Sobrang bilis ng pag-usbong ng agentic finance. Hindi na lang basta nag-ge-generate ng report o nagsha-share ng ideas ang AI agents ngayon. Automatic na silang pumapasok sa trades, nagse-settle ng payments, at nagta-transact para sa users at mga kumpanya. Mas bumibilis pa ‘to ngayong 2026.
Habang dumarami ang nag-a-adopt, sabi ni Jody Mettler, COO ng BitGo, na para sa mga malalaking institusyon, dapat may apat na control na naka-set para safe ang agentic transactions.
Ang Agentic Finance, Lumalawak Mula sa Lahat ng Sulok
Kamakailan lang, sunod-sunod ang mga AI agent launch na nagdadala ng autonomous systems mas malapit sa totoong financial activities. Pinakabago dito, nag-launch ang x402 ng Coinbase ng Agentic.market.
Marketplace ito at discovery platform para sa x402 agentic commerce ecosystem. Dito, pwedeng mag-browse ng mga service ang tao gamit ang web UI, habang ang AI agents naman automatic na hinahanap at ini-integrate ang mga ito sa tulong ng MCP interface, may semantic search, live na metrics, at hindi na kailangan ng account.
I-follow kami sa X para lagi kang updated sa mga bagonng balita
Bukod pa dito, nag-preview ang kumpanya ng enterprise software na Aptean ng AppCentral. Magdadala ito ng 10 AI agents sa mga customer ng Microsoft Dynamics 365 sa finance, supply chain, procurement, at production.
Inilagay naman ng Basware ang mga AI agents sa Invoice Lifecycle Management Platform nila. Ginamit nila ang Agentic AI para gawing mas mabilis at automatic ang pag-proseso ng invoice, kaya mas abot-kamay na ang tunay na autonomous accounts payable.
“Ang future ay Agentic Finance, kung saan ang AI na mismo ang nagta-transact para sa kumpanya para bumilis at gumanda ang desisyon at ang resulta. Dito patungo ang Basware at dito na rin namin inihahanda mga customers namin,” pahayag ni Basware CEO Jason Kurtz sa interview.
Noong nakaraang buwan, nag-launch ang Bybit ng Bybit AI Trading Skill Hub na may 253 APIs. Dito, all-in-one ang AI trading experience nila — mula market data, spot at derivatives trading, hanggang sa account at asset management.
BitGo rin mismo ang naglabas ng Model Context Protocol (“MCP”) server nitong March 23. Dahil dito, direkta nang maka-access ang AI development tools sa documentation at APIs nila.
Lahat ng mga launch na ‘to, nagpapakita ng matinding trend: mula sa simpleng testing, ang agentic AI ngayon, unti-unting postehado na maging backbone ng financial at commercial infrastructure. Automatic nang gumagawa ng transactions at trades ang AI para sa mga negosyo.
Habang nangyayari ito, isang survey din ang nagbigay ng mahalagang evidence mula sa demand side ng agentic AI wave. Sa NVIDIA State of AI in Financial Services 2026 report na may 800+ industry professionals, lumabas na 65% ng mga kumpanya ngayon ay active nang gumagamit ng AI (tumaas mula 45% noong nakaraang taon).
Bukod pa dyan, 42% ang gumagamit o tinatry na gamitin ang agentic AI, at 21% ang ide-deploy na ang AI agents nila.
“Kaya na ngayon ng Agentic AI na automatic i-route ang mga transactions sa pinakamagandang payment network, adjust ang retry logic base sa real-time signals mula sa issuer, at gumawa ng routing decisions in less than 200 milliseconds — hindi kaya tapatan ng mga luma at rule-based system ‘yan. Ang maganda rito, kada kaunting improvement sa authorization rates, direct agad ang impact sa kita — walang duda sa resulta,” sabi ni Dwayne Gefferie, payments strategist ng Gefferie Group sa interview.
Mag-subscribe sa YouTube channel namin para mapanood ang expert insights mula sa mga industry leader at journalist
Mga Key Pillar ng Agentic Finance Para sa Malalaking Institusyon
Sa interview kasama ang BeInCrypto, bukas si Mettler sa innovation pero nilinaw niyang high risk ito kung walang control. Para sa mga institution, klaro ang point niya — dapat may control ang agentic transactions para hindi ito magmukhang “wild west”.
“Habang excited kami sa mga pwede nitong idulot… ayaw naming magkaroon ng financial crisis na parang wild west. Kaya dapat may mga control pa rin,” sabi niya.
Unang-una, identity. Kailangan malinaw ng bawat institution kung sino o ano ang nasa likod ng bawat agent na gumagawa ng transactions sa system nila. Pangalawa, permissions. Dapat may hangganan kung anong pwede ma-access, authorize, o gawin ng bawat agent.
Pangatlo, policy at approval logic. Kailangan malinaw ang rules kung alin ang pwedeng gawin ng AI nang automatic at alin ang kailangan ng approval ng tao. Pang-apat, auditability. Dapat may traceable record ng bawat desisyon ng agent para madali itong makita ng institution o regulators kung may aberya.
“Lahat na ngayon pumapasok sa agentic era na may kasamang konting optimism, ‘di ba? Kailangan nating tingnan hindi lang ang potential nito para sa finance infrastructure, kundi pati mga control na kelangan sa likod ng AI,” dagdag pa niya.
Habang lumalaki ang gamit ng agentic finance, malaki ang chance na maging basehan ang apat na kontrol na ito para ma-evaluate ang mga bagong sistema.
