Ibinunyag ng Grayscale Research ang anim na top blockchain protocols na tingin nila’y pinaka-lilipad ngayong usong-usong na ang tokenization.
Tiniyak ng asset manager na lumaki ng 217% yung merkado ng mga tokenized asset kumpara sa dati. Pero, halos 0.01% lang ito ng kabuuang global equity at bond markets, kaya malaki pa ang chance na mas lumago pa ito.
Bakit Malaki ang Nakikitang Opportunity ng Grayscale sa Tokenization
Nasa $30 billion pa lang ang total value ng mga tokenized asset—sobrang liit kung ikukumpara sa mga securities sa buong mundo na nasa $300 trillion. Nangunguna dito yung US Treasuries na pinakamarami on-chain ng halos $15 billion, sumunod ang mga tokenized commodities na nasa $5 billion. May ilan ding mas maliliit na category gaya ng private credit, funds, at equities.
Sa bago nilang report, sinabi nina Zach Pandl (Head of Research) at Will Ogden Moore na parang napakalawak pa ng space na puwedeng pasukan ng digital assets.
“Sa paglipas ng panahon, naniniwala kami na malaking parte ng ~$300 trilyon na securities market—kasama na rin ang iba pang asset tulad ng real estate—ang lilipat na rin sa blockchain,” sabi sa report.
I-follow kami sa X para updated ka agad sa fresh crypto news
Canton ang Pangunahing Umaalagwa Ngayon, Ethereum at Solana Para sa Pangmatagalan
Ipinunto din ng report na binabago talaga ng tokenization ang galaw ng capital markets habang mas maraming assets at transactions ang lumilipat sa blockchain. Sobrang bago pa nitong trend, at inaasahan nitong magdadala ng matinding value sa mga main blockchain na humahawak ng shift na ito.
“Sa tingin namin, yung protocols na pinakamalakas ang chance na makinabang sa tokenization megatrend ay ang Ethereum, Solana, Canton, Avalanche, BNB Chain, at Chainlink,” sulat ng mga researcher.
Sabi ng report, unang dapat tutukan yung Canton. Base sa data ng RWA.xyz, hawak ng network na ito ang 93.8% ng total on-chain value ng RWAs at mahigit $390 billion ang tokenized asset value nito—siya na yung may pinakamalaking pool ng pera sa buong sector.
Ayon sa Grayscale Research, ang mga network na focused sa institutions tulad ng Canton ang malamang na manguna sa short term. Iba kasi sa public blockchain, designed talaga ang mga ito para gumaya mismo sa galaw ng traditional finance, kaya mas madali ang paglipat ng users at mga middleman. Bukod pa diyan, may privacy feature agad si Canton, na mahalaga para sa karamihan ng institutional use cases.
Sumunod ang Ethereum na may higit 54% ng distributed RWA market share. Nasa $16 billion ang tokenized assets dito, at mahigit $50 billion ang total value locked sa Decentralized Finance o DeFi.
May insights din mula sa BeInCrypto’s Expert Council na nagsabing malaking tulong para sa Ethereum yung funds na galing TradFi o traditional finance.
“Sa ngayon, tingin ko Ethereum ang mananalo habang pumapasok ang TradFi. Sa mga susunod na taon, halos lahat ng development ng banks at iba pa sa blockchain space ay mangyayari sa Ethereum,” sabi ni Geoff Kendrick ng Standard Chartered.
Mag-subscribe sa YouTube channel namin para makita ang expert insights ng mga leaders at journalists
Nasa likod naman ang Solana—mahigit $2 billion ang asset value dito. Bukod pa dyan, kayang mag-process ng blockchain na to ng lampas 1,000 transactions per second.
“Pinakamalakas talaga ang ecosystem at network effects ng Ethereum—nangunguna siya sa market cap, dami ng developers, at dami ng applications,” ayon sa report. “Medyo sumusunod pa lang ang Solana sa tokenized assets on-chain, pero mas mabilis at mas mura mga transaction dito. Sa tingin namin, dahil dito mas accessible siya sa retail users at swak siya para sa mga use case na gaya ng onchain consumer stock trading.”
Para naman sa Grayscale, ang Chainlink ang tinitingnan nilang top “picks and shovels” project sa tokenization dahil critical ang infrastructure na binibigay nito sa bawat stage ng buhay ng tokenized asset. Binanggit din ng report na may matinding potential din ang Avalanche at BNB Chain sa larangang ito.
