Lumabas sa mga dokumento sa korte na ginamit ng Department of Government Efficiency (DOGE) ni Elon Musk ang ChatGPT para i-screen ang mga federal humanities grant kung may content tungkol sa diversity, equity, at inclusion (DEI). Nalaman na pina-flag ng chatbot bilang DEI ang grant ng isang museo na worth $349,000 para sa HVAC system nito.
Inirereklamo sa isang kaso na nilabag ng DOGE ang First Amendment rights at equal-protection ng mga tao dahil sa pagputol ng pondo para sa National Endowment for the Humanities (NEH) grants.
Mandate ni DOGE Para Maka-Tipid sa Pondo
DOGE nag-umpisa bilang advisory group ng White House at hindi isang formal na ahensya, noong unang araw ni Trump sa opisina. Si Musk ang naging de facto leader nito hanggang umalis siya noong May 2025.
Pagsapit ng November 2025, tumigil na sa pagiging centralized na grupo ang DOGE ayon kay Office of Personnel Management director Scott Kupor.
Paano Gumana ang ChatGPT Screening?
Ayon sa isang spreadsheet na ipinasok bilang ebidensya, tinanong ng mga staff ng DOGE na sina Justin Fox at Nate Cavanaugh ang ChatGPT kung related sa DEI ang mga NEH proposal. Sila ay kumilos base sa sagot nito.
Humingi ng pondo ang High Point Museum sa North Carolina para palitan ang lumang system na nagpre-preserve sa mga collection nila. Sabi ng ChatGPT, makakatulong yung upgrade para mas maraming makadalaw at nilagyan ng chatbot ng DEI tag ang proposal.
Kinansela ng DOGE ang grant. Pero ayon kay Edith Brady, director ng museo, sa Fortune, na-recover nila halos 70% ng award dahil sa termination clause.
Dalawa lang sa 11 na HVAC-related na proposal ang pina-flag ng DOGE bilang DEI. Yung isa pa ay galing sa Shelburne Museum sa Vermont na humingi naman ng tulong para harapin ang climate risks sa building nila. Nilagyan ito ng ChatGPT ng DEI tag dahil may kinalaman sa environmental sustainability ng heritage preservation.
Hinayaan ng DOGE na AI ang Mag-Desisyon
Hindi lang ito isang beses na nangyari. I-screen ng DOGE ang 1,163 NEH grant proposal gamit ang ChatGPT. 1,057 ang na-flag at 42 lang ang natuloy. Halos kalahati ng annual budget ng agency ang nabura dahil dito.
Samantala, sinabi ni acting NEH chairman Michael McDonald na karamihan sa mga tinarget na project ay wala namang masamang intention sa pag-promote ng DEI. Ibig sabihin, hindi lang puro ideology kundi parang para makatipid din sa gastos yung cuts.
Apat na scholarly at literary na grupo, kabilang na ang American Historical Association at Authors Guild, ang nag-sampa ng kaso tungkol sa cuts na ito. Puwedeng mag-test ang sitwasyon na ‘to kung papasa sa legal na scrutiny ang pag-outsource ng DEI judgment gamit ang AI chatbot.
