Kontrolado ng Islamic Revolutionary Guard Corps ang “napakalaking bahagi” ng buong crypto economy ng Iran, ayon kay Kaitlin Martin, Senior Intelligence Analyst sa Chainalysis.
Mukhang yung bagong report tungkol sa toll system sa Strait of Hormuz ay hudyat ng panibagong expansion ng effort ng Iran na mas gawing parte ng araw-araw na buhay nila ang crypto. Pero kung titignan mo ang malalim na galaw sa likod nito, stablecoins talaga—hindi Bitcoin (BTC)—ang bumubuhat ng market sa Iran ngayon.
Mag-subscribe ka sa aming YouTube channel para mapanood ang mga top leader at journalist na nagbabahagi ng expert na insights
Paramilitary Group sa Iran, Naging Malakas na Crypto Powerhouse
Sa isang interview kasama ang BeInCrypto, sinabi ni Martin na nagkaroon ng “buhay na buhay” na crypto economy ang Iran dahil sa matinding international sanctions na nagpapahirap sa pag-access ng malalaking global exchange.
Sinabi rin niya na yung mga local Iranian crypto exchange ay nagkaroon ng matinding growth at taas ng trading volume nitong mga nakaraang taon. Habang tuloy-tuloy ang pag-adopt ng crypto sa Iran, nananatiling pinakamalakas na puwersa ang Islamic Revolutionary Guard Corps sa digital asset economy ng kanilang bansa.
Ayon kay Martin, halos 50% ng buong crypto activity sa Iran noong huling quarter ng 2025 ay nagmumula sa IRGC.
“Talagang kinukuha ng IRGC yung sobrang laking share ng buong crypto activity na ‘yan,” sabi niya.
Pero dinagdag pa ni Martin na di sapat para mailarawan ang kabuuang galaw ng IRGC ang nakikita sa datos. Yung $3 billion na figure para sa 2025, estimate lang yan at base lang sa public na data, kaya posible mas malaki pa talaga ang galawan.
“Talagang nakikita natin na yung mga bansa ay unti-unti nang ginagamit ang crypto bilang parte ng kanilang mga instrumento sa finance, sinasabay nila sa traditional na galaw ng pera. Kaya kung tinitignan ko yung mga datos, di na rin ako nagugulat na malalaki talaga ang volume na ginagamit ng gobyerno kumpara sa buong crypto economy ng Iran,” sabi ni Martin sa BeInCrypto.
Stablecoins ang Paborito ng Iran sa Crypto Transactions
Habang lumalaki ang crypto economy ng Iran, base sa mga report malaking umaasa ang Islamic Revolutionary Guard Corps sa stablecoins. Sabi ni Martin, maraming hint sa public sanctions records at mga seizure orders kung paano ginagamit ng Iran ang crypto.
Sinabi rin niya na yung US Department of the Treasury’s Office of Foreign Assets Control ay nag-sanction ng ilang wallet na konektado sa mga kilalang tao mula sa IRGC. Sa kabilang banda, yung National Bureau for Counter-Terror Financing ng Israel nakapag seize na ng mahigit 100 wallet na ibang konektado na puro stablecoins ang gamit.
Sabi ni Martin, kahit sa mga regulatory filing, makikita na ginagamit ng Iran ang stablecoins para sa trade at pag-procure ng malalaking halaga.
“Alam natin na ginagamit talaga ng Iranian regime ang stablecoins,” banggit niya.
Bagamat pwedeng i-freeze ng mga issuer ang mga stablecoin, pinaliwanag niya na dahil peg ito sa dollar at mabilis ang cross-border transfers, talagang attractive ito para sa bansang hirap maka-access ng global dollar supply dahil sa matinding sanctions.
“Sa tingin ko may gamit pa rin ang Bitcoin para sa mga tao sa gobyerno at mga ordinaryong Iranian, pero kung usapang pag-kolekta ng toll o malaking trade, stablecoins ang best option nila,” dagdag pa ni Martin.
Mga Dapat Bantayan
Mula $2 billion naging $3 billion agad yung na-track na galaw ng IRGC sa loob lang ng isang taon. Ngayon na operational na raw ang Hormuz toll, posibleng mas bumilis pa lalo yung paglaki ng crypto market ng grupo.
I-follow kami sa X para sa mga latest na crypto news
May malaking tanong dito: Kapag ang isang paramilitary group na may matinding sanctions ay naging dominanteng player na sa buong crypto economy ng bansa, at sila pa mismo ang nagpepresyo ng access sa global trade gamit ang Bitcoin, parang nabubura na ang linya sa pagitan ng military at ng finance institutions.
