Nag-rerecover ngayon ang Bitcoin (BTC) at nagdala ulit ito ng good vibes sa crypto market, lalo na sa mga trader na ilang linggo nang kinakabahan sa magulong galaw ng presyo.
Pero habang bumabawi ang presyo, bumalik din ang mga bagong issue: may panibagong paratang na naman ngayon laban sa Jane Street — isang sikat na quantitative trading firm at malaking liquidity provider. Totoo bang may ebidensya ‘yung mga paratang na umiikot, o puro speculation lang ulit ito online? Dahil bumabalik ang theoryang ‘yan, mas importante ngayon na ma-separate kung ano talaga ang totoo at kung alin ang haka-haka lang.
Umano’y 10AM Bitcoin Sell-Off ng Jane Street: Legit na Manipulasyon o Chismis Lang sa Market?
Mainit na pinag-uusapan ang Jane Street sa Crypto Twitter, at kumalat na ang issue hindi lang sa social media. Base sa Google Trends, nasa all-time high ngayon ang search interest para sa “Jane Street Bitcoin”. Ibig sabihin, sobrang dami ngayon ang curious tungkol dito.
I-follow kami sa X para laging updated sa mga nangyayari
Bakit nga ba muling nabubuhay ang usapang ito? Kung mag-search ka sa X, mapapansin mong ang dami nang post na ikinakabit ang Jane Street sa galaw ng presyo ng Bitcoin. Pinaka usap-usapan ngayon ang paratang na laging may “10 AM Eastern Time Bitcoin sell-off” pattern.
Mula 2024, paulit-ulit nang tinuturo ng Zero Hedge, gamit ang mga post niya, na may pattern na halos laging biglang bumabagsak ang Bitcoin tuwing 10 AM ET. Madalas kasama sa kwento dito ang Jane Street.
May mga ganitong paratang din na lumabas noong December 2025.
“Isa ang Jane Street sa pinakamalalaking high-frequency trading firms sa buong mundo. Sobrang bilis at laki ng liquidity nila kaya nilang magpagalaw ng market kahit ilang minuto lang. Ganito lang daw ginagawa: 1. Magbenta ng BTC pag bukas ng market. 2. Ibagsak yung presyo sa liquidity pockets. 3. Pumasok ulit ‘pag mas mababa na. 4. Paulit-ulit araw-araw,” ayon kay Bull Theory sa isang post.
Noong panahon na ‘yon, nireport ng BeInCrypto na wala pang regulator, exchange o independent data source na nakapag-confirm na may coordinated activity talaga. Kapansin-pansin, lumabas ulit ang mga bagong paratang laban sa Jane Street matapos itong kasuhan ng administrator ng Terraform Labs.
“Sino raw ang nagbagsak ng Luna at UST sa zero, at nagsanhi ng pag-guho ng buong crypto market noong 2022? Jane Street. Eto rin yung Jane Street na inaakusahan ng ‘10AM manipulation’ at naunang nakinabang sa pagbagsak ng Terra noong 2022,” ayon kay Ash Crypto sa isang tweet.
Dinenggihan na ng Jane Street ang anumang pagkakamali at sinabing ipagtatanggol nila ang sarili nila sa korte. Pero may mga analyst na nag-uugnay ng timing ng case na ito at galaw ng presyo ng Bitcoin.
Ilang X commentators na rin ang nagsabi na dahil sa kaso laban sa Jane Street biglang “tumigil” yung umano’y 10AM sell-offs. Ayon sa mga kwentong ito, dahil nawala yung dating intraday na pagbagsak, lumipad ang presyo ng Bitcoin nitong nakaraang dalawang araw.
Sa mas detalyadong post, sinabi ni Justin Bechler na yung mga “daily flash crashes” daw dati huminto nung naging public ‘yung kaso ng Terraform Labs early last year.
Pero ayon din sa kanya, bumalik daw ulit yung 10AM pattern pagdating ng Q3 2025. Pagdating ng December, andun na naman yung malalakas na intraday na pagbaba ng presyo.
“Sa madaling salita, huminto ang 10am dumps nung naging busy na yung legal team ni Jane Street. Pero balik ulit ang pattern nung wala nang pressure. Dapat nasa $150,000 na ngayon ang Bitcoin kung wala sanang nanggugulo. Kahapon lang, may bagong federal case na inihain sa Manhattan na nagpapaliwanag kung bakit hindi pa umaakyat,” sabi niya sa post.
Dinagdag pa ni Bechler, nireport ng Jane Street na may malaking IBIT position sila sa Q4 2025 13F filing nila. Malaki rin ang dinagdag nila sa MicroStrategy holdings nila.
“Magmumuka talaga yang bullish accumulation kung di mo alam kung ano talaga ang Jane Street. Isa siya sa apat na firms na pwedeng mag-handle ng in-kind creations at redemptions ng IBIT. Yung tatlong iba pa — Virtu Americas, JP Morgan Securities, at Marex. Jane Street din ang authorized participant ng Fidelity at WisdomTree Bitcoin ETFs,” sabi niya.
Ayon din sa kanya, dahil dito, may “direct access” ang Jane Street sa mismong process kung saan nagkakabit ang presyo ng ETF share sa aktwal na Bitcoin. Pwede nilang ilipat ang Bitcoin papasok at palabas ng ETF structure, i-arbitrage ang price difference ng fund at spot market, at mag-hold ng inventory na lampas sa kapasidad ng normal na market participant.
Dinagdag pa niya na ang 13F form ay nagpapakita lang ng long stock positions at hindi kailangan i-disclose ang options, futures, o swaps.
“Kapag nag-report ang Jane Street na may $790 million silang hawak na IBIT shares, hindi ibig sabihin nito na walang hedge o proteksyon ‘yung shares—puwedeng naka-hedge gamit ang puts, na-offset ng short futures, o may collar kaya zero o negative pa ang net Bitcoin exposure ng firm,” paliwanag niya.
Sinabi rin niya na ang nakikita lang ng publiko ay parang nag-a-accumulate sila ng Bitcoin. Pero sa totoo lang, puwedeng short exposure pala ito na mukha lang long, kasi ‘yung kabilang side ng trade ay itinatago pa rin sa kasalukuyang disclosure rules.
Ayon pa sa kanya, ang Form 13F ay parang snapshot lang ng isang side ng balance sheet. ‘Yung kabilang side, ‘di talaga nakikita ng kahit sino maliban sa firm mismo.
“Kung may hawak silang $790 million sa IBIT shares tapos naka-offset ito ng $790 million ng put options o short futures, zero ang net exposure nila. Kapag mas malaki naman ang derivative positions kumpara sa equity, negative na ang net exposure, ibig sabihin kikita ang Jane Street kapag bumagsak ang presyo ng Bitcoin. Sa parehong sitwasyon, may matinding incentive ang firm na gamitin ang authorizer participant status para pababain ang spot price, mag-trigger ng liquidations, at kunin ang spread,” komento ni Bechler.
Mga Kontra: Normal lang ang Volatility, Hindi Masama ang Crypto
Hindi lahat kumbinsido. May ilang analyst na pumalag at sinabing OA masyado ang 10 AM pattern. Julio Moreno, Head of Research ng CryptoQuant, diretsong kinwestyon ang narrative na ‘yon.
Sinabi ni Moreno na ‘yung strategy na binanggit—bibili ng Bitcoin sa spot market tapos magbebenta sa futures—natural lang ‘yan sa crypto. Para sa kanya, “ganito rin ang ginagawa ng kahit anong delta neutral fund.”
Ipinunto rin ni Moreno na kulang ang market context sa usapan. Binanggit niya na ang overall demand para sa Bitcoin spot ay bumabagsak na simula pa noong October 2025, kaya ito talaga ang matinding dahilan ng pagbaba ng presyo.
Sumali rin sa usapan si Benjamin Cowen, CEO ng Into The Cryptoverse. Sabi niya, historically, lumilipad ang Bitcoin tuwing papasok ang early March tuwing midterm year. Sabi din niya na kada cycle ng market, may bago talagang kwento o narrative na ginagamit para ipaliwanag ang price action.
“Hindi manipulated conspiracy ang price action ng Bitcoin,” sulat niya.
Bukod pa dito, sinabi ni Jeff Park, chief investment officer ng ProCap at adviser sa Bitwise, na ang diskusyon ay nagpapakita ng pagka-misunderstand ng tunay na galawan sa ETF plumbing.
Dagdag pa niya na ang sobrang focus sa mga company na katulad ng Jane Street ay nakakalimutan ang structural na mechanics na gumagalaw sa lahat ng Authorized Participants (APs) sa loob ng Bitcoin ETF framework.
Simula rin nag-point out ang mga user sa X na parang binura ng Jane Street ang lahat ng posts nito matapos ang lawsuit. Mas lalo lang itong nagpa-uso ng speculation online.
Pero agad itong nabasag. Nilinaw ng economist na si Alex Krüger na sa simula pa lang, wala talagang kahit anong post ang Jane Street sa kanilang X account.
“Sobrang dami ng fake news at maling kwento na kumakalat sa crypto. Wala talagang post na binura ang Jane Street. Mapapatunayan yan gamit ang Wayback Machine,” post niya.
Bakit Usap-Usapan ang 10AM Jane Street Sell-Off Theory
Pinapanood ng mga retail trader kung paano nag-i-ignore ang Bitcoin sa mga bullish na developments—tulad ng pagbili ng MicroStrategy at mas magaan na crypto regulations—pero bagsak pa rin ang price action at grabe ang fear sa sentiment ng market. Dahil dito, sobrang bilis kumalat ng mga simpleng explanation na madaling paniwalaan.
Kaya ‘yung pag-pause ng sinasabing 10 AM pattern matapos magkaroon ng high-profile na lawsuit, swak talaga sa narrative na correlation equals causation—classic sa Crypto Twitter.
Pero tandaan, ‘di basta proof ang correlation. Kaya sa ngayon, haka-haka pa lang—hindi pa fact—ang 10 AM theory.
