Bumagsak sa record low ang STRC preferred stock ng MicroStrategy nitong Huwebes, lagpas baba pa sa $100 par value nito, at mas pinahina pa ang isa sa mga pinakaimportanteng paraan ng kumpanya para makalikom ng pondo sa pagbili ng Bitcoin (BTC).
Dahil dito, lumalakas ulit ang duda ng mga tao na baka simulan na magbenta ng Bitcoin ang MicroStrategy para mapondohan ang dividend ng stock. Nasa 846,842 BTC ang hawak ng kumpanya ngayon.
Bumagsak ang Perpetual Share ng MicroStrategy sa Record Low
Ayon sa market data, nagsara ang STRC sa $88.59 nitong Huwebes at ito na ang pinakamababang presyo ng stock sa kasaysayan nito. Umabot pa ito ng intraday low na $82.5 habang ongoing pa yung trading session. Sa loob ng isang buwan, higit 10% na ang ibinaba ng presyo nito.
Nagsabay ang pagbagsak ng STRC sa pagbaba ng presyo ng Bitcoin at sa mas agresibong stance ng US Federal Reserve. Sa ngayon, 9 sa 18 FOMC participants ang nag-e-expect ng at least isang rate hike sa 2026.
Follow kami sa X para lagi kang updated sa mga nangyayari sa crypto
Ano ang Ibig Sabihin ng STRC Crash Para sa Bitcoin ng MicroStrategy?
May dalawang epekto ang pagbagsak ng STRC sa Bitcoin strategy ng kumpanya, at pareho itong konektado sa kung paano ginagamit ang STRC para pondohan ang mga pagbili ng Bitcoin.
Sa disenyo, dapat malapit sa $100 ang bentahan ng STRC. May 11.5% annual dividend rate ito para sa June, at apat na buwan nang hindi nagbabago ang rate na ‘yan.
Ang unang epekto nito ay sa paraan ng pag-raise ng funds ng kumpanya. Gumagana lang ang pag-i-issue nila ng bagong STRC shares para bumili ng Bitcoin kung malapit sa $100 ang presyo o mas mataas pa. Kapag magkaganon, puwedeng maglabas si Michael Saylor ng bagong shares at ‘yung makukuha nilang pera, diretsong pambili ng Bitcoin.
Pero dahil halos $11 na ang layo ng STRC sa $100, mas kaunti na ang perang nakukuha nila kada benta ng shares kaya humihina na ang main funding channel nila.
Sa pangalawang epekto, baka mapilitan silang magbenta ng Bitcoin. May X user na si Bull Theory na nagsabi na kailangan daw itaas ng MicroStrategy ang dividend para maayos ulit yung price peg.
Pero kapag tinaasan nila ang dividend rate, mas lalaki rin ang cash na kailangan nilang ipamigay kada taon. Sa ngayon, nagbebenta sila ng MSTR shares para dito.
Ang problema, halos 1x na lang ang net asset value premium ng MSTR, kaya wala nang masyadong space para mag-dilute pa ng shares, ayon kay Bull Theory. Dahil dito, baka mapilitan na silang magbenta ng Bitcoin mismo.
“Nung huling beses na nagbenta ng $2 milyon na Bitcoin ang MicroStrategy, bumagsak ng 20% ang presyo. Kung mapilitan silang regular na magbenta ng BTC, asahan mong matindi ang epekto nito sa buong market,” sabi ng analyst.
Sinabi noon ni MicroStrategy CEO Phong Le na puwede silang magbenta ng BTC kung mas okay na option ‘yun kaysa mag-issue pa ng shares para bayaran ang dividends ng Stretch preferred stock.
Mga Opinyon ng Bull at Bear: Patuloy ang Debates
Dahil dito sa selloff, hati ang opinion ng mga analyst at crypto fans. Kung titingnan mo si Peter Schiff, isa sa pinaka-kritikal na personalidad sa Bitcoin, sinasabi niya na sign daw ito ng structural failure.
Pero para sa iba, technical lang ang dahilan ng pagbaba. Si Jesse Myers, Head of Bitcoin Strategy ng The Smarter Web Company, sinasabing result lang ito ng mga naipit dahil sa leverage at sabay-sabay na liquidiation. Inaasahan niyang itataas ng MicroStrategy ang dividend sa June 30, baka gawing 11.75% o 12% na.
“Kabado ang market kasi parang nangyayari ulit ‘yung depeg na gaya ng Terra/Luna… Pero ‘di asset na tulad noon ang STRC,” sabi niya. “Makikita ng mga hedge funds na parang clearance sale lang ito at steady pa rin ang fundamentals ng STRC, kaya papasok sila bilang buyers.”
Mahalaga ang June 30 na susunod na development, kasi magiging dalawang beses kada buwan na ang bayad ng dividends ng STRC. Dito malalaman kung makakatulong ang bagong schedule at posibleng pagtaas ng dividend para bumalik sa $100 ang presyo nito — at kung sapat ba itong moves para sa next funding plans ng MicroStrategy.
Mag-subscribe sa YouTube channel namin para mapanood ang expert insights galing sa mga crypto leaders at journalists
