Kakakuha lang ng Bitcoin ng una nitong green weekly candle matapos ang limang sunod na linggong puro pula. Ibig sabihin nito, nakabawi na uli kahit matagal-tagal din nag-downtrend. Pero may mga analyst pa na nagdala ng usapan sa next level.
Ipinredict nila na baka February pa lang, tapos na ang bear market at nagsimula na ang mas maganda-gandang phase sa market.
Matapos ang ilang buwan na malalaking capital outflows sa market, may lumitaw na mga bagong positive signal. Lalo pang lumalakas ang posibilidad na tapos na nga ang downtrend.
Bakit Pinag-uusapan ang 23-Month Bitcoin Cycle Theory?
May bagong analysis mula sa isang batikang trader na naging mainit na topic para sa mga crypto investor.
Sa analysis na ito, sinasabi na kadalasang naaabot ni Bitcoin ang bear market bottom mismo 23 months matapos ang all-time high (ATH) nito sa bawat cycle.
I-follow kami sa X para sa real-time na crypto news at updates
Ngayon, sakto nang umabot ang market sa 23-month mark mula nung last ATH. Parehas ito sa pattern na nakita noong past cycle.
“Tumatama ang Bitcoin sa bear market bottom eksaktong 23 months mula ATH sa bawat cycle. Tayo ngayon ay nasa 23 buwan. Hindi pa pumalya ‘to kahit isang beses,” ayon sa Coinvo Trading.
Si Peter Brandt, isang kilalang trader, sinabi na mas malakas pa raw argumento ito kaysa sa ibang kwento tungkol sa market. Kung susundin yung pattern, posibleng natapos na ang bear market last February at maaaring magsimula na ang recovery next month.
Kahapon, tumaas ng 6% ang total market cap. Mula $2.19 trillion, naging $2.32 trillion ito. Ipinapakita nito na umiigting ang optimism ng mga investor. Marami ngayon ang nagkakaroon ng bagong pag-asa after malakas ang bagsak ng Bitcoin at altcoins dati.
Sinabi rin ng Google Trends data na naabot na ng mga search para sa “Buy Bitcoin” ang pinakamataas nito mula 2021. Ibig sabihin nito, dumarami ang mga bagong papasok na investor.
Pero, tingin pa rin ng ibang analyst, masyado pang maaga para sabihing tapos na ang bear market. Para sa kanila, kailangan pa ng mga anim na buwan bago tuluyang makarekober ang market. Ang basehan nila dito ay mga on-chain data galing sa history ng market.
Bukod pa dito, negative pa rin ang stablecoin net flows papuntang exchanges noong huling linggo ng February. Mukhang nakakapagpahina ito ng argument na tapos na nga ang 23-month bear market.
Ine-explain ni Leon Waidmann, Head of Research ng Lisk, na mas marami pa ang stablecoin na umaalis mula exchanges kaysa pumapasok. Ibig sabihin, kulang pa rin ang buying pressure para magtuloy-tuloy ang Bitcoin rally.
“Tignan niyo yung chart. Lahat ng malaking BTC rally sa nakaraang taon, sinabayan ‘yan ng matataas na green bars (stablecoin inflows). Pero ngayon? Sobrang pula. Nasa -$10B na ang net outflows. Hindi magtutuloy-tuloy ang Bitcoin kung hindi babaliktad ‘to. Ganun lang kasimple,” sabi ni Leon Waidmann.
Kahit nagkaroon na ng rebound ang market matapos ang ilang linggo ng pagbaba, mukhang kailangan pa ng mas malinaw na confirmation bago masabing tapos na talaga ang bear market. Sa isang recent analysis ng BeInCrypto, mahalaga ang $70,000 level na balikan at mahawakan ng Bitcoin para magtuloy-tuloy paakyat ang price nito.
