Lalo pang nadagdagan ang mga kaso ng decentralized finance (DeFi) exploits ngayong May. Ayon sa ulat, na-hack ang Verus-Ethereum Bridge at tinangay ng attacker ang nasa $11.58 milyon na digital assets.
Maraming blockchain security firms ang nag-flag sa exploit nitong Lunes at nag-warning sa mga user tungkol sa kahina-hinalang activity na konektado sa bridge na ito.
Umatake ang Hacker sa Verus-Ethereum Bridge; $11.58 Milyon Tinangay
In-announce ng blockchain security company na Blockaid ang exploit na ito sa isang post sa X. Napag-alaman ng mga security researchers na ang externally owned account (EOA) ng attacker ay 0x5aBb91B9c01A5Ed3aE762d32B236595B459D5777.
I-follow kami sa X para sa pinaka-latest na crypto news, real time!
Ayon sa blockchain security platform na PeckShield, nagawa ng attacker na ma-drain sa bridge ang nasa 103.6 tBTC, 1,625 ETH, at 147,000 USDC. Sinwap pa ng hacker ang mga ninakaw na assets papunta sa 5,402.4 ETH na kasalukuyang nasa $11.4 milyon ang value. Sa ngayon, nasa wallet pa rin ang pondo: 0x65Cb8b128Bf6e690761044CCECA422bb239C25F9.
“Unang na-fund ang address ng attacker ng 1 ETH gamit ang Tornado Cash mga 14 na oras na ang nakakaraan,” sabi sa post.
Samantala, nangyari ang pagkawala ng pondo sa Verus tatlong araw matapos itigil ng THORChain ang trading nila. Na-hack din ang isa nilang vault at higit $10 milyon ang natangay na pondo ng protocol. Sinabi ng THORChain na hindi naapektuhan ang user balances.
“Patuloy pa ring iniimbestigahan ng THORChain contributors, kasama ang THORSec at ibang security partners, ang nangyaring insidente. Magbibigay pa kami ng updates habang umuusad ang imbestigasyon,” sabi ng team sa kanilang post.
Ayon sa data ng DeFiLlama labindalawang DeFi protocols na ang na-hack ngayong May 2026 bago pa ang Verus incident. Umabot na sa mahigit $20 milyon ang collective losses ngayong buwan.
Noong April 2026, tinamaan ng matinding losses ang DeFi, mahigit $606 milyon ang nalugi sa 12 insidente. Sa KelpDAO bridge hack lang umabot ng $292 milyon ang ninakaw, kaya ito ang pinakamalaking hack ngayong 2026.
Mag-subscribe na sa YouTube channel namin para mapanood ang expert insights mula sa mga industry leader at journalists
