Sinabi ng economist na si Peter Schiff na parang naging legal na paraan ng pagbibigay ng suhol ang meme coins ni President Donald Trump. Sabi niya, parang binabayaran ng mga bumibili ng token ang access kay Trump mismo.
Lumabas ang isyung ito ilang araw matapos lumitaw sa mga public disclosure na pumalo sa mahigit $1 bilyon ang crypto income ni Trump para sa 2025. Samantala, halos bagsak presyo pa rin ang dalawang token—nasa taas lang ito ng record low noong June.
Bakit Sinasabi ni Schiff na Parang Suhol ang Trump Meme Coins
Sa latest episode ng The Peter Schiff Show, tinutok ni Schiff sa pagbagsak ng presyo ng TRUMP at MELANIA meme coin. Ayon sa CoinGecko, ang presyo ng TRUMP ngayon ay nasa $1.71—halos 98% na mas mababa kumpara sa all-time high nitong $73.43 nitong January 2025.
Samantala, ang MELANIA coin ay malapit na lang sa $0.078, lampas 99% crash mula sa pinakamataas nitong $13.05. Dahil dito, marami sa mga investor ay naka-experience ng matinding lugi.
I-follow kami sa X para sa mga pinaka-latest na crypto news
Ayon sa The Wall Street Journal gamit ang Nansen data, halos dalawang-katlo ng holders ng Trump meme coin ngayon ay nagkakamot ng ulo dahil pulos lugi. Hindi lang ito sa meme coins, dahil halos 85% ng mga bumili ng World Liberty’s WLFI token sa secondary market ay paper loss din hanggang ngayon.
Pero sabi ni Schiff, marami raw sa mga bumibili ay hindi talaga nag-iisip na investment ang token. Sabi niya, yung mga naglalagay ng malalaking pera sa TRUMP token ay parang binibili mismo ang atensyon ni Trump, hindi yung asset.
Binanggit pa ni Schiff na may events raw si Trump sa White House para sa mga biggest TRUMP holders.
“May mga event talaga siya sa White House kung saan yung malalaking TRUMP coin holders ay puwedeng um-attend. Pero ang totoo, parang suhol din ito sa presidente. Hindi mo na kailangan bigyan ng pera diretso si Trump—bili ka lang ng token niya, sino pa ba bibili non? Pangit talaga na investment yan,” sabi ni Schiff.
Sa isang 927-pahinang disclosure ni Trump, lumalabas na umabot ng $636 milyon ang kinita ng CIC Digital mula royalties ng meme coins nitong nakaraang taon. Mayroon ding halos $515 milyon na galing sa benta ng World Liberty Financial token.
“Lahat ng may apelyidong Trump, kumikita—pero yung mga bumili ng token nila, sunog lahat ng pera,” dagdag pa ng economist.
Mas lumaki pa ang crypto empire ng pamilya Trump at ito’y lalaong tinititigan ng mga senador. Noong January 2025, nagbabala pa sina Senator Elizabeth Warren at Representative Jake Auchincloss na puwedeng gamitin ng mga foreign buyers ang coin para “makakuha ng impluwensya sa administration.”
Subscribe sa aming YouTube channel para mapanood ang mga expert insights ng crypto leaders at journalists
