Noong harangan ng Washington ang China mula sa pagbili ng advanced chips, ang goal nila ay pabagalin ang AI development ng Beijing. Pero mukhang napaaga lalo ang progreso ng China imbes na mapabagal.
Ang CXMT Corp, isang memory chipmaker na dati umasa sa foreign tech, nag-lista nitong huling buwan sa STAR Market ng Shanghai at tumaas ng 466% sa unang araw lang. Lumampas pa ang stock nito sa Industrial and Commercial Bank of China bilang pinaka-mahalagang listed company ng bansa. Nag-raise ang CXMT ng $9.8 billion sa isa sa pinakamalaking IPO na nakita ng China nitong mga nakaraang taon, at ang perang ito ay para sa dagdag na chip capacity na kailangan ng Beijing para makahabol sa AI race.
Mula Pag-block, Naging Lakas Pa
Inimplement ng US ang export controls na nagputol ng access ng China sa semiconductors na ginagamit sa AI systems. Simple lang ang thinking nila: kung walang advanced chips, hindi magiging AI leader ang China. Nang i-announce ng Washington ang crackdown sa AI chip exports papuntang China, mismong Nvidia, AMD at mga katulad nilang kumpanya ang tina-target. Pero base sa naging experience ng CXMT, mas pinili ng China na mag-build ng sarili imbes na bumili lang sa labas.
Agad nagbigay-daan ang Beijing. Yung CXMT, mula filing hanggang trading, in less than eight months lang – gamit yung preliminary review process na nakalaan para sa mga kumpanya na talagang mahalaga para sa bansa. Usually, inaabot ito ng taon. Nang bumagsak ang tech stocks noong July na muntik nang sumira sa debut ng CXMT, agad na pumasok ang regulators at state funds para i-stabilize ang market sentiment.
Kinilala ni Chris Miller, author ng Chip War at propesor sa Tufts University, ang sitwasyon. “Mas malaki ang access ng US firms sa capital, pero tumataas ang financing costs nila,” kuwentong niya sa Bloomberg. Mas mahal pa rin ang local compute sa China dahil di pa kasing-ganda ng imported ang local chips, pero lumiliit na ang agwat.
Cost Advantage na ‘Di Inasahan ng America
Binago rin ng Beijing kung paano sila gumastos para sa AI race. Dati, puro subsidies at state lending ang gamit nila. Ngayon, ginagamit na nila yung $26 trillion na nakalagay sa mga savings account ng mga tao — in short, pinakamalaking private capital pool sa buong mundo.
Ngayon, mga Chinese tech firm nakakahiram ng average na 1.9% interest lang ngayong taon — mas mababa ng 300 basis points kumpara sa US peers na nagbabayad ng 5.25%, pinakamalaking agwat mula 2015. Lalo nitong pinapalaki ang cost advantage ng China kada quarter.
Mahaba pa ang pila ng mga IPO kasunod ng CXMT. DeepSeek, nagbabalak magpa-lista sa $71 billion valuation. Yung Moonshot AI, na ginulo ang Silicon Valley gamit ang Kimi K3 nila, magfa-file naman sa Hong Kong. Susunod na daw yung Z.AI at MiniMax. Ayon sa UBS, yung pinakamalalakas na Chinese AI models, mas mababa sa 10% ng gastusin kumpara sa training cost ng OpenAI at Anthropic. Sa presyo naman ng API, mas mababa sa 20% ng global competition ang rates ng Chinese models.
Plano ng Washington na bawasan ang options ng China. Pero mukhang napilitan tuloy ang Beijing na mas galingan pa at gumawa ng mas magagandang paraan.
