagsak ng 3.32% ang shares ng SpaceX nitong Miyerkules, July 29, at nagtapos sa presyo na $112.55. Nangyari ang pagbaba kahit na nakuha ng kumpanya ang panibagong $1.6 billion na order mula sa US Space Force para sa 18 Falcon 9 launches hanggang 2027.
Kasama ang pagbagsak na ito sa mas malawak na pagbaba ng SpaceX simula noong mag-Nasdaq debut sila. Nag-presyo sila ng IPO sa $135 pero umakyat pa to sa all-time high na $225.64 noong kalagitnaan ng Hunyo—bago tuluyang bumaliktad at bumaba nang malala.
Kontrata na ‘Di Rin Nakapigil sa Pagbulusok
Patuloy ang matinding pagbaba ng SpaceX stock ngayong linggo. Naabot nila ang record low na $107.01 noong Martes at ngayon nagte-trade pa rin sila sa ilalim ng IPO price na $135. Nasa 29% na ang tinapyas ng stock nito para sa nakaraang buwan. Nag-aabang na ang investors sa share unlock na posibleng mangyari sa paligid ng August 6, na puwedeng magdagdag ng bagong supply ng shares sa market.
Pati mga katunggali ng SpaceX ay may problema rin ngayon. Ang ULA abala pa rin sa matagal nang technical review sa separation issue ng booster ng Vulcan rocket nila. Si Blue Origin naman patuloy pa rin nag-iimbestiga sa nangyaring pagsabog ng launchpad nila noong May, kaya grounded pa rin ang New Glenn rocket nila.
Dahil sa mga issue ng ibang kumpanya, mas lumalayo ang lamang ng SpaceX pagdating sa mga launch na kailangan ng Pentagon. Pero may ilang mambabatas pa rin na nagdududa sa sobrang pagasa ng military sa iisang contractor.
Ano ang Nilalaman ng Pinakabagong Order ng Space Force
Ikinalat ng Space Force ang mga launch sa dalawang magkahiwalay na task order sa ilalim ng National Security Space Launch Phase 3 Lane 1 program nila. Kasama ni SpaceX rito ang United Launch Alliance, Blue Origin, at ibang US launch firms na naglalaban para sa mga military project. Gagamitin ang mga rocket na ito para magdala ng satellites na makakadetect at makaka-track ng mga airborne threats. Pasok ito sa Space Based Sensing and Targeting program ng Pentagon.
Nadagdagan ang order simula nang manalo ang SpaceX noong May kung saan nakuha nila ang $6.5 billion deal para sa military satellite projects. Sa report ng Reuters, umabot na raw sa hindi bababa sa $7 billion ang nakuha ng SpaceX mula sa Pentagon deals ngayong taon. Malaki ang koneksyon ng mga ginastos na ito sa Golden Dome missile defense program na inilunsad ng Trump administration na umabot din sa $185 billion.
Bagong revenue ang nadagdag dahil sa kontratang ito. Pero kahit malaki-laki ang order, mukhang hindi pa rin nito ma-stabilize ang stock lalo na sa paglapit ng share unlock ng August at earnings report ng SpaceX sa August 4. Mukhang mas investor sentiment kaysa sa Pentagon contracts ang magde-decide ng galaw ng shares nila.
