Patuloy pa rin na binabasa ng Google ang Reddit tulad ng dati, pero tigil na ito sa pagpadala ng traffic doon. Noong Friday, bumagsak ang stock ng Reddit ng matinding 29% at naging $91.73 – pinakamasamang araw nila sa stock market, na nagbura ng higit $7 billion sa value nito.
Hindi lang Reddit ang apektado. Pati mga publisher, travel site, at image platform, sinasabi rin sa mga investor na bumababa ang Google traffic nila.
Ano ang Binago ng Google?
Ngayon, sinasagot na ni Google ang madaming tanong gamit ang AI summaries at chatbot-style na AI Mode. Kaya mas kakaunti na lang ang kumiklik sa mga search result.
“Google is crawling us as hard as ever”
Ito mismo ang sinabi ng Reddit CEO na si Steve Huffman noong October 29. Nababawasan ng higit 1 million na visits kada linggo ang nakukuha ng Reddit galing sa Google search noong October.
“The reality is the AI Mode does not drive traffic,” dagdag pa ni Huffman dito.
Nag-warning ang Reddit na maaring bumagsak ng double-digit percentage ang daily users nila ngayong quarter — parang 13 million na tao bawat araw ang nababawas. Pero kahit ganun, tumaas pa rin ng 53% ang sales nila at naging $895 million.
Nalugi rin ng nasa $500 billion ang Alphabet (ang may-ari ng Google) noong Thursday matapos ang matinding selloff ng stock dahil bumagal sa 12% ang pagtaas ng search traffic nito.
Sino Pa ang Umaasa sa Clicks ng Google?
Nakaranas ng 40% na pagbaba sa traffic mula Google search ang People Inc. (PPLI), publisher ng People magazine, ayon sa Digiday.
Sinabi ng CEO ng Tripadvisor (TRIP) na si Matt Goldberg na ang AI Overviews ang dahilan kung bakit kumonte ang mga dumadaan lang na bisita nila, ayon sa Skift.
Pinapaalala ng Pinterest (PINS) na wala silang kontrol kung gaano karami ang nakukuhang search traffic nila, ayon sa Barron’s. Halos 8% din ang binaba ng presyo ng stocks nila noong Friday dahil sumablay sila sa earnings forecast.
Nag-demanda ang homework-help company na Chegg laban sa Google tungkol sa AI summaries. Galing $113, halos $1 na lang ang presyo ng stocks nila mula 2021, ayon sa kwento.
Susunod na Ba ang Reddit sa Yapak ng Chegg?
Ang laban ng Reddit para hindi ma-sunog katulad ng Chegg ay dahil sa super loyal nilang users. Sabi ng Chief Operating Officer nila na si Jen Wong, higit 80% ng kinikita nila ay galing mismo sa mga naka-login at gumamit ng Reddit app.
Tumatakbo din bilang source ng AI ang mga post sa Reddit. Ayon sa market account na Bull Theory, pumupulot ng halos 40% ng sagot ang AI mula sa Reddit threads. Balita din na binabayaran ni Google at OpenAI ng $60 million at $70 million kada taon ang Reddit para ma-license ang mga post nila, at malapit na mag-expire ang Google licensing deal na ito.
Kahit bumagsak na, nagte-trade pa rin ang Reddit ng 19 times expected earnings, kumpara sa 7.5 ng Snap, ayon sa Reuters data.
Makikita sa user count ng Reddit ngayong quarter kung kakayanin ba ng loyal users na punan ang nawalang clicks mula Google.
