Sinalubong ng matinding sagot ni Binance co-founder Yi He si OKX CEO Star Xu matapos itong pumuna tungkol sa account setup ng Binance. Ibinahagi pa ni Yi He ang reklamo ng isang trader na naipit ang tokens niya sa OKX.
Nagsimula lang sa isang maling transfer ang gusot, pero ngayon parehong nagtuturohan ang dalawang panig tungkol sa mga aberyang nagdulot ng hindi ma-recover o maibenta ng users ang funds nila.
OKX CEO Binanatan ang User ID Model ng Binance
Nag-umpisa ang issue nang may user sa X na sinisi ang “UID collision” kaya raw nawawala ang funds niya. Ang user ID (UID) ay unique na number na binibigay para makilala ang bawat account sa exchange.
Pinabulaanan agad ni Yi He ang claim na ‘yun noong November 7, at sinabi na bawat Binance user may sariling unique na UID. Pina-transfer kasi ng user ang funds papunta sa Binance Thailand, na may ibang account system.
Sumali naman si Star Xu sa usapan. Sabi niya, dapat globally unique ang bawat user ID na ginagamit sa isang brand, o kung hindi naman, hindi na lang dapat payagan ang UID-only transfers sa pagitan ng mga site.
“Simple lang ang dahilan: ginagamit ang UID para makilala ang isang account. Kung posible magkaron ng same UID sa magkaibang site sa loob ng iisang brand, at pinapayagan pa ang mga transfer gamit lang ang UID, madali talagang magkamali ng padadalhan at mapasok sa maling account ang funds,” paliwanag ng OKX CEO.
Hindi nitong weekend lang nagsimula ang initan ng Binance at OKX. Noong November 4, inakusahan din ni Xu si Binance founder Changpeng Zhao (CZ) na tinatakpan nito ang tunay na may sala pagkatapos ng recent hack.
Pinuna rin niya si CZ dahil nagawa pa nitong makipagsabayan ng memes kay Elon Musk kahit may krisis na nangyayari.
Sino ang Sasalo sa Disgrasya Kapag Naiipit ang User Funds?
Bumalik ng panibagong banat si Yi He kinabukasan. Nag-share siya ng warning mula sa isang trader tungkol sa paggamit ng DEX mode ng OKX para sa tokens sa BNB Chain.
Naging big deal lalo ang away ng Binance at OKX ngayong panahon na hirap pa rin maka-recover ang Binance matapos ang $6.3 billion hack. Noong November 7, inanunsyo rin ng kumpanya na aalis na ang Chief Financial Officer nilang si Kaiser Ng.
