Bumagsak ng 15% ang CoreWeave shares sa loob ng isang araw noong nakaraang linggo, pero sabi ni Citi analyst Tyler Radke, tumaas na interest rates — hindi kakulangan ng demand — ang dahilan ng bentahan sa neocloud stocks. Isa raw sa mga pinagkakatiwalaan niya ngayon ang Microsoft.
Ang neocloud players, nagre-rent ng Nvidia chips para sa AI devs, kadalasan gamit ang utang. Sabi ni Radke, co-head ng US software research sa Citi, malapit sa record high ang renta para sa Nvidia H100 chips ngayon. Pero yung bonds ng CoreWeave, halos 15% ang yield.
Kaya bang I-transfer ng Neoclouds ang Mataas na Borrowing Cost sa mga Customers?
Ayon kay Radke, tumaas ng mga nasa 30% ang 10-year Treasury yield mula sa pinakamababang level nito noong March, at direktang naapektuhan ang mga kumpanyang wala pang investment-grade credit rating. Naging dagdag pahirap ito sa merkado na nakakaramdam na ng AI debt glut o sobrang dami ng utang na konektado sa AI.
Shinare ni venture capitalist Chamath Palihapitiya ang chart ng yields ng CoreWeave bonds sa X. Nung araw na yun, bumagsak ng 15% ang stock nila, ayon sa Fortune. Samantala, pati Oracle na umutang din para sa data centers, nagsara na bagsak ng 8.8%.
Kumbinsido si Radke na mapupunta rin sa presyo ng mga neocloud yung dagdag gastos nila sa utang, lalo na sa mga susunod na kontrata nila sa customers.
“Feeling ko, ang bond market talaga ang may hawak ng big story dito ngayon.”
sabi ni Tyler Radke, co-head ng US software research sa Citi, sa CNBC
Sabi naman ng CoreWeave sa Fortune, malaki raw ang backlog nila ng customer contracts, kaya kayang bayaran lahat ng utang nila.
Pero ayon sa research firm na Gartner, 80% ng mga neoclouds baka mawalan ng independence at makuha ng mas malalaking kumpanya pagdating ng 2030, balita rin ng Fortune.
Software na Kaya ang Next Winner sa AI Trade?
Ipinunto ni Radke yung solid na margins at cash flow ng Microsoft at Palantir, isang data analytics software company, at talagang tinutukan niya ang Microsoft.
Hindi raw nauubusan ng free cash flow ang Microsoft kahit malaki ang ginagastos taon-taon sa company improvements, at hindi rin nila kailangan mangutang. Hindi mo raw kailangan mag-alala kung bababa agad ang value ng AI chips o kung saan kukuha ng pondo ang kumpanya kapag nagmamay-ari ka ng Microsoft.
Nilinaw rin niyang hindi ito either-or situation. Mas maganda pa rin ang naging performance ng chip stocks kaysa software mula nang nagsimula ang AI hype.
Medyo kabaligtaran ‘yan ng buy call ni Tom Lee, na nagsabi na maganda pa ring bilhin ang neocloud at chip stocks pagkatapos ng bentahan noong Friday.
Nakatutok ang thesis ni Radke sa tanong kung tatanggapin ng customers ang mas mataas na presyong dala ng bagong kontrata. Hangga’t hindi pa nangyayari ‘yon, investors ng bonds ang may hawak ng power kung paano pondohan ang AI infrastructure.
