Nagpakita ng pinakamalaking single-day gain sa loob ng mahigit isang taon ang Tesla (TSLA) nitong June 29, sumipa ng higit 8% pagkatapos mag-rollout ng major software update ang company para sa milyon-milyong luma nilang sasakyan.
Ang dahilan dito ay yung Full Self-Driving (FSD) v14 Lite, bagong version ng self-driving software ng Tesla na ginawa talaga para sa mas naunang batches ng sasakyan nila na halos 14 na buwan nang hindi nabibigyan ng matinong update.
Bakit Biglang Tumaas ang Stock ng Tesla?
Ibinenta ng Tesla ang milyon-milyong kotse nila na may pangakong magiging self-driving din ‘yan sa future. Ngayon, yung pagbigay ng major upgrade sa mga kotseng meron na, pero hindi na kailangan pagbilhin ng bago, nagpapakita lang na kaya ni Tesla gawing loyal yung mga old customers nila.
Nagbibigay din ito ng rason sa mga may-ari kumbakit sila mag-subscribe sa $99 per month FSD service ng Tesla, na lumalaking source ng kita ng kompanya. Ang rally noong June 29 ay sabay din sa tumataas na expectations para sa second-quarter delivery report ng Tesla.
Tinaasan din ng Morgan Stanley ang estimate nila ng Q2 delivery sa 413,000 vehicles, mas mataas kaysa sa expected ng Wall Street, dahil gumaganda na uli ang sales sa Europe at China.
Yung mga investors na tumututok sa buong investment situation ni Elon Musk ay tinitignan din kung paano nagbabago ang mood sa pagitan ng Tesla at SpaceX mula nung nag-IPO ito nitong June.
Ano ang FSD v14 Lite?
Ang FSD ay driver-assistance system ng Tesla. Pinapadali nito ang pagmamaneho—kaya nito mag-change ng lane, magbasa ng traffic lights, at mag-park ng automatic—pero kailangan pa rin ang driver na magbantay at ready magkontrol anytime.
Itong v14 Lite na update, para sa mga kotse na may lumang Hardware 3 (HW3) chip ng Tesla, usually yung mga 2019 pataas. Nasa FSD version 12.6 lang kasi yung mga models na ‘to mula pa early 2025. Samantalang yung mga mas bagong Tesla ay naka-move na sa version 14, at may mga dagdag na features gaya ng auto-parking at gear-shifting.
In-announce ni Tesla VP of AI Ashok Elluswamy ang rollout sa X noong June 29. Sabi niya, yung bagong build ay “pinagsama yung driving behavior mula sa AI4 v14 series” papunta sa luma nilang hardware, at mas matindi na ang safety—yun ang main upgrade dito.
Kung mananatili sa taas ang stock ng Tesla, nakadepende pa rin ito kung ano ang magiging delivery numbers nila na ilalabas ngayong linggo, at kung okay ba ang una nilang performance data para sa FSD v14 Lite rollout.
