Binasag ni Adam Back, CEO ng Blockstream, ang mga sabi-sabing sinuportahan ni Satoshi Nakamoto ang BIP-110, isang kontrobersyal na Bitcoin (BTC) soft fork proposal. Dinaan pa niya sa pang-aasar sa X ang mga supporters nito dahil hindi nila napa-fund ang tinawag niyang “cypherpunk summer celebration.”
Nangyari ang sagutang ito noong July 18, 2026, habang paubos na ang oras para mapagdesisyunan ang BIP-110 proposal. Predict ni Back na gagalpak ang fork attempt ilang linggo pagkatapos ng deadline.
Pinagdudahan ni Adam Back ang Akala Tungkol kay Satoshi
May isang user sa X na nagsabi na kung buhay pa si Nakamoto ngayon, suportado pa rin niya ang BIP-110. Diretsong tinanggihan ni Back ang paniniwalang ito. Tinanong pa niya kung patay na nga ba talaga si Nakamoto, at sinabing puro haka-haka lang kung buhay pa o hindi.
Diniretso rin ni Back na hindi siya si Nakamoto mismo. Napabalik tuloy ang matagal nang usapang sino talaga ang tunay na boses ng Bitcoin at kung sino ang may karapatang magsabi kung ano dapat ang direksyon nito. Dati na rin siyang nag-comment tungkol sa issue na ’to sa kanyang fork risk warning.
Samantala, nasa $63,944 ang galaw ng Bitcoin sa price chart, up 1.43% sa loob ng 24 oras.
Nahihirapan Kumuhang ng Suporta ng Miners ang BIP-110
Layunin ng BIP-110 na limitahan muna ang dami ng arbitrary data na puwedeng i-embed ng mga miners sa Bitcoin transactions, lalo na yung mga Ordinals-style inscriptions. Pero, konti lang ang support mula sa mga miners hanggang ngayon. Batay sa signal data, nasa 0.86% lang ng blocks sa kasalukuyang difficulty period ang sumusuporta dito. Malayo ito sa kailangan na 55% para ma-lock in ang proposal.
Lalo pang inasar ni Back ang supporters ng proposal dahil hindi nila na-monetize o nagawang kumita mula sa campaign nila.
Ang malungkot dito, ni hindi natin napa-bayad yung 110 fork para sa cypherpunk summer afterparty. Walang airdrop, walang liquidity, waley din fork futures. Wala talagang money na nilagay nila dito. Alam din naman nila na talo na talaga ‘to.
Tila sumasalamin din ang komentong ito sa matagal nang hindi pagkakasundo tungkol sa BIP-110 na ilang buwan nang pinag-aawayan ng mga developer.
Ano Mangyayari Kapag Naging Mandatory ang Signaling?
Nagsisimula ang mandatory signaling sa around block 961,632, mga tatlong linggo mula sa Friday na nasa block 958,529 na. Sabi ni Back, halos agad na raw gagalpak ang fork pagkatapos nito.
Sabi pa niya, yung first mandatory signaling block daw eh magti-trigger ng automatic split. Laging sumusunod ang Bitcoin nodes sa chain na may pinakamaraming cumulative work.
Kaunti lang daw ang rason ng mga miners para magpatuloy sa pag-mine kung maiiwan na ang chain nila, ayon kay Back. Inihalintulad pa niya ang failed fork sa isang “Pompeii chain,” na parang naging monumento ng kapalpakan.
Ang prediction na ito ay kasunod ng nauna nang pagtutol ni Back sa ibang claims na parang pipilitin ng Bitcoin na alisin ang noncompliant miners ngayong August.
Kasabay din ito ng usap-usapang dormant coins ni Satoshi, na isa pang mainit na issue pagdating sa identity debate.
Kung mage-activate nga ba ang BIP-110 o tuluyang mamamatay, naka-depende pa rin ito kung ilang miners ang magde-decide na sumali kapag naging mandatory na ang signaling.
