Umabot na halos $85,000 ang Bitcoin noong nakaraang linggo. Ilang araw lang ang lumipas, hirap na itong manatili sa $80,000. Yung mga trader na tumaya sa mabilis na pag-recover biglang naiipit sa panibagong selloff.
Nangyari ang reversal na ‘to kahit mataas pa rin ang dami ng leveraged positions, kahit umatras na ang ilang buyers. Ayon sa pinakabagong market report ng Glassnode, sobrang exposed pa rin sa malalaking galaw ng presyo ang futures market ng Bitcoin.
Para kay Bastian Keller, mas kilala bilang Bitbull, dito kadalasang nagkakamali nang malaki ang mga investor. Sa usapan nila ng BeInCrypto sa TOKEN2049 Singapore nitong buwan, ipinaliwanag niya kung bakit mas mahalaga minsan ang trading psychology kaysa sa kakayahang hulaan ang susunod na galaw ng presyo.
Si Keller ang nagtatag ng Bitbull Trading at TradeMania, isang trading community at software platform. Ang TradeMania ay may commercial partnership sa Bitunix na tinuturing niyang main exchange partner nito.
Paper Trading, Madalas Nakakalito sa mga Nagsisimula
Isa sa mga pina-pinagtatalunang opinion ni Keller ay binabanatan ang madalas na advice sa mga bagong trader: mag-practice muna gamit ang fake money bago mag-trade ng totoong pera.
Para sa kanya, ang paper trading nagbi-build ng hindi realistic na kumpiyansa dahil alam ng trader na wala silang totoong mawawala.
“Kapag totoong pera na ang usapan, dyan na nag-iiba lahat,” sabi ni Keller. “Pumapasok na yung emotions, FOMO, tapos sa huli utak mo na talaga ang magde-decide sa actions mo.”
Simpleng logic lang daw. Sa simulation, chill lang kahit talo ka. Pero kapag ipinasok mo na savings mo, puwedeng mag-panic at lamunin ka ng takot.
Rekomendasyon ni Keller, mag-umpisa daw ng maliit lang na real money para maramdaman agad ang pressure ng totoong trading.
“Pwede kang mag-trade gamit ang $10. Pwede rin $50,” sabi niya.
May pakinabang naman ang paper trading kapag kailangan matutong gumamit ng trading platform o mag-testing ng strategy na walang risk sa pera. Pero ang kritisismo ni Keller: iba pa rin kapag real loss na ang pinag-uusapan at doon talaga magle-level up ang mindset ng trader.
“Circle of Death” na Madalas Sumusunog ng Trading Accounts
Natutunan ni Keller ang lesson na ‘to base sa sarili niyang mga talo noon.
Bago siya nag-crypto noong 2018, sa Forex muna siya nag-trade. Kinuwento niya sa BeInCrypto na na-scam siya at sumemplang din sa experience na ‘yon.
Yan din ang dahilan kung bakit tinawag na “circle of death” ang trading habit na ‘to.
Natalo ang isang trader. Imbes na tanggapin ang talo nila, sunod agad sila agad sa panibagong position para mabawi. Pag hindi pa rin nag-work, mas malaki pa na risk ang tinitira nila.
“Papasok ka na sa revenge trading, tuloy tuloy na talo, sunod sunod na nauubos hanggang maubos ang puhunan,” paliwanag ni Keller. “Ako rin ‘tong tipo ng tao dati.”
Sa revenge trading, lalo pang lumalala kapag may leverage na binibigay ng crypto exchange. Dito kahit maliit na galaw lang ng market, puwedeng sunugin na agad ang buong kapital.
Bakit Mas Delikado Ito Sa Market ng Bitcoin Ngayon
Ipinakita ng pinakahuling reversal sa Bitcoin kung gaano kabilis maglaho ang kumpiyansa sa market.
Ayon sa Glassnode report, umakyat sa $37.5 billion mula $36.5 billion ang Bitcoin futures open interest nitong nakaraang linggo. Kahit bumabagsak na ang presyo, patuloy pa rin sa pagbabayad ng mahal na funding rate ang mga trader na bullish pa rin.
Kabilang dito, humina rin ang spot buying habang parami nang parami ang gustong kumuha ng protection via options.
Dalawang matinding event pa ang parating: October 28 decision ng Federal Reserve tungkol sa interest rates at November 3 na US midterm elections. Prediction ng mga analyst, aasahan ang matinding volatility.
Para sa mga trader, sobrang hirap ng ganitong market. Isang mabilis na rally, mapapa-FOMO ang mga pumasok, tapos biglang reversal — sunod magli-liquidate ng mga positions.
Nakikita ni Keller na lalo lang pinapahirap ng mga baguhan ang sitwasyon dahil habol lang sila nang habol sa bawat short-term movement.
“Hindi mo kailangan gawin ang scalping,” payo niya. Ino-encourage niya na subukan din ng traders ang mga mas slow na strategy na hindi kailangang tutok sa chart kada ilang minuto.
Pwede Ba Talagang Pigilan ng AI ang Pag-uulit ng Mali sa Trading?
Ngayon, sinusubukan ni Keller na ma-solve ang ilan sa mga problemang ‘to gamit ang TradeMania.
Ikinuwento niya na gumagawa sila ng tools na nag-a-analyze ng trading history at nagbibigay ng AI-generated feedback tungkol sa trading behavior.
“Pwede mo i-track lahat ng trades mo at pwede ka ring makipag-chat sa AI agent doon,” paliwanag niya.
Ang goal ay matulungan sana ang mga trader na makita agad ang patterns ng paulit-ulit na mga pagkakamali bago ito maging malaking malas. Pero sa ngayon, wala pang matibay na ebidensya na talagang gumagana ito sa pagpapataas ng trading returns — base sa interview.
Sa ngayon, pinaka-praktikal pa ring tip ni Keller — at sobrang simple nito:
“Una sa lahat, wag magtiwala sa lahat ng tao.”
Paalala ni Keller, dapat maging mapanuri hindi lang sa mga trading influencer, kundi pati sa mga signal, bot, at market prediction. Dahil sa muling pagpasok ng Bitcoin sa panibagong magulong yugto, mas mahalagang ma-manage ang risk kaysa sa simpleng hulaan kung anong presyo ang susunod na gagalaw.
