Ipinahinto muna ng Syscoin (SYS) ang bridge nila matapos gamitin ng attacker ang validation issue sa system, kaya nakagawa siya ng halos 5 bilyong unauthorized SYS sa UTXO chain ng network.
Pinagmamasdan ngayon ng team ang unauthorized tokens na ‘to at nakikipag-ugnayan sila sa mga exchange para hindi malagay sa open market ang mga SYS na galing sa hack.
Paano Naka-mint ang Attacker ng 5 Bilyong SYS
Nagsimula ang problema sa relay path ng bridge, na siyang nagche-check ng mga transaction na lumilipat sa pagitan ng dalawang chain. Sabi ng team, mali ang pag-accept ng path ng isang transaction proof.
Dahil dito, inakala ng system na valid yung bogus na transaction. Kaya gumawa ito ng unauthorized na output na nasa 5 bilyong SYS gamit ang UTXO bridge path.
“Ginamit ng attacker ang validation issue sa bridge flow kaya nagkaroon ng unauthorized SYS output sa UTXO side,” ayon sa post ng Syscoin.
I-follow kami sa X para lagi kang updated sa mga balita habang nangyayari ito
Una, pumasok yung mga SYS na ‘yun sa isang address. Pero agad ding ginalaw at hinati ng attacker, kaya napunta na ito sa dalawang wallet—isa may halos 4 bilyon at isa naman 1 bilyong SYS, parehong “tainted” na wallets.
Sabi ng Syscoin, preliminary pa lang ang mga findings na ‘to. Pinayuhan din nila ang mga user na huwag munang gumamit ng bridge habang paused pa ito.
“Na-identify na ng team ang validation path na may issue at meron ng fix para dito. Priority namin ngayon na tapusin ang implementation at i-review ang solution, pati alamin kung paano ayusin ang unauthorized SYS na ‘to at ma-neutralize ang epekto nito sa network. Maglalabas kami ng mga update kapag final na ang remediation process,” sabi ng Syscoin.
Dahil sa balita, bumagsak ang presyo ng token. Sa data ng BeInCrypto Markets, lagpas 7% ang binagsak ng SYS sa loob ng 24 oras, at halos $0.0016 na lang ang trading price nito. Nangyari ito kahit may market recovery ngayon na nag-push ng total market capitalization pataas ng mahigit 2%.
Dagdag pa sa security issues ng blockchain ang insidenteng ‘to. Naitala ng PeckShield may 40 major incidents noong May 2026, at 8 dito ay bridge at cross-chain exploits.
Mag-subscribe sa YouTube channel namin para mapanood ang expert insights mula sa mga crypto leaders at journalists
