Pinapaimbestigahan nina Democratic Senators Elizabeth Warren at Andy Kim si Treasury Secretary Scott Bessent tungkol sa $500 milyon na foreign investment na pumasok sa family crypto business ni President Donald Trump, ang World Liberty Financial.
Sa isang sulat na ipinadala nila sa Treasury, binanggit ng mga mambabatas na may transaction na naglipat ng 49% equity stake ng project sa isang group na suportado ng United Arab Emirates, 96 oras bago maupo si Trump bilang presidente.
Pinapabusisi ng Mambabatas sa US ang Treasury Dahil sa WLFI
Hiningi nina Warren at Kim na silipin ng Committee on Foreign Investment in the United States (CFIUS) kung itong malaking kapital na pumasok sa WLFI ay naglalagay sa panganib sa national security.
“Dahil sa bilis ng pagsara ng deal na ‘nagbigay ng mabilis na kita sa mga kaalyado ng mga Trump’, mahalaga na malaman kung binigyan ba ng special na pabor ng mga Trump official ang mga investor na suportado ng UAE,” sulat ng mga mambabatas sa kanilang official letter.
Nakatuon ang tanong ng mga senador sa mismong pinagmulan ng pondo. Si Sheikh Tahnoon bin Zayed Al Nahyan, na national security adviser ng UAE, daw ang nag-lead nitong investment.
Dahil sa deal na ito, nailagay agad ang dalawang executive mula sa AI company ni Sheikh Tahnoon, ang G42, diretso sa World Liberty Financial na may limang miyembro sa board.
Para sa mga senador, ang setup na ito ay nagbibigay ng operational control sa isang foreign entity sa isang kumpanya na direktang konektado kay Trump habang presidente siya.
Binanggit din nina Warren at Kim na may kasamang geopolitical risk ang G42. Sinabi nila na dati nang sinilip ng intelligence officials sa US ang kumpanya dahil umano’y nag-susupply ito ng surveillance tech sa military ng China.
“Matagal nang nagbabala ang U.S. intelligence na baka nagbigay ang G42 ng technology para tumulong sa military ng China, at yung current CEO ng G42 ay reportedly nakipagtrabaho pa sa Chinese engineers para gumawa ng messaging app na naka-disguise pala bilang surveillance tool,” sabi ng mga mambabatas.
Para sa mga mambabatas, pinapalakas ng involvement ng G42 ang tsansa na magkaroon ng direct na foreign influence sa private finance interest ni Trump.
Nilinaw din nila sa letter na may dalang risk sa data privacy ang deal. Binalaan ng mga senador na pwedeng makuha ng mga foreign investor ang mga sensitibong financial metadata.
Binigyang-diin nila na possible nang ma-access ng foreign intelligence services ang mga wallet address, device IDs, at geolocation logs ng mataas na opisyal ng US na gumagamit ng platform, dahil pwede umanong dumirekta ang data sa kanila via backend ng project.
May deadline si Bessent hanggang March 5 para ipaliwanag kung paano hahawakan ng Treasury ang potential conflict. Dahil dito, napipilitan siyang magdesisyon kung mag-iimbestiga ba siya sa deal na pabor para sa kanyang boss.
Kapansin-pansin, hindi ito ang unang beses na pinuna ni Warren ang crypto deals ni Trump sa UAE. Noong nakaraang taon, nag-report ang BeInCrypto na binigyang-diin ng mambabatas ang mga concern tungkol sa national security at corruption matapos mabalita ang pakikitungo ng presidente sa bansang ito sa Middle East.
