Sinanction ng US Treasury ang mahigit 50 na kumpanya, barko, at tao na konektado sa shadow banking at oil networks ng Iran ngayong linggo, na mas lalo pang pinaigting ang kampanya ng Trump administration laban sa mga paika-ikang galaw ng Tehran para makalampas sa mga limitasyon sa kanilang finance.
Pinatawan ng Office of Foreign Assets Control ng parusa ang Iranian exchange house na Amin Exchange at binlock ang 19 oil at petrochemical tankers. Sinabihan rin ni Secretary Scott Bessent ang mga global bank na bantayan ang ginagawang paggalaw ng Tehran ng mga pondo nila sa international financial system.
Amin Exchange: Sentro ng Parusa ng US
Itinuro ng OFAC ang Iran-based na Ebrahimi and Associates Partnership Company – mas kilala bilang Amin Exchange – dahil sa paggalaw ng daan-daang milyong dolyar para sa mga Iranian bank na may sanction.
Kabilang din sa mga naparusahan ang CEO na si Samad Nemati, isang dating IRGC officer, at may-ari na si Yousef Ebrahimi.
Nagpapatakbo ang kompanya ng mga front company sa UAE, Türkiye, Hong Kong, at China, kung saan idinagdag sa Specially Designated Nationals list ang walong entity.
Kasama sa mga tinukoy sa hakbang na ito ang National Iranian Oil Company at Triliance Petrochemical, na pareho nang may sanction mula US.
I-follow kami sa X para lagi kang updated sa mga bagong balita
Crypto at Shadow Fleet, Pinaigting ang Pressure
Ang 19 tankers na na-block ng OFAC ay naglipat ng milyon-milyong barrels ng Iranian oil, naphtha, methanol, at liquefied petroleum gas mula pa noong 2023.
Pati yung mga owner na naka-base sa Hong Kong, Marshall Islands, at Liberia ay isinama din sa sanctioned list.
Sinabi ni Bessent na dahil sa Economic Fury campaign, halos $500 milyon na ang na-freeze na crypto na konektado sa rehimeng Iranian, kasama na dito ang mas lumang hakbang gaya ng $344 milyon na Tether (USDT) freeze sa Tron blockchain.
Pinilit din ng Treasury na magbantay ang Binance laban sa mga crypto flow na konektado sa Iran, ayon sa mga ulat.
“Ang shadow banking system ng Iran ang nagfa-facilitate ng iligal na galaw ng pondo para sa terrorism,” sabi ni Bessent.
Ayon sa OFAC, ang mga Iran-based exchange house ay nakakagalaw ng bilyong dolyar na foreign currency taon-taon, na nagpapadali sa Tehran para gawing cash ang oil revenue nila at itulak ang pondo para sa armed forces.
Ginawang lifeline ng Iran ang crypto ngayong bagsak ang kikitain sa oil. Nilinaw din ng Treasury na malapit na ring magkaroon ng panibagong secondary sanctions — at target pwede ang foreign bank, refinery, at airline — kapag may tumulong sa pag-proseso ng pera o langis ng Iran.
