Habang dumadami ang mga gumagamit ng crypto, naghahanap ang mga negosyo ng crypto payment provider na kayang pagsamahin ang licensed operations, compliance support, mabilis na proseso, at serbisyo na talagang swak sa pang araw-araw na business needs. Lalo na itong importanteng tignan sa mga industriya na malalaki talaga ang mga umiikot na pera, mataas ang expectations ng client, at kadalasan kailangan ng masinsinang pagre-review sa mga payment flows.
Ang Transacta ay isa sa mga licensed crypto provider na may walong taon nang experience sa market at nakatutok sa pagtulong sa mga negosyo para makapag-accept at mabilis na makarereceive ng crypto payments. Ilan sa mga iniaalok nila ay crypto invoicing, e-commerce checkout, at card processing, at parating na rin ang crypto POS at payouts.
Meron silang regulatory coverage sa Switzerland at Estonia, at naghain na rin sila ng application para sa MiCA. Dahil din sa naganap nilang partnership with zerohash, nabuksan ang serbisyo nila sa mga negosyo sa 49 US states.
Sa paglipas ng panahon, nakabuo na ang Transacta ng matinding skill sa paghawak ng malalaking transactions tulad ng private aviation, pagbebenta at pagpaparenta ng yacht, real estate, luxury travel, high-end commerce, at escrow services.
Habang focus pa rin sila sa business solutions, nagbuo rin ang kumpanya ng mga produkto para sa individual users gaya ng wallet services, licensed exchange, cards, at futures.
Sa interview na ito, tinalakay ni Tanya Tkachenko, Head of Marketing ng Transacta, kung ano ang mga lakas ng kumpanya, bakit mahalaga ang partnership sa kanila, at kung paano nila hinaharap ang expansion, regulation, at high-value na mga transaction.
BeInCrypto: Ano po ang pinaka-edge n’yo sa market ngayon?
Tanya Tkachenko: Simple lang talaga why kami standout — nagbibigay kami ng madaling at sobrang bilis na paraan para makapag-start ang businesses na mag-accept ng crypto payments nang hindi mahal ang gastos.
Wala kaming singil para sa setup. Wala ring onboarding fee. At higit sa lahat, wala kaming transaction fee para sa merchant. Ibig sabihin, kung magpadala ng invoice ang negosyo sa client, buong-buo nilang natatanggap yung bayad — walang kaltas. Isa yan sa pinakaimportanteng offer namin.
Next, bilis ng proseso. Madalas, kaya naming ma-onboard ang business sa loob lang ng isa, dalawa, minsan tatlong araw na business day — mas mabilis talaga to kung ikukumpara sa ibang providers. Nagagawa namin ito dahil meron kaming sarili naming internal team ng mga AML officer at compliance specialists na tumutulong step-by-step sa mga business para mabilis maayos ang mga dokumento.
Kaya sa combination ng zero setup fee, walang merchant fee, at mabilis na onboarding, matinding option kami para sa mga business na gustong magstart agad at hawak pa rin ang mga gastos.
Iba’t ibang klase ng business na lumalapit sa amin, at iba’t ibang rason nila. Yung iba, sanay na sa crypto pero gustong mas reliable ang system nila — mas bet nila yung mas ayos na dashboard, mas friendly na interface, at mas matinding compliance support. Yung iba naman, lumipat sa amin kasi may bad experience na sa dati nilang provider, usually dahil sa mga masalahin sa regulation o compliance. May iba din na totally bago sa crypto pero may client na naghahanap na magbayad gamit ang crypto. Kadalasan urgent talaga — gusto nila kaagad makastart, at dito kami magaling tumulong.
Isa pa naming edge ay yung mastery namin sa high-value transactions. Madalas, gumagalaw kami ng multi-million dollar payments, na mas komplikado kaysa basic na processing. May sarili kaming liquidity pool at mga pinagkakatiwalaang liquidity provider, kaya mabilis kaming magconvert at magsettle kahit malalaki ang laki ng transaction.
Kapag ganun kalaki ang galawan, mas lumalalim din ang compliance. Kung nagtatransact ka ng milyon-milyon, sigurado ang daming tanong sa source of funds, para saan ang transaction, saang bansa mangyayari, at ano ang risk exposure nito. Meron kaming dedicated team para gabayan ang mga negosyo sa lahat ng requirements, kaya mas bilis din ang process. Hindi lahat ng provider, kaya mag-support ng ganitong volume, operationally at technically — kaya namin.
BeInCrypto: Gaano po kahalaga ang mga partnership sa naging strategy n’yo?
Tanya Tkachenko: Sobrang mahalaga sa amin ang partnerships, at pwede mo siyang hatiin sa dalawang main na kategorya.
Una, yung relationship namin sa mga negosyo na siniserbisyuhan namin. Ang tingin namin sa kanila, di lang customer — kundi parang partner din. Marami sa kanila, hindi pa malalim ang alam sa crypto o blockchain, pero pinagtitiwalaan nila kami na asikasuhin ang importanteng parte ng kanilang kita. Malaking bagay yun sa amin.
Kasabay ng relationship na ‘yan, mas lalo naming naiintindihan ang iba’t ibang industriya. Nakikita namin kung anu-ano ang binubuno ng mga business, paano ang flow ng payments nila, at ano talaga ang kailangan nila sa isang provider. Hindi lang isang side ang nakikinabang — dalawang panig nag-be-benefit at sabay na lumalago.
Pangalawa, mga strategic na partnership para sa compliance, regulation, infrastructure at security. Since company kami na matindi sa compliance, lagi naming hanap yung mga partner na pwedeng magpalakas ng operations, magtaas ng security standards, o tumulong makapasok sa bagong market nang sustainable. Isa ito sa rason kung bakit active kami sa industry events — naghahanap kami ng tao at kumpanya na sasabay sa growth ng ecosystem na binubuo namin.
Pinaka-latest na example ay yung partnership namin with zerohash. Big achievement para sa amin yun. Yung zerohash kasi, sila yung nagbibigay ng legal at infrastructure rails na kailangan ng mga business para maka-operate sa US. Matindi din ang reputation ng zerohash — sumuporta sila sa malalaking launch ng mga giants tulad ng Morgan Stanley, Stripe, at Interactive Brokers.
Mahalaga sa amin ang partnership na yan para sa dalawang dahilan. Una, nabibigyan kami ng mas maraming pwede gawin sa US market. Pangalawa, nagpapakita ito ng level ng tiwala at readiness na kailangan para makatrabaho ang isang top-tier na company. Dito mo makikita na seryoso kami sa compliance, operations, at overall readiness.
BeInCrypto: Kanina niyo nabanggit yung speed ng onboarding. Paano naman yung support na binibigay niyo after makapasok ang business sa Transacta?
Tanya Tkachenko: Lahat ng business na nagbubukas ng account sa amin, merong dedicated manager agad. Pero, hindi lang siya basta account manager — crypto at compliance specialist din siya na katuwang ng business mula onboarding hanggang sa tuloy-tuloy na partnership.
Mahalaga ito kasi laging nagbabago ang regulation, at madalas kailangan ng guidance ang mga business kung paano maaapektuhan ang payment flow, risk, o pati fees at jurisdictions. Yung mga compliance manager namin, laging nagbibigay ng mga update, sumasagot sa questions, at ina-assist ang business para di na nila kailangan mag-develop ng sobrang deep na crypto knowledge internally.
Lalo itong nagiging valuable kapag luxury ang market o high-net-worth individuals ang clients. Usually may mga specific silang tanong tungkol sa transactions, kung saan gagawin, o anong compliance requirements ang kailangan. Importante dito yung tamang approach, kasi matindi ang value ng personal relationships sa ganyang industries.
Tinutulungan namin ang mga merchants namin na sagutin ang mga ganitong sitwasyon nang may kumpiyansa. Part talaga yung support na yan ng produkto namin. Dapat, pwede umasa ang business sa amin — hindi lang bilang payment processor, kundi bilang partner para mas maintindihan at mas maging safe ang crypto payments.
BeInCrypto: Paano n’yo hinahandle ang compliance at regulation? Ano epekto nito sa pag-develop ng mga produkto?
Tanya Tkachenko: Eight years na kami sa market, at madalas naming biro sa company na kung hindi mo pa kami naririnig — talagang sinadya namin yun.
Dahil mula umpisa, nakafocus talaga kami sa pinakaimportanteng bagay: compliance, licensing, infrastructure, at yung operational capacity. Hindi kami mahilig sa pabonggang public announcement kung wala pa sa lugar ang mga basics.
Ganon din ang approach namin pagdating sa pag-develop ng mga produkto. Sinasali agad namin ang legal at compliance team mula pa lang sa umpisa ng planning. Kung may bagong feature o produkto na pinag-iisipan, inuuna muna naming intindihin yung regulatory timeline o mga dapat gawin para legal ito. Hindi muna kami mag-uumpisa ng development hangga’t hindi kami sure na kaya naming i-support yung isang bansa, klase ng customer, o particular na use case.
Dahil dito, minsan mas mabagal ang proseso namin kumpara sa ibang kumpanya na basta na lang nagla-launch agad tapos saka na lang iniaayos yung regulatory requirements. Pero para sa amin, sayang lang ang resources kung gagawa kami ng isang bagay na ‘di rin naman namin kayang i-support nang tama pagdating sa compliance.
Sa Europe, mas predictable na ngayon ang regulatory framework. Meron kaming Swiss at Estonian licenses, at lagi naming isinasaisip ang MiCA habang nagbabago ang regulatory environment. Dahil dito, mas malinaw ang mga rules namin para sa expansion at pagpa-plano ng products.
Mas magulo sa United States. Kailangan harapin yung iba-ibang requirements sa federal level, tapos iba pa sa bawat state, tapos may FinCEN obligations pa at mas mahigpit na AML at KYC requirements. Kaya partnership-based ang approach namin sa US market — kailangan muna naming paghandaan nang mabuti bago pumasok doon. Hindi kami nagmadali, at hindi rin kami basta nag-build nang ‘di pa ready yung team at systems.
Sa madaling salita, hindi talaga nagpapabagal sa amin ang regulations. Sila ang nagde-define kung paano kami mag-build. Gusto naming na bawat bagong market o bagong product ay built para tumagal at hindi lang panandalian.
BeInCrypto: Paano mo nakikita magbabago ang crypto market sa susunod na dalawa o tatlong taon?
Tanya Tkachenko: Ang pinakamalaking trend na nakikita namin ay ang patuloy na adoption ng crypto. Palaki nang palaki yung bilang ng mga tao at business na gumagamit ng crypto sa totoong buhay, at sobrang laki ng pinagbago nito sa market.
Isa sa mga mahalagang parte nito ay yung pagbabago ng ugali ng end users. Napapansin namin na mas marami nang tao ang hindi lang basta nag-hohold o nagsusugal sa crypto. Marami na ngayong naghahanap ng paraan kung paano gastusin yung crypto nila parang regular na pera. Kaya nagiging sikat yung mga produkto tulad ng crypto cards. Habang nagiging kumportable na gamitin ang crypto sa pang-araw-araw na transactions, mas lumalaki ang papel ng payment providers.
Isa pa, gumaganda rin ang regulatory clarity. Mas malinaw na marami sa bagong rules, kaya mas madali para sa mga kumpanya na mag-build ng tiwala, mag-expand sa bagong market, at mag-explain ng business model nila sa customers at partners. Pati malalaking kumpanya at bangko, mas nabibigyan ng confidence gumamit ng stablecoins at blockchain-based systems. Dahil dito, mas marami pang sumasali sa market at tumataas ang trust sa buong ecosystem.
Pag mas active na yung institutions, lumalawak din ang tingin ng businesses at ng mga tao sa market. Hindi na lang siya puro speculation, mas nagiging panggamit na talaga. Hindi naman ibig sabihin na biglaang magli-lipad ang activity, pero most likely, unti-unti pa rin ang development ng market — at healthy ‘yon para sa industry. D’yan nagsisimula mag-mature ang totoong market.
Malaki rin ang nagagawa ng demographics. Millennials at Gen Z ang pinaka-active na spenders ngayon, at sanay na sila sa digital na klase ng pera. Kaya kailangan paghandaan ng mga negosyo kung paano nila mase-serve ang mga customer na mas gusto ang modern payment methods.
Kaya overall, tingin ko sa susunod na ilang taon, dadami pa ang totoong paggamit ng crypto, mas mag-mature ang market, at mas lalakas yung demand sa mga provider na kayang mag-connect ng crypto sa pang-araw-araw na business operations in a reliable way.
