Ngayon, palaki na nang palaki ang presensya ng tokenized stocks, ETFs, Treasuries, at corporate bonds sa mga regulated market at consumer products. Ayon sa RWA.xyz data, nasa $26.71 billion na ang value ng real-world assets sa tokenization gamit ang blockchain, habang umaabot naman sa $345.07 billion ang market value ng mga tokenized na asset sa buong tokenization market.
Mas lumalawak na rin ang paggamit ng mga ordinaryong user dito dahil ang Robinhood EU nag-aalok na ng higit 2,000 stock tokens na parang derivative contracts na konektado sa stocks at ETPs. Sabi ng Kraken sa kanilang blog, umabot na sa 100 yung mga fully backed na tokenized US stocks at ETFs nila sa xStocks at lagpas $25 billion na ang transaction volume simula nang mag-launch sila nung June 2025.
Pati yung mga malalaking institusyon sa traditional market, sumasabay na rin. Halimbawa, nagkaroon ng SEC staff relief ang DTCC noong December 2025 para sa three-year na tokenization service na sumasaklaw sa mga highly liquid asset na hawak ng DTC, kasama ang mga kumpanya sa Russell 1000, mga malaking ETF, at US Treasury bills, bonds, at notes. Ang Nasdaq din may proposal na gawing regulated ang tokenized securities, kung saan ang galawan ng tokenized shares ay parang ordinaryong stocks pa rin – retain yung CUSIP, order book priority, at investor rights gaya ng dati.
Nakapanayam ng BeInCrypto ang mga eksperto mula sa 8Blocks, BloFin Research, Phemex, at Zoomex para pag-usapan ang mga paraan ng pag-adopt ng mga user at investor, pati ang mga limitasyon sa tiwala ng mga investor.
Global Liquidity, Programmability, at Settlement
Noong umpisa, ang pitch para sa tokenized stocks ay tungkol sa mas pinahabang trading hours, pero para sa mga eksperto, mas malakas na use case nito ay yung sa liquidity, distribution, collateral, at settlement.
Si Anton Efimenko, Co-Founder at Lead Expert ng 8Blocks, kino-connect ang tokenized securities sa mas malalalim na global order books.
“Hindi lang bilis at mas madaming trading, pwede ring i-trade ang tokenized securities sa buong mundo. Mas malaki ang chance na makapasok ang mas maraming investor sa parehong stocks, ETFs, Treasuries, o corporate bonds,” sabi ni Efimenko.
Para sa kanya, ang global access nagdadala ng mas maraming potential buyers sa isang stock, ETF, Treasury, o bond. Halimbawa, kung magkaroon ng stress sa isang region at magbenta ang mga tao doon, pwedeng agapan ng mga buyer mula sa ibang markets, kaya natutulungan i-absorb ang pressure bago pa lumala ang panic. Bukod pa rito, dahil mas marami ang pwedeng pumasok, mas malalaking trades ang posible nang hindi agad-apektado ang presyo.
Ayon kay Edward Wu, Head ng BloFin Research, ang pinaka-value ay nasa distribution, programmability, at settlement efficiency.
“Ang tunay na value ay yung distribution, programmability, at mas mabilis na settlement, lampas pa sa 24/7 na trading,” sabi ni Wu.
Yung distribution, pwedeng mailipat-lipat ang securities sa crypto wallets, fintech apps, crypto exchanges, o wealth platforms. Sa programmability naman, yung mga tokenized Treasury fund pwede nang gamitin bilang collateral sa lending vaults, margin accounts, structured products, o sa iba’t ibang collateral systems. At pagdating sa settlement, mas nagiging mabilis at madali ang proseso kapag pareho nang digital ang galaw ng securities at cash, kaya nababawasan ang antala sa execution, transfer, payment, at custody.
Para naman kay Federico Variola, CEO ng Phemex, kasama sa DeFi trend ng composability ang tokenized stocks.
“Bukod sa 24/7 na trading, pwede ding gamitin ang mga tokenized na ito bilang collateral sa ibang positions, like leveraged or derivatives positions, borrowing at lending, o pati na rin sa centralized systems,” sabi ni Variola.
Sabi niya, karamihan sa mga use case na ganito medyo mahirap gawin ng ordinaryong user sa tradisyonal na bank o trading app, pero sa DeFi, halos naka-set up na halos lahat ng technical base para dito.
Apps at Exchanges Pwedeng Maunang Mag-move, Pero Brokerages pa Rin ang May Hawak ng Pinakamaraming Investor
Ang unang wave ng tokenized securities, malamang manggagaling mula sa crypto exchanges, fintech apps, at permissioned DeFi venues dahil kaya nilang mag-launch ng products nang mas mabilis, abutin ang global users, at gamitin ang mga stablecoin para sa funding at settlement.
Ayon sa 8Blocks, pero yung pinakamalaking growth makikita pa rin sa mga traditional brokerages at mga bangko kasi sila yung mayroon nang malalaki at matitibay na pool ng investor capital at tiwala.
“Pinakamabilis lalaki ang tokenized securities kung saan maraming investor at capital: sa traditional brokerages at mga bangko,” sabi ni Efimenko.
Inaasahan ni Efimenko na ang mga existing brokerage users, mas pipiliing mag-adopt ng tokenized securities kapag pwede nilang gabitin ito sa mga accounts na gamit na nila ngayon. Mas madaling ma-accept ng mga tao yung tokenized products pag integrated na siya sa paborito nilang brokerage.
Ayon kay Wu, two-stage yung adoption path: unang gagalaw yung crypto exchanges, fintech apps, at permissioned DeFi platforms para sa short term, tapos yung mga established brokerages naman magseset kung gaano kalaki ang market sa long term. Halimbawa, ang Interactive Brokers, may 4.646 million na client accounts at $789.4 billion na client equity nitong Q1 2026, kaya grabe yung capital na pwede nilang dalhin pag naging regular na brokerage product na ang tokenized securities.
Yung permissioned DeFi, pwede ring gamitin ng mga institutional na user na kailangan ng compliant access sa on-chain settlement, collateral movement, at automated portfolio management. Pero, depende pa rin ang growth nito sa regulation, kung anong assets ang pwedeng i-tokenize, at willingness ng malalaking institution na gamitin talaga ang blockchain-based venues.
Investor Rights: Magkaiba ang Pagmamay-ari at Price Exposure
Sa tokenized securities, importante na klaro yung investor rights kasi dapat alam ng bibili ano talaga ang claim nila sa mismong token. Minsan, nagbibigay ng parang pagmamay-ari bilang shareholder, minsan entitlement sa securities, options sa redemption, dividends, coupons, voting o proxy rights, corporate actions, or price exposure lang talaga gamit ang isang derivative contract.
Ayon sa 8Blocks, maraming mga international user mas gusto yung outcome o result ng investment sa halip na maibigay talaga yung nakatagong asset. Halimbawa, yung isang token buyer sa ibang bansa, baka di niya rin mashado magamit ang tradisyonal na share na listed at settled sa ibang bansa, lalo na kung mahirap mag-open ng account, mataaas ang buwis, o hassle ang custody options.
Naniniwala si Efimenko na mas pipiliin ng investor yung mga product na “may guarantee sa financial result nito,” kasama yung dividends, kita mula sa paglaki ng presyo, o coupon payments.
Sabi naman ni Wu, dapat match lagi ang product rights sa marketing ng product. Kung tokenized stock talaga, dapat pareho ang holder sa economic at legal position ng traditional shareholder o may malinaw na securities entitlement – may dividends, corporate action, voting rights, pwedeng i-transfer, at may paraan para i-redeem o iconvert kung posible.
Yung proposal ng Nasdaq ay halos pareho ng standard, kasi para makonsidera na parang tunay na security ang isang tokenized equity security, kailangan nito magbigay ng equity interest, dividend rights, voting rights, at karapatan sa matitirang asset kapag nagli-liquidate. Kapag ang produkto ay para lang sa price exposure, mapupunta ito sa ibang kategorya.
Makikita mo ang pagkakaiba sa Robinhood EU model kasi ang stock tokens nila ay derivative contracts na naka-link sa mga actual stocks at ETPs. Ibig sabihin, binibigyan ka lang nito ng price exposure at wala kang shareholder rights. Pwede pa rin ito maging useful para sa investors basta malinaw sa market description kung ano talaga ang claim mo.
Mas Dadami ang Gagamit Kapag Pamilyar Ang Experience
Mas makakapasok ang tokenized securities sa mainstream investors kapag halos hindi mo na napapansin yung crypto side — parang normal lang na brokerage o fintech account ang dating. Dapat yung user experience, umiikot sa kung anong assets at resulta ang pamilyar sa users — tulad ng Treasury yield, Apple exposure, S&P 500 ETF, corporate bond, o coupon income.
Nakikita ni Fernando Lillo Aranda, CMO ng Zoomex, na ito ang pinaka-realistic na paraan para mas marami ang gumamit, kasi kadalasan mas concern ang mga investor kung ano makukuha nila sa isang produkto, hindi sa kung anong tech system ang nasa likod nito.
“Hindi talaga nag-aadopt ng infrastructure ang mainstream investors dati; ang ina-adopt nila, yung resulta. Halos walang nag-alala kung paano gumagana ang SWIFT o card networks — ang mahalaga, gumagalaw ang pera.”
Sabi pa ni Aranda, pwede sundan ng tokenized securities ang pattern na ito. Kapag puwedeng ma-access ng users ang stocks, bonds, funds, private credit, o structured products na mas mabilis ang settlement, mas mababa ang minimum, programmable ang ownership at distribution, at global ang access—parang automatic na lang na parte ng background yung blockchain side.
“Yung wallets, chains, at DeFi — parang backend plumbing na lang ‘yan, hindi na ‘yun ang mismong product,” dagdag ni Aranda.
Sinabi rin ni Wu na ganito rin ang tingin niya — kailangan gawing pamilyar sa users na sanay na sa brokerage at fintech accounts yung tokenized securities kung gusto talaga ng mass adoption.
“Dapat parang normal brokerage o fintech account ang dating ng tokenized securities. Hindi naman iniintindi ng users kung paano gumagana ang DTCC, transfer agents, clearing brokers, o payment rails.”
Para kay Wu, mas ok na una makita ng users yung mga kilalang finance products gaya ng Treasury yield, Apple, S&P 500 ETF, o corporate bond. Yung chain, wallet, custodian, compliance, at settlement — lahat yan, pwedeng iwan na lang sa likod ng user interface.
“Ang user, ang nakikita lang ay ‘Treasury yield,’ ‘Apple,’ ‘S&P 500 ETF,’ o ‘corporate bond’ — habang lahat ng chain, wallet, custodian, compliance, at settlement details, parang background process lang.”
Yung 8Blocks naman, mas maingat kung tokenization lang mismo ang magdadala ng adoption. Ayon kay Efimenko, tingin niya mga investors, sa stocks pa rin papatok ng tingin — ‘di dahil tokenized sila, kundi dahil stocks pa rin, parang “wrapper” lang talaga ang tokens.
“Alam ng mga investors kung paano tignan ang risk. Para sa kanila, stocks pa rin ang tokenized stocks — hindi lang basta tokens. Parang bali wrapper lang ang tokenization.”
Para sa 8Blocks, ibig sabihin nito pwede sumulit sa accessibility, liquidity, at execution ang tokenized securities — pero yung aktwal na asset pa rin ang basehan ng risk at returns mo.
Tiwala ng Investors, Nakadepende sa Regulation, Custody, at Liquidity
Bago maniwala ang mga investors na ang tokenized public markets ay parang regular na brokerage, kailangan muna mas matibay ang trust conditions dito. Malaking bagay pa rin ang regulation, rights, kalidad ng issuer, custody, liquidity, at price consistency.
Tingin ng 8Blocks, regulation ang pinakamalaking hadlang ngayon kasi dahil hindi pa klaro ang mga rules, napipilitan ang mga issuer gumawa ng mas komplikadong product design.
“Regulation talaga yung biggest barrier,” ayon kay Efimenko. “Kasi hindi pa klaro ang regulation, napipilitan ang mga RWA issuer na mag-eksperimento sa product structure.”
Binanggit ni Efimenko ang isang possible na example kung saan nagbebenta ang issuer ng tokenized shares ng sariling company nila at ginagamit ang balance sheet para bumili ng Apple stock. Baka magbigay ito ng economic exposure sa investors, pero ilalagay lang nito yung issuer sa gitna ng investor at actual na asset.
Tingin ng BloFin Research, yung mga hindi klaro na rights ay isa pang malaking butas sa stock-token market ngayon.
“Madaming stock tokens ang sumasabay lang sa price pero walang ownership, voting, dividends, o direct claim sa company mismo,” sabi ni Wu.
Para kay Wu, ito yung nagdudulot ng trust issue, kasi minsan bibili ka ng produktong nag-aalok ng exposure sa isang kilalang public company, pero nakakabit ka sa hindi kilalang issuer, custodian, o trading venue.
“Yung counterparty at custody risk, kailangan din pagtuunan ng pansin. Hindi sanay ang investors na nakikipagtransact sa issuer na madalas mga startup pa lang.”
Ang liquidity, isa ring concern. Sabi ni Wu, pwede mag-iba ang presyo ng tokenized stocks kaysa sa tunay na market price kapag sarado ang main exchange o kapag manipis ang market-maker support.
“Pwedeng lumayo ang presyo ng isang tokenized stock sa actual na stock price kapag sarado ang underlying market. Kapag manipis ang order books, hiwa-hiwalay ang venues, at mahina ang market-maker support, parang hindi kasing-reliable ang tokenized market.”
Pinansin din ng regulators ang mga issue na ito. Noong 2025, nagbabala ang ESMA na mataas ang risk na di maintindihan ng investors ang tokenized stocks, lalo na kung price exposure lang at hindi ka tunay na shareholder. Sinabi rin ng regulator na karamihan sa mga tokenization projects, maliit pa rin at malabnaw ang liquidity.
Final Thoughts
Isa sa pinakamalakas na institutional na kwento ng crypto ngayon ang tokenized securities kasi directly nilang kinokonekta ang blockchain-based systems sa assets na kabisado na ng investors. Pinakamalakas ang use case dahil sa global distribution, programmable ownership, pwedeng gawing collateral, mas mabilis na settlement, at enforceable claims ng investors.
Baka mag-umpisa ang paglago nito mula sa mga crypto exchanges, fintech apps, at permissioned DeFi venues, pero sa long term, major banks, brokers, custodians, at regulated market institutions ang magdadala ng adoption. Yung mga pinaka-solid na produkto, gagawing background process na lang lahat ng chains, wallets, at settlement mechanics at ilalagay sa sentro yung investor rights.
May potential na maging bigatin sa institutions ang tokenized stocks at bonds kapag madaling makita ng buyers kung ano talaga yung pagmamay-ari nila, sino ang nagbabantay ng assets sa likod nito, ano ang rules sa income o kita, paano ang redemption o pag-convert pabalik sa cash, at paano sila protektado kung may mangyaring matinding bagyo sa market. Malamang manalo dito yung mga platform na nag-o-offer ng assets na kilala na ng investors, malinaw ang rights, maaasahan ang custody, at mataas ang liquidity na sapat para sa totoong demand ng mga investor.
