Ginamit ni Jim Cramer ang mahigit isang dekada na interviews niya kay Tim Cook para ipakita na di pa tapos ang kwento ng paglago ng Apple — kahit mag-turn over na si Cook ng CEO title kay John Ternus.
Sa isang “master class” segment ng CNBC Mad Money na binuo mula sa mga tawag at upuan na nagsimula pa noong 2015, inulit lang ni Cramer yung matagal na niyang payo na mas maganda mag-hold ng Apple imbes na mag-trade lang nito. Sabi niya, yung mga strategies na nilagay ni Cook para suportahan yun, patuloy pa ring gumagana kahit aalis na siya.
The Buyback Engine
Mabigat ang batayan ni Cramer — literal na math, hindi lang puro feeling. Mula nung naging boss si Cook noong 2011, nabawasan ng mahigit 40% ang total shares ng Apple dahil sa mga buyback. Taon-taon din tumataas ang dividends.
Kombinasyon ito ng, ayon kay Cramer, “pinakamalupit na balance sheet” sa industriya at yung nabawas na share count, na naging major factor kung bakit nag-rally ng nasa 2,300% ang stock ng Apple. Dahil dito, nalagpasan ng Apple ang Nvidia bilang pinakamahalagang kumpanya sa mundo nitong unang bahagi ng taon.
Ayon kay Cramer, ito rin ang dahilan kung bakit tuloy-tuloy pa din ang ganyang sistema kahit wala na si Cook sa Apple.
The AI “Laggard” Defense
Ibinabaliktad ni Cramer yung usual na batikos pagdating sa AI. Habang gastos nang gastos yung mga “hyperscaler” kakagawa ng data centers, mababa lang ang capital spending ng Apple. Sabi pa niya, Apple kumikita pa ng nasa $20 billion kada taon mula kay Google para manatiling default search engine sa iPhone. Sabi ni Cramer, mas malaki pa nga daw ito kaysa sa ginagastos ng Apple para sa AI collaboration nila sa Google Chatbot, Gemini.
Para sa kanya, yung kumpanyang hindi nagmamadali gastusin ang balance sheet sa AI infra, hindi ibig sabihin non na nahuhuli na sila—mas pinipili lang nila kung kailan papasok.
“Di talaga nabibigyan ng credit si Cook sa mga nagawa niya.”
— Cramer
‘Yan ang case na dinadala ni Cramer para sa legacy ni Cook habang si Ternus na ang magmamando: isang capital-return machine at services business na ginawa talaga para tumagal, kahit anong mangyari sa product cycles.
Pero sapat na nga ba yun, o kelangan dagdagan pa ni Ternus ng matinding AI push sa sarili niyang paraan? ‘Yan ang tanong na iniwan ni Cramer — at tila ibang tao na ang sasagot dyan balang araw.
