Inakusahan ni Parliament Speaker Mohammad Bagher Ghalibaf ng Iran si President Donald Trump na nagbitaw ng “pitong claim sa loob ng isang oras, at lahat puro mali.” Nangyari ito ilang oras lang matapos mag-record ang S&P 500 ng pinakamabilis na recovery mula noong 1982.
Pinost ni Ghalibaf ang kanyang tugon sa X (Twitter) at Telegram noong late Friday, kung saan direkta niyang kinalaban ang perspective ng Washington tungkol sa muling pagbubukas ng Strait of Hormuz at ang buong usapan tungkol sa ceasefire.
Ano Talaga ang Sinabi ni Ghalibaf
Inisa-isa ng opisyal ng Iran ang mga objection niya. Tinanggihan niya na may nakuha ang US na advantage sa mga statement nito, at sinabi sa kanyang post na “hindi nila napanalo ang giyera sa mga kasinungalingang ito, at siguradong wala rin silang mapapala sa negosasyon.”
Sinabi din niya na “kung magpapatuloy ang blockade, hindi din mananatiling bukas ang Strait of Hormuz.” Dinagdag din niya na lahat ng barko na dadaan sa Strait ay kailangang dumaan sa ruta na itinalaga ng Tehran, kasama ang permit mula sa Iran at coordination sa kanilang military forces.
“Kung bukas o sarado ang Strait at kung ano ang mga patakaran dito, ‘yung makikita sa aktwal na sitwasyon ang masusunod, hindi ‘yung mga pinagsasasabi sa social media,” sagot ni Ghalibaf.
Binasura rin ng speaker ng Iran ang claim ni Trump na pumayag daw ang Iran na ilipat ang enriched uranium nito, at sinabing wala talagang katotohanan yun.
Sinabi niya na “hindi kailanman ililipat kung saanman” ang enriched uranium ng Iran, at kung sakaling may blockading sa dagat, automatic nila itong ituturing na paglabag sa ceasefire.
Ka-tono rin ng sagot ng tagapagsalita ng Parliamentary National Security Committee ng Iran na sinabi sa Al Jazeera na hindi sila papayag mailabas ang uranium mula Iran, at yung mga statement ng America sa social media, malayo sa totoong nangyayari.
Bukas sa Pangalan, Sarado sa Tunay na Buhay
Noong April 17, formal na in-announce ng Iran na open ang Strait of Hormuz matapos ang ceasefire sa Lebanon na parte ng mga kundisyon ng Tehran.
Bagsak agad ang oil market pagkatapos nito. Bumaba ng mahigit 9% ang Brent crude sa $90.38 per barrel at tuloy tuloy din ang pagbaba ng US crude ng 11.4% sa $83.85.
Pero kahit open na, hindi pa rin bumabalik sa normal ang traffic. Konti pa rin ang dumadaan kumpara sa dati na umaabot ng 130 to 140 na barko bawat araw.
Lagpas 150 na tankers ang nakatenga lang sa paligid ng strait, tapos mahal pa rin ang insurance at malabo pa ang usapan dahil magkaiba ang signal ng US at Iran. Kaya naman, karamihan ng ship operators, nag-aalangan pa rin.
Nananatili din ang US blockade sa mga port na konektado sa Iran.
Kita talaga na magkaiba ang sinasabi ng Tehran at ng Washington, na parang manipis pa rin ang tiwala nila sa isa’t isa. Dahil wala pang extension ng ceasefire at nagbabanggaan pa sila kung ano talaga ang totoo, pwedeng magbago bigla ang status ng strait kahit kailan.
‘Yung mga market na tumaas ang presyo nang marinig ang balitang reopening, kailangan ding mag-ingat kasi mukhang masyadong napaaga ang optimism noong Friday.
Nasa $77,192 ang galawan ng Bitcoin, tumaas ng 3.6% sa loob ng 24 oras. Pero ‘yung inaasahang weekend rally papuntang $80,000 hindi pa rin natutupad, kasi nare-realize na ng market na napaaga ang excitement tungkol sa muling pagbubukas ng Strait.
