Mabigat ang naging bagsak ng mga application sa MBA programs ngayon kaya nagpu-putol ng tuition hanggang 50% ang ibang school. Yung mga nasa gitna o mid-tier na mga school ang naiipit dito, habang yung top 20 na university, steady lang o tumataas pa tuition nila.
Kitang-kita dito kung bumabagsak ba talaga ang MBA market o nag-a-adjust lang talaga ang presyo. Karaniwan, yung malalaking tuition discount ay andun sa mga hindi kasali sa elite na MBA programs. Malaki ang naging epekto ng artificial intelligence (AI) dito dahil parang nabawasan na yung dating skills na kasama kapag kumuha ka ng MBA.
Nagtatapyas ng Tuition ang Mid-Tier MBA Programs
Bumababa ang tuition ng Purdue’s Mitch Daniels School of Business mula $60,000 papuntang $36,000, kaya parang 40% discount ito para sa mga bagong pasok na student. Sa Johns Hopkins, nag-o-offer sila ng 50% scholarship sa lahat ng batch. Sa UC Irvine naman, binabaan nila ng 38% ang presyo ng Flex at Executive MBA programs nila. Basahin dito, dito, at dito para sa karagdagang info.
Ito rin ang binanggit ng Wall Street Journal na nag-report tungkol sa malawakang pagbaba ng tuition bilang sagot sa humihinang demand.
Sa U.S., bumaba ng 20% hanggang 30% ang mga application sa maraming business school. Para sa international students, umabot pa hanggang 43% ang nabawas sa application sa ilang school.
By July 2026, may bagong federal loan cap na maglilimit sa mga graduate student na umutang ng hanggang $100,000 lang. Dati, ito ang ginagamit pang-finance ng students ng two-year MBA programs na umaabot sa $150,000 pataas — at hindi pa kasali yung living expenses dito.
“Dahil sa Working Families Tax Cuts Act ni President Trump, mag-a-apply ngayong summer ang bagong loan limits na magpipigil sa sobrang pangungutang at magpi-push sa mga school na magsuri ng sarili nilang gastos,” ayon sa US Department of Education kamakailan.
Nananatili ang “Signal”, Pero Yung Skill, Binabago na ng AI
Ipinunto ng investor at tagakomento na si Gagan Dhillon na mas tungkol ito sa structural repricing ng MBA imbes na totong pagkalugi. Sabi niya, matagal nang dalawang produkto ang ibinebenta ng MBA sa isang bundle: Yung “signal” na may bigat ang diploma mo, at yung actual na skills na natututunan mo.
“Dalawa talaga ang binebenta ng MBA: Signal at skill upgrade. Pero dahil na sa AI, parang libre na yung skill upgrade. Kaya yung mga school na panay skill lang ang offer, sunod-sunod ang discount. Pero yung mga school na ang tinda talaga ay ‘signal’, mas mataas pa ang lakas mag-presyo,” sabi niya.
Kaya ang Harvard, Stanford, Wharton, Booth, Sloan, at Kellogg, steady lang tuition o pinapataas pa nila sa susunod na cycle. Wala ni isa sa mga school na nagpapababa ng presyo ang part ng top 20 brands, base sa analysis ni Dhillon.
Pero kahit ganun, bumabagsak yung demand mula sa recruiters para sa MBA grads — galing 92% noong 2019, nasa 71% na lang ito ngayong 2024 sa ilang survey. Yung entry-level na job postings, babagsak din ng nasa 35%.
Sinabi rin ng WSJ na mas malaki pang factor dito yung visa issues, loan cap, at natural na pagbaba ng hiring, bukod pa mismo sa impact ng AI.
Malalaman sa susunod na admissions cycle kung kaya pa rin bang lampasan ng “prestige” ang mahina na hiring para sa mga MBA. Kung hindi, baka pati yung mga big time na MBA program, mapipilitang bumaba din presyo.
“Hindi degree ang tinda ng MBA programs, kundi pipeline para sa top jobs. Tahimik nagbawas ng 20-40% sa MBA hires ang McKinsey, Goldman, at Bain nitong nakaraang dalawang taon dahil naubos na ng AI yung trabaho ng mga junior analyst. Kahit mag-50% discount pa sila sa diploma, wala ring kwenta kung zero discount naman sa mismong trabaho, kasi yun talaga ang dahilan ng pagkuha ng MBA,” biro ng isang user.
