Isang peke na job interview ang ginamit ng mga hacker para manakaw ng $6.3 billion mula sa Binance. Matagal nilang pinaghandaan at pinasok ang exchange gamit ang mga strategy na matagal nang pinag-iingat ng ibang crypto companies bago pa maganap ang hacking incident na ‘to.
Noong November 3, in-announce ng Binance na ang attack noong October 29 ay nag-umpisa sa dalawang engineer na magka-hiwalay nahack ang computers nila.
Unang nangyari ito noong June, nung may engineer na nagdownload ng AI tool pero nadale ng malware dahil peke pala ang software package.
Na-detect agad ng Binance ang infection, pinalitan ang computer at nagpalit ng credentials. Pero nakuha na ng mga attacker ang info tungkol sa empleyado at wallet team.
Tapos, dito na pumasok ang mga pekeng interview.
Job Scam, $6 Billion ang Sunog sa Binance
Noong September, nilapitan ang isa pang engineer gamit ang legit na recruitment platform. Pinag-video interview pa siya ng “HR representative” at may nagkunwaring CEO din.
Pagkatapos, binigyan ng coding assignment yung engineer. Pero yung files na dinownload niya may kasama palang malware – pasado sa security software ng computer niya.
Pagsapit ng October 20, ginamit ng mga attacker ang nadale nilang computer at isang internal AI tool para kumonekta pa sa ibang Binance engineers.
Kinuha na rin nila ang mga deployment credentials at siningit ang malicious software sa mismong wallet infrastructure ng Binance.
Noong October 29, nagsimula na ang mga fake withdrawals. Sa loob lang ng ilang oras, halos $6.3 billion na ang nanakaw.
Sabi ng Binance, nasa $2.85 billion na ang nafreeze nila at 98% ng lahat ng affected na tokens naibalik na gamit ang sariling company funds.
Iba Pang Exchanges, Nagbabala Na Tungkol sa Attack na ‘To
Matagal nang alam ang recruitment scam na ganito ang style.
Noong May 2025, nilantad ng Kraken ang isang suspected North Korean na nagtangka maging engineer nila.
Nagkwento rin ang Coinbase ng own hacking attempt noong August 2026, kung saan napansin agad nila ang kakaibang galaw ng isang potentially compromised na contractor.
Diretso na rin sinabi ng Microsoft noong March na ginagamit ng mga North Korean hackers ang fake coding interviews para mahawaan ng malware ang computers ng developers.
Bakit Hindi Naagapan ng Binance ang Hack?
May tatlong malalaking security questions na kailangan sagutin ngayon.
Una, bakit nagawa ng empleyado na patakbuhin ang hindi trusted na coding assignment sa computer na nakakonekta sa Binance systems?
Pangalawa, bakit kahit na-detect at naayos na yung infection nung June, nagkaroon pa rin ito ng epekto?
Pangatlo, papaano yung mga nanakaw na deployment credentials ay nagbigay ng access sa attackers sa systems na pwedeng mag-approve ng billion-dollar na withdrawals?
Hindi pa ine-explain ng Binance kung anong security protections ang pumalpak o kung may naidagdag ba silang safety measures matapos ang mga warning mula sa industriya.
Ayon sa FBI, ang TraderTraitor group mula North Korea ang may gawa nitong pagnanakaw.
Pero para sa Binance, pinaka-malaking tanong pa rin: paano nakalusot ang recruitment scam na matagal nang alam ng crypto industry at tumagos pa hanggang wallet infrastructure na nagbabantay sa bilyon-bilyong dollars ng users?
