Bumagsak ng nasa 7% ang shares ng sikat na fashion giant na Zalando noong June 26 matapos buksan ng financial regulator ng Germany, ang BaFin, ang isang formal na review sa financial statements nila para sa 2025.
Konektado ang imbestigasyon na ito sa pag-acquire ni Zalando sa ABOUT YOU, isang German online fashion retailer na binili nila noong 2025 sa halagang nasa €1.2 billion. Sabi ng BaFin, may mga palatandaan na baka hindi nailagay ni Zalando ang mga kinakailangang detalye tungkol sa isang related-party transaction sa notes ng kanilang financial statements.
Konting Disclosure Issue, Nagdulot ng Panic sa Investors
Ang related-party transaction, usually nangangahulugan ng isang deal na kasama ang mga tao o kumpanya na konektado sa negosyo. Importante ang pag-disclose ng ganito kasi dito malalaman ng investors kung transparent ba ang isang kumpanya tungkol sa mga mahalagang relasyon nila sa pera.
Nilinaw ng BaFin na hindi ibig sabihin ng imbestigasyon na may ginawang mali si Zalando. Iche-check muna ng auditors ang accounts nila, at ilalabas ang resulta kapag tapos na ang proseso.
Pero kahit ganun, naapektuhan pa rin ang tiwala ng investors. Umabot sa 8% ang ibinagsak ng shares ng Zalando sa early trading bago bahagyang tumaas ulit. Sa closing, mga 7% pa rin ang kabuuang pagbaba ng stock, at nasa €24.72 ang presyo nito.
Hindi naman agad nagpadaig si Zalando sa issue. Tinawag ng kumpanya ang isyu na “purely formal at hindi naman malaki ang epekto” at sinabi nilang tuloy-tuloy at maganda naman ang pag-uusap nila ngayon ng BaFin.
Dagdag pa nila, makikita na publicly ang mga detalye ng acquisition sa official takeover process na tapos na noong July 2025.
Medyo awkward para kay Zalando ang tiyempo ng issue na ‘to. Kakatapos lang kasi magpost ng net loss na €87.6 million ang kumpanya nitong first quarter ng 2026— samantalang kumita sila noong nakaraang taon. Ang gastos mula sa pagkabili ng ABOUT YOU at restructuring ang sumobra sa kita ng kumpanya.
Kahit malaki ang lugi, tumaas pa rin ng 23.8% year-on-year ang revenue sa €2.99 billion, at hindi binago ng Zalando ang target nila para sa buong taon.
Sa ngayon, ang pinaka-issue ay ang uncertainty. Bantay-sarado ng investors ang review ng BaFin, kahit sabihin pa ni Zalando na maliit lang ang issue.
