Nag-launch ang Coinbase ng “Coinbase for Agents”, isang bagong feature kung saan pwede nang i-connect ang AI agents direkta sa account mo para maka-trade, magbayad, at gumalaw ng ibang finance workflows — pero ikaw pa rin ang may control sa mga limit nito.
Inintroduce din ng exchange ang Coinbase Advisor, isang in-app agent na nagbibigay ng recommendations at guidance sa users nang hindi na kailangan pang mag-setup sa labas. Registered investment advisor ito sa Securities and Exchange Commission (SEC) at registered din bilang commodity trading advisor sa National Futures Association (NFA).
AI Agents, May Direct Access na sa Coinbase Accounts
Dalawang format ang available ng product na ‘to. Una, ang MCP, para sa mga web-based AI harness gaya ng ChatGPT at Claude Web. Pangalawa, may CLI na para sa mga terminal users tulad ng Claude Code. Sabi ng Coinbase, isang login lang kailangan para makapag-connect gamit ang MCP para mabilis makapasok, habang mas konti ang token overhead at mas malalim ang customization gamit ang CLI.
I-follow kami sa X para hindi ka ma-late sa mga crypto updates
Pwedeng mag-rebalance ng portfolio ang mga agents base sa target allocations mo, mag-place ng limit orders kapag may dips, at mag-schedule ng regular na pagbili ng crypto. Pwede rin nilang bantayan ang nakatiwangwang mong cash at gumamit ng premium data kung gusto mo.
Bawa’t agent, pwede lang gumalaw sa isang hiwalay at may permission na portfolio — walang access sa iba mo pang hawak. Malapit na ring madagdagan ng features gaya ng maximum trade sizes at spending caps para sa mas safe at kontrolado ang galaw.
“Parang nagbigay ka lang ng gift card sa halip na ibinigay mo agad ang bank account mo. Ikaw ang magse-set ng limits, at dun lang gagalaw ang agent mo,” paliwanag ng Coinbase sa kanilang blog.
Ang lahat ng bayad na gagawin gamit ang feature na ‘to ay dadaan pa rin sa parehong transaction monitoring at Know Your Transaction (KYT) checks gaya ng ibang transaksyon sa exchange.
Plano ng Coinbase, Papasukin na Rin ang Stocks at Prediction Markets
Fully available na ang crypto spot at derivatives trading sa launch. Gusto ring i-expand ng Coinbase ang access papunta sa stocks, index funds, prediction markets, at commodities.
Naka-base ang launch nitong product sa AgentKit na ipinakilala nila ngayong 2024 para maging “wallet” ang mga agent, pati na yung x402 payments protocol na nilabas nu’ng isang taon.
May ibang company rin na sumunod dito. Yung Swiss bank na Sygnum, naunang gumawa ng first live AI agent transaction ng isang regulated Swiss bank nitong May. At nitong buwan din, nag-launch din ang Anchorage Digital ng Agentic Banking.
Itinuturing ng Coinbase ang mga bagong feature na ‘to bilang simula ng isang full suite para sa consumer AI agents. Sa mga darating na buwan, makikita kung gusto talagang i-adopt ng mga regular na investor ang agent-led trading o kung hanggang sa mga maagang crypto users lang ito.
Subscribe sa YouTube channel namin para updated ka sa insights ng mga crypto leaders at journalist
