Bumungad ang Lunes na may sell-off kaya naman hindi na rin nagulat ang mga crypto investor. Naging malaking dahilan dito ang pagbagsak ng US-Iran peace talks sa Islamabad at bagong naval blockade ng US na naka-apekto sa malalaking asset classes.
Mas lumakas ang takot sa supply disruption at mas naging duda ang mga tao sa mahinang two-week ceasefire na matatapos na sa April 22 dahil sa nangyari noong weekend.
Naging Babala na ng Crypto ang Pag-dip Last Sunday sa Mangyayaring Sell-Off ng Stocks ng Lunes
Bumaba ang Bitcoin (BTC) mula sa weekend high na halos $74,000 hanggang sa intraday low na $70,570 kahapon matapos i-confirm ni Vice President JD Vance na 21 oras ng negotiations ay nauwi sa wala, walang deal. Nasa 1.8% din ang ibinaba ng total crypto market cap.
Mas naging malala ang sell-off matapos mag-announce ang US Central Command (CENTCOM) ng blockade para sa “lahat ng sasakyang-pandagat na lumalabas at pumapasok sa Iranian ports simula April 13, 10 a.m. ET.”
Ayon sa Markets data ng BeInCrypto, bumaba ng 2.68% ang total market capitalization sa nakalipas na 24 oras. Sa ngayon, nagte-trade ang BTC sa $71,125. Bumagsak din ang Ethereum (ETH) hanggang $2,204.
Samantala, nitong Lunes ng umaga, kinumpirma ng traditional markets ang nauna nang naranasan at na-price in sa crypto. Sabi ng Kobeissi Letter, bumaba halos 1% ang S&P 500 at Dow Jones, habang 1.3% naman ang binaba ng Nasdaq 100.
“US stock market futures open sharply lower as Iran War peace talks end without a deal,” ayon sa post.
Mag-subscribe sa aming YouTube channel para mapanood ang insights ng mga leaders at journalists sa crypto
Bumaba din ang gold at silver sa Asian trading hours ng Lunes. Bumagsak ang gold prices ng 0.75% papuntang $4,711 per ounce, imbes na tumaas kahit may geopolitcal na gulo. Mas matindi ang binaba ng silver, lagpas 2%, papuntang $74.20.
Ipinapakita ng panghihina sa precious metals na mas nangingibabaw na ang pagtaas ng presyo ng energy at posibilidad ng matagalang inflation kaysa sa demand para sa safe haven assets. Marami na ring traders ang nag-e-expect na mas matagal pang hindi gagalawin ng Federal Reserve ang interest rates.
Pero kakaiba naman ang galaw sa energy markets — baliktad ang direksyon. Tumaas ng mahigit 10% ang US crude oil, lagpas $105 per barrel. Umangat din ng 8% ang international Brent crude. Nag-spike ng 6% ang wholesale gasoline, habang tumaas ng 9.3% ang heating oil na parang proxy na rin para sa jet fuel.
I-follow kami sa X para laging updated sa pinakabagong crypto news
Pamilyar na ang pattern na ‘to: kapag tumitindi ang US-Iran conflict, madalas nang nagfa-flag ng geopolitical risk ang crypto bago pa bumukas ang equities market. Ngayong malapit na rin mag-expire ang two-week ceasefire, pareho pa ring may uncertainty ang mga trader sa traditional markets at sa crypto kung masusundan pa ng diplomasya ang bilis ng mga pangyayari.
