Robot dogs na may mukha nina Elon Musk, Jeff Bezos, Mark Zuckerberg, at iba pang sikat na personalidad ang gumagala ngayon sa loob ng isang art gallery sa Berlin — nagmamasid sila sa mga bisita, gumagawa ng AI-generated images, at nililimbag ito literal mula sa kanilang “likod”.
Ang installation na ito na tinawag na “Regular Animals” ay latest na obra ni digital artist Beeple (Mike Winkelmann sa totoong buhay). Makikita ito ngayon sa Neue Nationalgalerie sa Berlin hanggang May 10, 2026.
Pinaghalo nila dito ang robotics, artificial intelligence, culture ng celebrities, at NFTs sa isang sobrang kakaibang art exhibit. Sa una parang nakakatawa lang, pero habang tumatagal, medyo nakakailang na siyang panoorin.
Robot Dogs na May Mukha ng Billionaires
May grupo ng autonomous robot dogs dito na may hyper-realistic silicone heads. Kabilang sa mga mukha ay sina Elon Musk, Jeff Bezos, Mark Zuckerberg, Andy Warhol, Pablo Picasso, at mismong si Beeple.
May reports din mula sa exhibit kung saan makikita ang isang robot dog na may mukha ni Kim Jong Un. Parang hybrid ito ng tech conference at museum na naging parang scene sa panaginip — medyo uncanny talaga siya kung titingnan mo.
Gumagala ang mga robot dog sa isang enclosed area sa gallery. Hindi lang sila basta nilagay bilang mga sculpture. Lakad sila nang lakad, nagiikot, inisc-scan ang paligid, at kumbaga, nakikisalamuha pa sa buong space.
Nagmamasid Sila sa Mga Tao, Tapos Gumagawa ng AI Art
May cameras ang bawat robot dog para kunan ng larawan ang mga tao at ang mismong gallery. Gamit ang AI, nire-reinterpret ng mga robot dog ‘yung nakikita nila base sa estilo o personality ng celebrity na tinutukoy ng mukha nila.
Halimbawa, kung si Picasso ang tema ng robot dog, magmu-mukhang Cubism ‘yung space. Kung Warhol naman, pop art ang labas ng artworks.
Pero ang parte na naging viral: ‘Yung AI art mismo, nililimbag mula sa likod ng robot dogs.
Maaari ring iuwi ng mga bisita ang printed artwork — libre lang, walang bayad. Sa madaling salita, gumagala mga robot dogs sa Berlin museum at parang “nagpo-poop” ng AI-generated na art.
Ginawang Katuwaan ni Beeple ang AI Culture
Kahit parang kwela at random ang art piece na ito, may punto si Beeple: ginagamit niya ang kabaliwan ng robot dogs na celebrity ang mukha para ipakita ang totoong nangyayari ngayon tungkol sa power ng mga tech giant sa digital age.
Halos simpleng tanong lang ang gustong iparating ng gawa: sino na ba talaga ang bumubuo sa culture sa panahon ngayon?
Noon, ang artists, dyaryo, museums, at mismong gobyerno ang gumaganap ng role. Pero ngayon, nagiging hands-on na rito ang algorithms, tech platforms, billionaires, AI systems, at ‘yung paulit-ulit na hype sa internet.
Nandiyan pa rin ang NFT Twist
May blockchain side din sa installation na ito. Pwedeng mag-claim ng free NFT na naka-link sa project gamit ang QR codes habang nandun sa gallery.
Swak na swak sa track record ni Beeple ito, dahil naging isa siya sa pinaka sikat sa digital art matapos mabenta ang NFT artwork niyang “Everydays: The First 5000 Days” ng mahigit $69 milyon noong 2021.
Simula noon, naging simbolo si Beeple ng NFT hype, digital art scene, at ‘yung awkward na haluan ng technology, perang malaki, at internet hype.
Ngayon, sa “Regular Animals,” parang ginawang punchline ni Beeple ang mismong crypto/NFT/AI world na ginagalawan niya.
Mula Miami, Dumayo sa Berlin
Unang pinalabas ang project sa Art Basel Miami Beach 2025 bago tumungo sa Berlin para sa Gallery Weekend Berlin 2026.
Kakaiba rin ang Berlin run dahil ito ang unang beses na nagkaruon ng official na exhibition si Beeple sa isang institusyon sa Germany, kaya mas “seryoso” ang dating kaysa sa mga viral na art stunts niya sa internet.
Kahit ganun, para talagang pang-viral pa rin ang installation: robot dogs na ulo’y billionaire, tapos literal na nagli-limbag ng AI art mula sa likod — siguradong pang-social media.
Bakit Nakakakilabot?
Hindi lang basta nakaka-weird ang mga mukha ng robot dogs. Ang mas nakakakilabot, ginagawang “raw material” ang mga tao – from visitors to AI-generated art.
Papasok ka sa gallery, itititig ka ng mga robot dog, ie-extract ka ng AI, tas “ilalabas” ng printer ang naging output. Para lang ‘yang kung paano talaga tayo ngayon sa digital world.
Klik tayo, post, scroll, nood, at engage kung saan-saan. ‘Yung platforms naman, nagsisave ng data, pinoproseso, tapos may ibinabalik uli sa atin.
Ginawa lang ni Beeple na literal ‘yung digital loop na ‘yan — at nilagyan pa ng mukha ng mga sikat na tao at influencer.
Pumatak ang “Regular Animals” sa panahon kung saan matindi ang usapan tungkol sa AI art — kung sino ang tunay na may-ari, consent ng subject, copyright, at originality.
Lalong hindi komportable ang tanong sa art installation na ito. Pinapakita ‘yung AI art as something na nakakatawa, medyo halata nang kakaiba, at sobrang automatic na lang gawin.
Dito rin lumalabas ang mismong power structure. Hindi na invisible o walng mukha ang mga makina. Naka-display na mismo mga mukha ng mga tao, cultural icons, at billionaire na may pondo at influence sa tech at art world.
Kaya oo, medyo nakakatakot at nakakakilabot na talaga ang AI art ngayon.
Sa Berlin, literal na may apat na paa, mukha ng billionaire, camera, at mini-printer na ang AI art.
