Tinawag ni Tom Lee na breakout success ang Lighter (LIT) at isang mahalagang parte ng Ethereum infrastructure. Naglabas siya ng ganitong statement matapos ang isang bagong interview sa Bankless kasama ang founder ng exchange.
Hindi basta-basta ang credibility ni Lee. Siya ang chairman ng BitMine, na nagke-claim na sila ang may pinakamalaking Ethereum treasury sa buong mundo. May hawak ang kumpanya ng 5.79 million ether ngayon.
Bakit Malaking Usapan ang Opinyon ni Tom Lee sa Lighter?
Co-founder si Lee ng research firm na Fundstrat. Siya rin ang chairman ng BitMine, na listed sa NYSE bilang BMNR.
Inanunsyo ng BitMine na umabot na sa 5.79 million ether ang hawak nila nitong Lunes. Dito, halos 4.92 million ay naka-stake. Ibig sabihin, malaki talaga ang bet ni Lee pagdating sa paggamit ng Ethereum.
Nasa $1,944 ang trading price ngayon ng Ether (ETH). Bumaba ito ng halos 49% kumpara noong nakaraang taon.
“Malaking breakout success ang Lighter at critical na infrastructure layer para sa Ethereum,” sabi ni Tom Lee, chairman ng BitMine Immersion Technologies.
Follow kami sa X para lagi kang updated sa nangyayari sa crypto
Kung titingnan, kapansin-pansin talaga ito. Kasi sa July message niya para sa mga investor, binanggit ni Lee na sina Robinhood, Coinbase, at Ink ng Kraken ang mga panalong Ethereum layer-2 project. Hindi niya nabanggit ang Lighter noon. Ngayon, bigla na niyang tinatawag na critical ang Lighter.
Ibig sabihin, bagong pangalan na ang Lighter sa listahan ng mga ginagamit ni Lee para suportahan ang bull case ng Ethereum sa Wall Street.
Ano ang Lighter?
Ang Lighter ay isang Ethereum layer-2 perp DEX. Sa madaling paliwanag, pwede kang mag-trade ng crypto na may leverage gamit ito, at ikaw pa rin ang may hawak ng sarili mong coins — walang centralized na company na nagho-hold ng funds mo.
Gumagana ang Lighter gamit ang zero-knowledge proofs. Dahil dito, kahit sino pwedeng mag-check kung patas at transparent ang lahat ng trades at liquidation na nangyari.
Malaki na rin ang scale ng project. Sa loob ng 30 days, umabot ng $43 billion ang trading volume na nadaan sa Lighter. May $822 million din ito in open bets at $525 million sa deposits.
Si Vlad Novakovski ang founder nito — nagtapos siya ng Harvard sa edad na 18, tapos naging trader pa sa Citadel at naging engineering head sa Addepar. Sa interview niya sa Bankless, sinabi niya na inabot sila ng 18 months bago nabuo ang system na ‘to.
Dating networking app ang Lighter na tinawag na Lunch Club noon. Noong 2022, nag-shift sila palayo sa networking at nag-focus sa crypto. Kumuha rin sila ng $68 million na fund mula sa Founders Fund, Ribbit Capital, at Robinhood Ventures.
Pero Lumalaki ba Talaga ang Lighter?
Nagtetrade ang Lighter (LIT) malapit sa $2.19 ngayon. Tumaas ito ng 4.7% ngayong araw at up ng 23.7% ngayong buwan. Nasa $547 million ang market value nito.
Bagsak ang kita kumpara dati. Yung quarterly revenue nito bumaba mula $39.7 million naging $19.7 million, tapos naging $9.6 million na lang.
Malayo pa rin ang LIT sa all-time high niyang $7.86 noong December. Pero at least, hindi na rin siya bumalik sa lowest level na $0.78 noong March.
Para kay Lee, infrastructure ang tingin niya sa Lighter — hindi lang basta pang-trade. Sinabi rin niyang balak ng BitMine na mag-invest sa mga crypto unicorn, kaya mas malalim pa ang meaning ng pagbibigay niya ng recognition sa Lighter.
