Isang maliit na supplier ng NVIDIA ang biglang naging isa sa pinakamainit na microcap stocks ng 2026. Ang NN Inc (NNBR) tumaas ng halos 159% ngayong taon dahil nakuha nila ang kontrata para gawing mas malamig ang mga AI computer ng NVIDIA. Pero mukhang nagsisimula nang mag-exit ang mga malalaking investor.
Tuloy-tuloy na tumataas ang presyo ng shares. Pero base sa isang sikat na indicator na sumusubaybay ng galaw ng pera, nagbebenta ang mga malalaking investor at hindi bumili. Dito nagkakaroon ng labanang kwento.
Ano’ng Nagpasimula ng 159% Lipad ng Microcap Stock na ‘To?
Gumagawa ang NN Inc ng maliliit na metal parts, gaya ng bearings, para sa mga sasakyan, eroplano, at mga medical device. Noong huling bahagi ng Hunyo, nakuha nila ang panibagong cooling contracts mula NVIDIA para gumawa ng components na nagpapalamig sa mga AI data center para hindi mag-overheat.
Palagi mainit ang mga AI computer kaya kailangan ng tuluy-tuloy na cooling ng chips nila. Dahil dito, isang tahimik na manufacturer ng parts ang naging mainit na AI infrastructure play na pinagkaguluhan ng mga trader. Simula noon, umakyat nang halos 159% ang stock nila.
Gusto mo pa ng ganitong insights? Mag-subscribe sa Daily Newsletter ni Editor Harsh Notariya dito.
Pero, medyo humuhupa na ang excitement. Sa nakaraang limang araw, bumagsak ng mga 3.37% ang stock na ‘to, senyales na ‘yung mga naunang bumili baka nagka-cash out na ng profits.
Kahit ganun, positibo pa rin ang Wall Street. Dalawang research firm, ang Noble Financial at Lake Street, nag-e-expect na tatama sa $6 na price target ang stock, nasa 72% pataas mula sa presyo ngayon.
Bukod lang si B. Riley, na may hold rating at $3 na target. Pero tandaan, lumabas ‘yang B. Riley call bago pa malaman ng lahat ang NVIDIA deal.
Bakit Warning Signal ang Isang Indicator
Dito na umiikot ang story. Ang Chaikin Money Flow, isang tool na tinitignan kung papasok o palabas ang pera sa isang stock, bumagsak sa -0.40. Kapag negative, ibig sabihin, lumalabas ang pera.
Mahalaga kung kailan nangyari ito. Umabot sa peak ang indicator noong early June, pero bumagsak matindi simula June 11. Naabot nito ang pinakamababang -0.55 noong June 30—sakto nung linggo na in-announce ng NN yung NVIDIA deals nila.
Kaya kahit paakyat pa ang presyo ng microcap stock na ‘to naglalabasan na ‘yung pera. Ang dahilan—maraming nag-take profit nung biglang taas. Kasunod ng matinding CMF outflow, nagkaroon ng dilutive $75 million share sale kaya binaha ng bagong shares ang market. Lumabas ‘to sa early July at ito ang dahilan kung bakit nagka-correction ang NN nitong huling limang araw.
Medyo nakabawi ng konti ang CMF simula noon, pero negative pa rin ang readings. Sa madaling salita, nag-all-time high ang presyo habang palihim na nagbebenta ‘yung mga malalaking investor.
Pero taliwas dito, kakaibang kwento naman ang pinapakita ng options traders. Sa ngayon, yung put-to-call volume ratio malapit sa 0.01—which means ang daming bullish na bet (calls) kaysa bearish (puts). Sa mas malawak na sukatan gamit ang open contracts, nasa 0.21 pa rin, bullish pa rin kahit umangat na mula 0.09 noong early June.
Ibig sabihin ng kaunting pagtaas, dumadami ang put contracts—kumikita lang ‘yan kapag bumagsak ang stock. Sa madaling salita, ilan sa mga trader naglalagay na ng pangontra sa possible na downtrend. Pero sobrang bullish pa rin ang overall flow, tulad ng AI chip stocks ngayong taon.
Ano’ng Totoong Ginawa ng Malalaking Funds?
Kinukumpirma ng records ng pagmamay-ari na totoo ngang mahina ang money flow. Para malaman kung sino ang tunay na bumibili, tinitignan ng mga investor yung filed reports ng malalaking funds na required isumite sa mga regulator tungkol sa hawak nila.
Medyo luma na ang mga general na data na ‘to. Yung mga public na filings na ‘yan ay usually delay ng nasa 47 days, at yung pinakabago pa galing pa ng late April. May net increase na nasa 2 milyon na shares sa data, pero hindi pa nito nasasakop yung biglang pagtaas nitong June.
Pero mas chill ang kwento ng mga pinakabagong filing. Noong July 1, si Corre Partners na isang activist investor, binawasan sa kalahati ang hawak nila, nasa 2.15 milyon shares na lang. Ilang araw pagkatapos, steady pa rin si Legion Partners bilang top holder sa 6.4%, habang si Nomura nagbawas ng nasa 35% ng shares nila.
Sa madaling salita, yung mga galawan ng malalaking investor lately, swak sa reading ng money flow indicator — parehong nagsa-suggest ng bentahan dahil unti-unti nang bumababa mula sa June high ang stocks.
Mga Dapat Abangan para sa Supplier ng NVIDIA na ‘To
Dalawang bagay pa ang bumabalot sa stock na ‘to. Noong July, nagbenta ang NN ng $75 milyon na bagong shares sa presyong $3.06 — ibig sabihin, may dagdag na supply sa market na ninanamnam pa ang recent na rally.
Malalaman kung anong mga move ng funds ang sumunod pagdating ng kalagitnaan ng August kapag lumabas na yung second quarter na filings. Abangan din yung earnings report ng NN sa unang bahagi ng August, pati na rin ang overall na forecast ng stock price ng NVIDIA.
Sa ngayon, money flow indicator pa rin ang dapat tutukan. Kapag tumaas ulit ito sa ibabaw ng zero, ibig sabihin kumikilos na ulit ang mga buyer at sila na naman ang may kontrol.
