Nakaranas ng unang linggo ng net outflows ang Zcash ETF mula nang mag-launch ito noong August. Umabot sa $93.6 million ang winithdraw ng investors ngayong linggo, habang bumagsak ang presyo ng ZEC papalapit sa $1,300.
Matinding pagbago ito para sa Grayscale ZCSH fund. Dalawang linggo lang ang nakalipas, pumasok ang $98.2 million dito, kaya naging top performer ang fund sa weekly inflows ng crypto ETFs. Pero ngayon, baliktad na ang sitwasyon dahil lumalabas na ang pera. Kakayanin kaya ng Zcash makabawi ngayong October?
Bumaba ang Zcash Dahil Naglabasan ang ETF Investors
Nag-trade ang ZEC sa bandang $1,308 base sa chart ng October 3, halos 17.5% na ang binagsak mula simula ng linggo. Kung galing sa recent high na malapit sa $1,690, mga 23% na ang nabawas.
Sabay rin ng bagsak ng presyo itong withdrawals sa ETF. Ayon sa SoSoValue, walang naitalang daily net inflows ang fund mula pa noong September 22.
Ipinapakita ng mga numero na ETF investors ay kakaunti ang gustong mag-buy the dip. Kung magtutuloy-tuloy pa ang withdrawals, dadagdag pa ito sa pressure kay ZEC—pero hindi lang ito ang dahilan kung bakit bumabagsak ang presyo.
Ano Kayang Mangyayari sa Presyo ng Zcash: Tapos na ba ang Bullish Rally ng ZEC?
Dapat bantayan ang $1,270–$1,300 na level, kasi dito pumasok ang mga buyers kamakailan. Yung long-term moving average sa four-hour chart, nasa area rin na ’yan, kaya matinding test para sa demand kung kaya ba ma-hold.
Kapag nabasag ang support na ’yan, pwede pang bumaba ang presyo ng ZEC papuntang $1,155—mga 12% pa ang itatapyas mula sa last chart level.
Base sa daily indicators, mukhang di pa rin ligtas sa risk ang ZEC. Humina na ang buying momentum at tumitindi pa ang selling pressure.
Pero may konting good news din. Medyo nababawasan na ang short-term selling pressure, kaya pwede ring sumubok mag-bounce pataas papunta $1,320–$1,360.
Kapag tuloy-tuloy maka-recover sa ibabaw ng $1,380–$1,425, mas lumalakas ang chance na umabot pa ulit sa $1,500 ang ZEC ngayong October.
Sa ngayon, parang hindi masyadong dire-diretso ang simula ng buwan. Kung mananatili sa paligid ng $1,270, magkakaroon ng oras ang mga buyers para buuin uli ang support. Kapag may bagong inflow ulit sa ETF, dagdag proweba ‘yon na bumabalik ang demand.
Mag-subscribe sa YouTube channel namin para mapanood ang mga insights ng mga eksperto at journalists
