Ini-refer ng mga pulis sa South Korea sa mga prosecutor ang 18 users ng Polymarket dahil umano sa illegal na sugal. Mas lalong umiinit ang months-long na imbestigasyon tungkol sa mga tayang ginawa ng mga user sa election markets ng platform.
Nag-release ang opisina ni mambabatas Yoon Kun-young ng bilang ng users matapos matanggap ang info mula sa National Police Agency. Dagdag itong kaso sa malawakang crackdown na ginagawa laban sa prediction market platform.
Ano ang Lumabas sa Imbestigasyon
Inimbestigahan ng Cyber Investigation Unit ng Gangwon Provincial Police Agency ang 26 user nito simula pa noong September 15. Pinagsama-samang 17.6 billion won, o nasa $12.7 milyon, ang itinaya ng 26 user na ito sa mga political, economic, at social market ng Polymarket.
Isang user lang naglagay ng mga taya na umabot sa 5.7 billion won, halos $3.8 milyon na agad.
Ginamit ng mga imbestigador ang open-source intelligence (OSINT) technique at hinalungkat ang mga public na blockchain transaction record. Dahil dito, nahanap pa rin nila ang identity ng mga wallet holder kahit anonymous ang design ng mismong platform.
Para sa mga pulis, pasok daw ang trading na ginawa dito bilang sugal ayon sa Article 246 ng Criminal Act ng South Korea. Ginamit nilang basehan ang Supreme Court decision na nagsasabi na ang pagtaya ng property sa mga bagay o resulta na hindi sigurado ay pasok na agad bilang gambling—skill man o horoscope lang.
Pero baliktad naman ang argumento ng mga user na iniimbestigahan. Sabi nila, mas parang derivatives trading daw ang ginagawa nila, hindi sugal. Malaki raw ang magiging impact ng classification na ‘yan sa magiging desisyon ng korte.
Bahagi ng Mas Malawak na Crackdown sa South Korea
Kasunod ito ng ginawa ng broadcasting at communications regulator ng South Korea, kung saan noong August pinatigil nila ang mga internet provider at pinablock ang access ng mga taga-South Korea sa Polymarket dahil winner-take-all raw ang payout structure ng website.
Depensa naman ng Polymarket, wala raw silang Korean language service at hindi rin pwede magbayad gamit ang won—kaya hindi raw dapat saklaw ng local law. Pero hindi ito tinanggap ng regulator.
Ibinahagi rin ni Atty. Kim Tae-rim ng AXIS Law ang isang importanteng pagkakaiba: Ang contracts sa Polymarket ay tinitrade via order book at puwedeng isara bago mag-expire, hindi kagaya ng tipikal na sugal na fixed bet.
Sabi ni Kim, posible raw maging sentro ng debate ang issue na ‘to kapag umabot sa korte.
Sinusundan na rin ng regulators sa iba’t ibang bansa ang Polymarket dahil sa kung paano nito nabe-verify at namo-monitor ang mga trader sa platform. Kung paano ide-define ng korte ng South Korea ang contracts nito, baka mag-set ng precedent para sa ibang bansa na may kahalintulad na kaso.
