Nabiktima ng hack ang D’CENT App Wallet kung saan nasa 11.7 million XRP ang nakuha ng mga attacker mula sa libu-libong users. Halos umabot sa $20 million ang halaga ng nakaw na assets mula September 15 hanggang 20. Inilabas ng XRPL.to ang detalyadong on-chain forensic timeline ng panloloob na ito.
Nangyari ang attack sa anim na magkahihiwalay na wave. Tinamaan nito ang total na 6,678 wallets gamit ang mga keys na hawak na pala ng hacker noon pa man.
Paano Nangyari ang D’CENT Hack?
Mano-manong dinelete ng attacker ang laman ng walong wallets na bawat isa ay may higit 99,999 XRP noong September 15, matapos lang nang isang oras. Tsaka nagpatakbo ang hacker ng automatic script na nag-sweep ng 1,682 wallets sa parehong araw.
May sumunod pang limang wave mula noon hanggang September 20. Pareho pa rin ang ginamit nilang script, manual tool, at mga nakaw na keys sa bawat wave.
Hindi lang simpleng transfer ang ginawa ng attackers. Binura nila ang 5,001 accounts para makuha ang natitirang reserve balance nito, ayon sa ulatin ng XRPL.to.
Kabilang dito, 2,470 na wallets ang hindi naman na-drain dati. Ibig sabihin, mas marami pang compromised na keys ang na-expose ng hacker kumpara sa unang inakala.
I-follow kami sa X para sa latest crypto news updates.
Mabilis na nailipat ng hacker ang mga ninakaw na pondo. Nasa 5.6 million XRP ang agad na naipadala papuntang Ethereum gamit ang THORChain. May ibang pondo rin na dumaan sa iba’t ibang exchanges tulad ng Binance, pati na sa mga serbisyo tulad ng unionchain.ai at NEAR Intents.
Sa bawat sweep, halos ilang oras lang bago maabot ng funds ang mga off-ramp, kaya maliit ang tiyansa na ma-freeze agad ang mga nakaw na asset. Sa ngayon, nasa 1.3 million XRP pa rin ang natitira sa mga wallet ng hacker nuong September 21.
Bakit Delikado Lalo ang D’CENT App Wallet Users?
Kinumpirma ng D’CENT na may kakaibang transfers na nangyari sa kanilang App Wallet noong September 16. Nilinaw ng kompanya na hindi kasama sa naapektuhan ang kanilang hardware wallets. Pinayuhan din nila ang users na ilipat agad ang funds, pero wala pang kasiguraduhan kung may reimbursement na mangyayari.
Walang XRP Ledger exploit na naging sanhi ng insidenteng ito. Lahat ng sweep ay ginamitan ng tamang signatures mula sa private keys ng mismong wallets, kaya malinaw na ang problema ay nagmula sa paraan ng pagka-leak ng mga keys at hindi dahil may butas sa mismong network.
Sa analysis ng XRPL.to, lumabas na parehong script at transaction fee pattern ang ginamit ng hacker sa bawat wave—posibleng iisang grupo lang ang gumawa ng lahat ng ito. May rekomendasyon na ngayon ang mga security researchers.
Sinasabi nilang lahat ng gumamit ng D’CENT App Wallet, kahit minsan lang, ay dapat ilipat agad ang funds papunta sa bago nilang wallet. Hanggang ngayon, hindi pa rin natutukoy paano eksaktong na-compromise ang mga keys sa una.
Naglalaro sa $1.49 ang presyo ng XRP sa ngayon, at bumaba ito ng nasa 6% sa loob ng nakaraang 24 oras, base sa data ng BeInCrypto. Nasa $93.82 billion ang market cap nito, at pang-lima ang XRP sa lahat ng cryptocurrencies sa ngayon.
Subscribe sa aming YouTube channel para mapanood ang expert insights mula sa mga crypto leaders at journalists.
